কেন্দ্রগী হকশেল মন্ত্রী শ্রী জে.পি. নাদানা ফুদ সেফতী এন্দ স্তেন্দার্দ ওথোরিতী ওব ইন্দিয়া (ফসাই)না ঙসি বিগ্যান ভাবন্দা শীনবা স্ত্রীত ফুদ ভেন্দর ১,০০০গী ত্রেনিং অমসুং এৱেয়রনেস প্রোগ্রামগী ময়াই তাংবল লৌখি। থৌরম অদুদা মহাক্কা লোইননা  শ্রীমতি অনুপ্রিয়া পতেল, কেন্দ্রগী হকশেল অমসুং য়াইফ-য়ুম্বাল মন্ত্রালয়গী রাজ্যগী মন্ত্রীনা শরুক য়াখি।

ভারত্তা স্ত্রীত ফুদকী মরুওইবশিং পুখৎলদুনা শ্রী নাদানা ফসাইবু স্ত্রীত ফুদ ভেন্দরশিংদগী লৌরিবা লুপা ১০০গী রেজিস্ত্রেসন ফী কোকপীনবা পাউতাক পীখি। মহাক্না হায়খি, "ভেন্দরশিংনা রেজিস্ত্রেসন হেন্না হেন্না তৌরক্নবগীদমক ফসাইনা স্ত্রীত ফুদ ভেন্দরশিংদগী লুপা ১০০গী রেজিস্ত্রেসন ফী অসি কোকপীবা য়াই।"

কেন্দ্রগী হকশেল মন্ত্রীনা হায়খি মদুদি "ফুদ সেফতী অমসুং সর্তিফিএসন (ফোস্তেক) ত্রেনিং শরুক য়ারিবা ভেন্দর খুদিংমক্তা লৈবাক অসিদা লৈরিবা স্ত্রীত ফুদ ভেন্দরশিংনা অশোই অঙাম য়াওদ্রবা চীঞ্জাকশিং ফংহন্নবগীদমক অনৌবা 'স্ত্রীত সেফ' রেপিদ তেস্তিং কিতশিং পীগদবনি।" "মসিগী মথক্তা ঐখোয়না স্ত্রীত ফুদ ভেন্দরশিংবু কঞ্জুমরদা য়ৌবা হেনগৎনবগীদমক ফুদ দেলিভরী প্লেৎফোর্মশিংদা এনরোল তৌদুনা শক্তি হেন্না পীনবা হোৎনগদবনি। ঐহাক্না অসিগুম্বা ফম্বাকশিং অসিদা স্ত্রীত ফুদ ভেন্দরশিংবু শেলগী পোৎলুম পীবীদনা অরাইবা তেক্নোলোজীগী পাম্বৈশিং পীবীনবা পুক্নিং চিংশিঞ্জরি" হায়না মহাক্না মখা তাখি।

শ্রী নাদানা স্ত্রীত ফুদ ভেন্দরশিংবু ঙসি মখোয়না ফংলিবা ত্রেনিং অসি থবক্তা পানশিন্দুনা ঐখোয়গী নাৎকী পোৎলম অমা ওইরিবা স্ত্রীত ফুদকী চৎনবী অসিবু মীয়াম্না চা থকপদা অশোই অঙাম য়াওহন্দনবা পুক্নিং থৌগৎখি। মহাক্না হায়খি, "ভেন্দরশিংনা লু নানবগী চৎনবী অমা হৌদোক্কনি হায়না থাজৈ, মসিদতা মখোয়না মখোয়গী লল্লোন ইতীক্তা হেন্না চাউখৎপা ঙমগনি।" মহাক্না মখা তারদুনা হায়খি মদুদি ত্রেন তৌরবা ভেন্দরশিংনা ফসাইদগী ফংলিবা সর্তিফিকেতশিং অসিনা মখোয়গী কর্বারদা হেন্না কান্নবা পীগনি, মরমদি মসিনা কঞ্জুমরশিংদা মখোয়বু থাজবা হেনগৎনবা লম্বী অমা পীরি।

কেন্দ্রগী হকশেল মন্ত্রী অসিনা স্ত্রীত ফুদ ভেন্দরশিংগী ত্রেনিং অমসুং রিওরিএন্তেসন প্রোগ্রাম অনিমক্কী মরুওইবশিংগী মতাংদা ফোংদোকখি। মহাক্না স্ত্রীত ফুদ ভেন্দরশিংদা প্রধান মন্ত্রী স্ত্রীত ভেন্দর'স আত্মনির্ভর নিধি (পি.এম-স্বানিধি) প্রোগ্রামগী খুদোংচাবা লৌদুনা মখোয়গী কর্বার হেন্না খুমাং চাউশিন্নবা হোৎননবা পুক্নিং থৌগৎখি। মসিগী মথক্তা, মহাক্না ইকাইখুম্নজরিবা প্রধান মন্ত্রীগী লৈবাক অসিদা লৈরিবা জিল্লা কয়াদা স্ত্রীত ফুদ লম্বী ১০০ শেমগৎনবা হোৎনরিবা থৌরাংগী মতাংদা পাউদমখি।

থৌরম অদুগী মনুংদা, কেন্দ্রগী হকশেল মন্ত্রীনা 'এস.ও.পি. ফোর স্ত্রীত ফুদ ভেন্দর্স' হায়বা অমা লোঞ্চ তৌখি, মসিনা স্ত্রীত ফুদ শেম্বদা হায়জিন অমসুং সেফতী ঙাক্না চৎনবগী মরমদা তৌগদবা অমসুং তৌরোইদবশিং পীরি। মহাক্না স্ত্রীত ফুদ ভেন্দরশিংগী অখন্নবা পোর্তেল অমা হাংদোকখি, মসিনা মখোয়দা মখোয়গী মায় পাকপগী ৱারী লান্থোকপা য়াহল্লি অমসুং ফুদ সেফতীগী মতাংদা রিসোর্স কয়া ফংহল্লি https://sfv.fssai.gov.in/)।

মসিগী মথক্তা, ত্রেন তৌরবা ভেন্দরশিংগী মোৎশিংনা ত্রেনিং প্রোগ্রাম অদুগী অহোংবা পুরকপা ঙমগদবা শাফু অমসুং মসিনা পীরিবা শাফু অমসুং ফুদ সেফতীগী লমদা লৈবা মরীগী মতাংদা উৎখি।

স্ত্রীদ ফুদ ভেন্দর অমসুং অতোপ্পা চীঞ্জাক থোং থাক্লিবশিংবু লমজিং লমতাক্নবগীদমক, থাউ, শঙ্গোম অমসুং শঙ্গোমগী পোত্থোকশিং, অমসুং ফত্তবা লংথোকপগী মতাংদা য়াওবা ভিদিও অমসু থৌরম অদুদা ফোংখি। শরুক য়াখিবা ভেন্দরশিংদা পোৎয়ান য়াওবা খুদক্তা য়েংনবা তেস্তিং কিত পীখি, মসিনা মখোয়দা থাক অমা লেপ্পা ঙমজনবগী শক্তি পীরগনি।

শ্রীমতি অনুপ্রিয়া পতেলনা মহাক্কী ৱারোলদা লৈঙাক্না লৈবাক পুম্বদা ফুদ সেফতী হেনগৎনবা হোৎনরিবা থৌরাংগী মতাংদা ফোংদোকখি। মহাক্না হায়খি, "স্ত্রীত ফুদ অসি ঐখোয়গী নাৎকা শাগোন্নৈ। স্ত্রীত ফুদ অসি চানবা পোৎলমশিং ওইবতা নত্তনা ভারতকী মীয়ামগীদি চৎনবী অমনি। লখনৌগী বাস্কেত চাতপু ওইরো নৎতগা বারানসিগী কুহাদ চাইবু ওইরো, স্ত্রীত ফুদ হায়বসিদা ভারতকী শহরশিংগী মশক অমা তাক্লি।" মীয়াম্না চানরিবা চীঞ্জাকশিংগী হায়জিন অমসুং লু নানবগী থাক অমা ভেন্দরশিংনা ঙাকপা হায়বসি য়াম্না মরুওই। অদুগা, হেন্না শাফনবা অমসুং ভারত্তা হায়জেনিক ওইবা চীঞ্জাক্কী ইকোসিস্তেম অমা শেম্নবগীদমক স্ত্রীত ফুদ অসি চাং নাইনা চাংয়েং তৌবগী থবকসু য়াম্না মরু ওইরে," হায়না মহাক্না মখা তাখি।

কেন্দ্রগী মন্ত্রী অসিনা ফসাইগী ফুদ সেফতী ওন ৱিলস গারীদা চৎতুনা য়েংখি, মসিদা থাউ অমসুং শঙ্গোম চৎনা চৎনা তেস্ত তৌবা য়ানবগী খুদোংচাবা য়াওরি।

শ্রী অপুর্ব চন্দ্র, কেন্দ্রগী হকশেল সেক্রেতরীনা মালেম পুম্বনা খঙনরবা মওংদা ভারত্তা স্ত্রীত ফুদ পাম্ন্রকপগী মতাংদা ফোংদোকখি। মহাক্না ভেন্দরশিং অসিনা হায়জিনগীদমক অমসুং মখোয়গী কর্বার হেন্না ফগৎনবগীদমক ফুদ সেফতীগী মরুওইবা লাকপগী মতাংদা ফোংদোকখি। মহাক্না হায়খি মদুদি ফসাইনা স্ত্রীত ফুদ ভেন্দর লাখ অমা মথংগী চহি অমসিদা মসিগী ফোস্তেক প্রোগ্রামগী মখাদা লৈবাক শীনবা থুংনা ত্রেন তৌগনি।

দিল্লীগী তোঙান-তোঙানবা মফমশিংদা লৈবা স্ত্রীত ফুদ ভেন্দর ১০০০গী নোংমগী ওইবা ত্রেনিং পীনবগী থৌরম অসিদা তোঙান-তোঙানবা পার্সনেল হায়জিন, ফুদ হেন্দলিং, থোংবগী থবক, অমসুং অমোৎপা লোইশিনবগী মতাংদা নৈনখি। শরুক য়ারিবশিং অসিবু ফুদ সেফতী অমসুংস্তেন্দার্দ এক্তকী মতাংদা ভাপ তাহনখি, মরুওইনা ফুদ বিজিনেসশিংগী লাইসেন্সিং অমসুং রেজিস্ত্রেসনগী মতাংদা য়াওরিবা সেদ্যুল ৪ গী মতাংদা খঙহনখি। থৌরাং অসিনা স্ত্রীত ফুদ ভেন্দরশিং অসিনা হেন্না ফবা সেফতীগী থাক অমসুং মীয়ামগী হকশেলগী মতাংদা ভাপ তাহন্নবা পান্দম থমখি। স্ত্রীত ফুদ ভেন্দরশিং অসিনা মখোয়গী চীঞ্জাক, খুৎলাই অমসুং অকোইববু লু নান্না থমদুনা মীয়ামদা অফবা চীঞ্জাক পীগনি হায়না ৱাশকখি।

থৌরম অসিনা ফসাইনা লৈবাক শীনবা থুংবদা ফুদ সেফতী হেনগৎহন্নবা হোৎনরিবা থৌরাং অমসুং ফোস্তেক প্রোগ্রামগী মখাদা মসিনা ২০১৭দা হেক লিংখৎখিবদগী ফুদ হেন্দলর লাখ ১৮দা মায় পাক্না ত্রেনিং পীরকপগী অচৌবা খোঙথাং অমা তাক্লে।

শ্রী জি কমলা ভর্ধন রাও, সি.ই.ও. ফসাই; শ্রী য়ু.এস. ধ্যানি, একজিক্যুতিব দিরেক্তর, ফসাই অসুং কেন্দ্রগী হকশেল মন্ত্রালয়গী মকোক থোংবা ওফিসিএলশিংনা থৌরম অদুদা শরুক য়াখি।

***