কোয়লা অমসুং মাইনগী কেন্দ্র মন্ত্রী শ্রী জি. কিশন সিংহ রেদ্দীনা ঙসি হাইদ্রবাদতা ইন্নোভেতিব মিনরেল হন্ত তেক্নিক্তা মিৎয়েং থম্বা মিনরেল এক্সপ্লোরেসন হেক্কাথোন হৌদোকখ্রে। থৌরম অসিদা বিহারগী উপ মুখ্য মন্ত্রী শ্রী বিজয় কুমার সিনহানা শরুক য়াখি। মাইন মন্ত্রালয়গী দিগ্নতরী, রাজ্য সরকারগী ওফিসিএলশিংগা লোয়ননা সরকারগী লুপ অমদি ইন্দস্ত্রীগী মীহুৎ কয়াশু থৌরম অসিদা শরুক য়াখি।

অনৌবা মিনরেল তার্গেত, মরু ওইনা, দীপ সীতেদ/কন্সিল্দ ওর বোদী মশক খঙদোকপদা শিজিন্নবা বেজলাইন দেতা, হান্নদগী লৈরবা এক্সপ্লোরেসন দেতানচিংবা মিনরেল এক্সপ্লোরেসন দেতা সেত কয়া পুনশিনবা, জিওফিজিকেল দেতাগীদমক্তা আর্তিফিসিএল ইন্তেল্লিজেন্স (এ.আই.) অমসুং মছিন লর্নিং (এম.এল.)গুম্বা হৌগৎলক্লিবা তেক্নোলোজী কয়া শিজিন্নবা খুমাং চাউশিলহন্নবা হেক্কাথোং অসিনা পান্দম থম্লি/

কেন্দ্র মন্ত্রী, শ্রী জি. কিশন রেদ্দীনা থৌরম মনুংদা “গ্লিম্প ওফ জিওলোজী এন্দ মিনরেল রিসোর্স, তেলঙ্গানা” অমসুং “মিনরেল ইন তেলঙ্গানা – স্পোতলাইত”কী মতাংগী চেফোঙ ফোঙখি। চেফোঙশিং অসিনা তেলঙ্গানা রাজ্যগী জিওলোজিকেল সেত-অপকা লোয়ননা রাজ্য অসিনা হীরম অসিদা লৈবা মতিকশিংদা মিৎয়েং চঙলি।

মন্ত্রী শ্রী জি. কিশন রেদ্দীনা ক্রিতিকেল অমসুং স্ত্রেতজিক মিনরেল ব্লোক্কী ই-ওক্সনগী অনিশুবা অমসুং অহুমশুবা ত্রাঞ্চকী খনগৎলবা বিদ্দর 08কী মফমদা সর্তিফিকেত খুৎশিন্নখি। ত্রাঞ্চ অনি অমসুং অহুমগী মখাদা মায় পাক্না ওক্সন তৌখ্রবা ব্লোকশিং মখাদা পীরিঃ

শ্রী জি. কিশন রেদ্দীনা থৌরম মনুংদা নেস্নেল দিস্ত্রিক্ত মিনরেল ফাউন্দেসন (দি.এম.এফ.) পোর্তেলশু লোঞ্চ তৌখি। পোর্তেল অসিদি লৈবাক শিনবা থুংবগী দিস্ত্রিক্ত মিনরেল ফাউন্দেসনগী ই-পাউ খোম্নবা সেন্ত্রেলাইজ প্লেতফোর্ম অমনি। পোর্তেল অসি হৌদোকপগী পান্দমদি দি.এম.এফ. দেতা ফংহনবা অমসুং মসিগী মখাদা পাংথোকপা চাউখৎ থৌরাং অমসুং শেলগী চাদিং খঙবদা তেংবাংবনি। পোর্তেল অসিনা লৈবাক্কী দি.এম.এফ. 65কী অকুপ্পা মরোল পীদুনা নুং পান হেন্না ফাওনা উহল্লি, থবক থৌরমশিং মশক খঙহল্লি, প্রোজেক্তকী পান্দম খঙহল্লি, থবক নীংথিনা পাংথোকপা ঙম্নবা দাইনামিক্স এনালাইতিক্সকা লোয়ননা খ্বাইদগী ফবা থৌওংশিংগী তুঙফম অমা ওইহল্লি।

জুন 24, 2024গী এন.আই.তি.গী মখা পোন্না হৌখিবা ক্রিতিকেল অমসুং স্ত্রেতজিক মিনরেল ব্লোক্কী ই-ওক্সনগী ত্রাঞ্চ IVগী মরী লৈনবা রোদশো অমশু থৌরম অসিদা মখা তানা পাংথোকখি। রোদশো অসিগী পান্দমদি ইন্দস্ত্রীনা শরুক য়াবা হেনগৎহনবা অমসুং মাইন মন্ত্রালয়না পাংথোক্লিবা ই-ওক্সনগী থৌওংশিং মমুৎ তানা খঙহনবনি। ত্রাঞ্জেক্সন এদভাইজর এস.বি.আই. কেপিতেল মার্কেত লিমিতেদনা পাংথোকপা ই-ওক্সনগী থৌওংগী অকুপ্পা মরোল, ই-ওক্সন পোর্তেল চলায়রিবা এম.এস.তি.সি.না পীরিবা ই-ওক্সন প্লেতফোর্ম শিজিন্নবগী কাঙলোন, অমসুং তেক্নিকেল এদভাইজর মিনরেল এক্সপ্লোরেসন অমসুং কন্সলতেন্সী লিমিতেদকী ক্রিতিকেল অমসুং স্ত্রেতজিক মিনরেল ব্লোক 21গী তেক্নিকেল ওইবা অকুপ্পা মরোলগী মতাংদা শেম্বা প্রজেন্তেসন অমশু রোদশো অসিদা উৎখি।

***