প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা নিউ জিলেন্দগী প্রধান মন্ত্রীগা ৱারি শানখ্রে
মহাক অমুক হন্না মীখলদা মাইপাক্লকপদা প্রধান মন্ত্রী লক্সন প্রধান মন্ত্রী মোদী থাগৎপা ফোঙদোকখ্রে
গনতন্ত্রগী মগুনশিং অমসুং মীগা মীগা লৈনবা মরীশিংদা য়ুম্ফম ওইরিবা লৈবাক অনিগী মরীশিং খুমাংচাউশিনহন্নবা লুচিংবা অনিমক্না মখোয়গী থাজবা অমুক হন্না পীনখি
ললোন-ইতিক, শা-ষন লোইবা, ফার্মাসিউতিকেল, ইজুকেসন, স্পেস অমসুং অতোপ্পা হিরমশিংদা মতেং পীনবা হেনগৎহন্নবা মখোয়না য়ানখ্রে
লৈবাক অদুদা লৈরিবা ভারতমচাশিংগী য়াইফনবা থবক তৌবগীদমক প্রধান মন্ত্রী মোদীনা প্রধান মন্ত্রী লক্সন থাগৎপা ফোঙদোকখ্রে। মখোয় য়াইফনবা অমসুং ঙাক-শেন্নবা থবক পায়খৎকনি হায়না প্রধান মন্ত্রী লক্সন্না থাজবা পীখি
Posted On:
20 JUL 2024 2:37PM by PIB Imphal
ঙসি প্রধান মন্ত্রী শ্রী নরেন্দ্র মোদীনা নিউ জিলেন্দগী প্রধান মন্ত্রী খৃস্তোফর লক্সনদগী তেলিফোন কোল অমা ওকখ্রে।
ভারতকী সাধারন মীখলদা মহাক অমুক হন্না খল্লকপদা প্রধান মন্ত্রী লক্সন্না প্রধান মন্ত্রী মোদী থাগৎপা ফোঙদোকখি।
গনতন্ত্রগী মগুনশিং অমসুং মীগা মীগা লৈনবা মরীশিংদা য়ুম্ফম ওইরিবা লৈবাক অনিগী মরীশিং খুমাংচাউশিনহন্নবা লাক্লিবা চহিশিংদা লৈবাক অনি মতেং পীনবা অনৌবা থাকশিংদা পুখৎনবা লুচিংবা অনিমক্না মখোয়গী থাজবা অমুক হন্না পীনখি।
লৈবাক অনিগী মরক্তা হন্দক অৱাংবা থাক্কী মীফম কয়া পাংথোক্তুনা মরী ফগৎলকখিবা অদু পল্লদুনা, ললোন-ইতিক, শা-ষন লোইবা, ফার্মাসিউতিকেল, ইজুকেসন, স্পেস, লাইরি-লাইশু অমসুং অতোপ্পা হিরমশিং য়াওনা তোঙান-তোঙানবা হিরমশিংদা লৈবাক অনিমক্না কান্নবা ফংনবা মতেং পীনবা হেনগৎহন্নবা মখোয়না য়ানখ্রে।
নিউ জিলেন্দা লৈরিবা ভারতমচাশিংগী য়াইফনবা থবক তৌবগীদমক প্রধান মন্ত্রী মোদীনা প্রধান মন্ত্রী লক্সন থাগৎপা ফোঙদোকখ্রে। মখোয় য়াইফনবা অমসুং ঙাক-শেন্নবা থবক পায়খৎকনি হায়না প্রধান মন্ত্রী লুজোন্না থাজবা পীখি।
মখা তানা পাউ ফাওনবা হায়না মখোয়না লুচিংবা অনিনা য়ানখি।
****
(Release ID: 2034623)
Visitor Counter : 40
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam