হন্দক্কী চহিগী অঙনবা শরুক্তা হৌদোকখিবা অনৌবা গবর্নমেন্ত ই মার্কেতপ্লেস (জি.ই.এম.) লর্নিং মেনেজমেন্ত সীস্তেম অসি লোল কয়াগী ইন্তর্ফেস লৈবা অমসুং স্কোর্ম কমপ্লাইএন্ত ইন্তরেক্তিবা ই-লর্নিং কোর্সকী খুদোংচাবা পীবা সরকারগী থৌওং অমনি। জি.ই.এম.না মখোয়গী ইন্তরেক্তিব অমসুং মলতিলিঙ্গুএল এল.এম.এস. অসিবু য়ুজর-ফ্রেনলী লর্নিং প্লেতফোর্ম অমা ওইহন্নবা ওফিসিএল লোল তরুক্তা ফংহন্দুনা হৌদোকখিবা অদু হৌজিক ভারতকী ওফিসিএল লোল তরানিথোইদা অমুক ফংহনখ্রে।

ই-লর্নিং ত্রেনিং কোর্স অসি হৌজিক ওফিসিএল লোল তরানিথোই – অসামীজ, বেঙ্গলী, ইংলিশ, গুজরাতী, হিন্দি, কন্নর, মলায়ালম, মরাথী, ওরিয়া, পঞ্জাবী, তমিল অমসুং তেলেগুদা ফংলগনি অমসুং মসিনা য়ুজরগী মখল কয়াগী তঙাই ফদবশিং ফংহনগনি। য়ুজর ফ্রেনলী ওইবা ইন্তর্ফেস অসিনা দেদিকেতেদ লাইব্রেরী অমদি প্রোগ্রেস ত্রেকিং দেশবোর্দকা লোয়ননা হেন্না নুংঙাইরবা য়ুজর এক্সপেরিএন্স ফংহনগনি।

এল.এম.এস. অসিনা য়ুজরশিংদা প্রোগ্রেসিব লর্নিং অমসুং মগুন লৈবা সর্তিফিকেসন ফংহন্নবা ফোর-লেভেল বাইয়র সর্তিফিকেসন প্রোগ্রাম অমসু পীরি। মখা তারকপদা, লর্নিং প্লেতফোর্ম অসিনা বাইয়র অমসুং সেল্লরশিংদা মখোয়গী অপাম্বা হীরম নত্রগা সর্তিফিকেসন লেভেল খন্দুনা মশাগী অপাম্বা লর্নিং পাথ খনবা য়াহনগনি, মসিনা প্লেতফর্ম অসিগী মথৌ পাংথোকপা হেনগৎহনগনি।

“সরকারগী এজেন্সীশিংনা পোৎ লৈবদা জি.ই.এম. শিজিন্নহনবা হায়বা মিৎয়েং থম্বগা লোয়ননা, স্তেকহোলদরশিংদা পোলিসী, মথৌ তৌবগী মওং অমসুং পোর্তেলবু লায়না শিজিন্নবদা তেংবাংনবা লর্নিংগী চুনবা পাম্বৈ কয়া পীবা হায়বসি মশানা তাবনি। ইন্তরেক্তিব অমসুং মলতিলিঙ্গুএল এল.এম.এস. অসি ৱাখল্লোন অসি খঙদুনা ওফিসিএল লোল 12তা ফংহনবনি”, জি.ই.এম.গী সি.ই.ও., শ্রী প্রশান্ত কুমার সিংহনা হায়খ্রে।

“মলতিলিঙ্গুএল লর্নিং তুল ফংহনবা অসিনা পব্লিক প্রোক্যুর্মেন্তকী অকুপ্পা থৌওং নীংথিনা খঙহনবা, রাজ্য/লোকেল গবর্নমেন্তকী বাইয়রশিংগা লোয়ননা ভারত পুম্বদা লৈরিবা লাস্ত-মাইল সেল্লরশিংদা জি.ই.এম. পোর্তেল শিজিন্নবা হেনগৎহনবদা তেংবাংগনি। থা মরিগী মমাংদা মসিবু হৌদোকখিবদগী ঙসি ফাওবদা, জি.ই.এম.না য়ুজর রেজিস্ত্রেসন তৌবগী মশিংদা শরুক 32 হেনগৎপগী মতৌ উখি, মসিদা য়ুজর 4,000 হেনবনা তোঙান-তোঙানবা কোর্সশিংদা মিং চল্লকখি। মতম অসিগী মনুংদা বাইয়র সর্তিফিকেত 600 হেন্না পীথোকখ্রবনি”, শ্রী সিংহনা মখা তাখি।

জি.ই.এম. য়ুজরশিংগী ত্রেনিং অমসুং কেপাসিতী বিলদিং তৌবগী মথৌ তাবা শকখঙলদুনা, প্লেতফোর্ম অসিনা মালেমগী থাক্তা লৈবা লর্নিং অমসুং দিভেলপমেন্তকী থাক্কা মরী লৈননা চৎলি। চপ মান্নবা মতমসিদা, মসিনা রাজ্য অমসুং য়ুনিয়ন তেরিতোরী কয়াগী লোলগী দেমোগ্রাফী খেন্নরিবা অসিগী ৱারোইশিন অমসু পুরক্লি।

গবর্নমেন্ত বাইয়র, সেল্লর/সর্ভিস প্রোভাইদর অমসুং জি.ই.এম.গী য়ুজর খুদিংগী য়েংলগা নীংথিনা মওং শেম্লবা অনৌবা ত্রেনিং কোর্স কয়া অসিনা পার্তিসিপেন্তশিংগী অখন্নবা অপাম্বা অমসুং স্কিল লেভেলদা মিৎয়েং চঙগনি, জি.ই.এম.বু মখোয়গী চুনবা থৌওংগী মখা পোন্না মমুৎ তানা কঙবা হেনগৎহনগনি। জি.ই.এম.গী এল.এম.এস. প্লেতফোর্ম অসিনা গবর্নমেন্ত লর্নিং অমসুং কেপাসিতী বিলদিং প্লেতফোর্মশিংগী অনৌবা বেঞ্চমার্ক অমা থম্লি। ইন্তরেক্তিব, মলতিলিঙ্গুএল ওইবা কোর্সশিং অসিনা য়ুজর খুদিংদা জি.ই.এম. নীংথিনা শিজিন্নবা ঙম্বদা মথৌ তাবা স্কিল খুদিংমক পীগনি, মসিদি লৈফম নত্ত্রগা লোল হৈবা হৈতবগী মখা পোলহল্লোই।

জি.ই.এম.না শিজিন্নবা নুংঙাইবা অমসুং লোল য়াম্বগী এক্সপেরিএন্স ফংহন্দুনা মখোয়গী য়ুজরশিংবু তেংবাংবতা নত্তনা পাক শন্না শিজিন্নহন্নবা থাজবা অমশু পীরি।

***