মরু ওইবা ৱাফমশিং:

• প্রধান মন্ত্রী নরেন্দ্র মোদীগী লুচিং মখাদা 4Gদা মালেমবু তুং ইল্লিবা লৈবাক, 5Gদা মালেমগা লোয়ননা চংশিনমিন্নরিবা লৈবাক অমা ওইনা ঐখোয়গী ভারতনা হৌজিক 6Gদা মালেমবু লুচিংলগনি: কম্ম্যুনিকেসন অমসুং অৱাং নোংপোক্কী চাউখৎ-থৌরাং মন্ত্রী, শ্রী জোতিরাদিত্যা এম. সিন্ধিয়া
• IMC 2024না ইন্নোভেতিব সোল্যুসনশিং, সর্ভিসশিং অমসুং তেক্নোলোজী ইকোসিস্তেমদা স্তেৎ-ওফ-দি-আর্ত য়ুজ কেসশিং উৎনবা চপ চারবা প্লেৎফোর্ম অমা ওইরগনি
• পোতেন্সিএল ইনভেস্তর, এঞ্জেল, ইনক্যুবেতর 1000 হেনবা অমসুং VC ফন্দশিংগা লোয়ননা ৱান-তু-ৱান মীতিং অমসুং ৱারী-ৱাতাই শাবগী থৌরম 500 হেন্না লৈহন্নবা পান্দম থম্মি
• DoT না স্তার্ত-অপশিং অমসুং MSMEশিংগীদমক তেস্তিং স্কিম লোঞ্চ তৌখ্রে অমসুং সাইবরসেক্যুরিতীদা কেপাসিতী বিল্দিং তৌনবগীদমক MoU খুৎয়েক ঈনখ্রে
• DoTনা পন্দিৎ দীনদয়াল উপাধ্যায় তেলিকোম এক্সিলেন্স এৱার্দস 2023 লাউথোকখ্রে

ইন্দিয়া মোবাইল কংগ্রেস 2024গী থিম ‘দি ফ্যুচর ইস নাও’ অসি ঙরাং কম্ম্যুনিকেসন্স অমসুং অৱাং নোংপোক চাউখৎ-থৌরাং মন্ত্রী, জোতিরাদিত্যা এম. সিন্ধিয়ানা ফোঙখ্রে। থিম অসিনা ভারতনা করম্না তেক্নোলোজিকেল ইভোল্যুসন্দা মরু ওইবা অমা ওইবগে অমসুং IMC 2024না মালেমগী লুচিংবশিং – ভিজনরীশিং, পাইওনীয়রশিং অমসুং ইন্নোভেতরশিং – পুনশিনবগে অমসুং ফ্যুচর হায়বা অই শুপ্নগী কনসেপ্ত অমা ওইদবা – থোক্লিবা মফম, ঙসিগী ঐখোয়গী মালেমবু তেক্নোলোজীশিংনা করম্না অওনবা পুরকপগে তাক্লি।

কম্ম্যুনিকেসন্স অমসুং অৱাং নোংপোক চাউখৎ-থৌরাং মন্ত্রী, জোতিরাদিত্যা এম. সিন্ধিয়ানা রেজিস্ত্রেসনগীদমক অখন্নবা ইন্তরেক্তিব এপ অমা ওইরিবা ইন্দিয়ন মোবাইল কংগ্রেস 2024গী এপ্লিকেসন অমসুং ৱেবসাইৎ লোঞ্চ তৌখ্রে। অহানবা রেজিস্ত্রেসন তৌখিবা অমসুং জোতিরাদিত্যা এম. সিন্ধিয়ানা মরু ওইবা ৱারোল পীখিবগা লোয়ননা ইন্দিয়ন মোবাইল কংগ্রেসনা দেলিগেৎশিং, ভিজিতরশিং, একাদেমিয়া/কোলেজ, সরকার অমসুং মেদিয়াদগী রেজিস্ত্রেসনশিং হাংলে লাউথোকখি।

মহাক্কী মরু ওইবা ৱারোলদা কম্ম্যুনিকেসন মন্ত্রীনা হায়: “মীয়ামবু পুনশিনবা ঙম্লবা অসি তেক্নোলোজীনি। মসিগী খ্বাইদগী ফবা খুদম ঐখোয়গী লৈবাক ভারতনি”। মহাক্না তেক্নোলোজীনা প্রধান মন্ত্রী নরেন্দ্র মোদীগী ৱাখল্লোন মখাদা লৈবাক শিনবা থুংবদা লৈরিবা দিভাইদশিং মেনখৎপদা লৌরিবা থৌদাং অদু থমখি। মহাক্না হায়,  “তেক্নোলোজী অমসুং কম্ম্যুনিকেন্সননা খুদোংচাবশিংগী ফম্পাক অমা পীরগনি। কম্ম্যুনিকেসন্স অমসুং নেৎৱার্জসনা ভারতকী অহানবা খুঙ্গংগী মীয়ামগা ভারতকী ময়াই থংবা খুঙ্গংশিংগী মীয়ামবু পুনশিনবা ঙমগনি।”

কম্ম্যুনিকেসনগী মন্ত্রীনা IMC বু মালেমগী ওইবা মেল্তিং পোইন্ত অমা ওইনা ফোংদোকখি অমসুং লাক্কদৌরিবা মতম অসিদা অসিগুম্বা থৌরমশিংগী ময়াইদা ভারত অসি উবা ফংলগনি হায়না থাজবা থমখি। মহাক্না হায়খি মদুদি "ফ্যুচর ইজ নাও" হায়বা থীম অসিনা ঐখোয়গী তৌবা ঙম্বশিং, ঐখোয়গী মাইপাকপশিং অমসুং তুংলমচৎকী ওইথোকপা য়াবশিংবু উৎলি। মহাক্না হৌখিবা চহি 10দা তেলিকোম সেক্তরদা অহোংবা কয়া লাকখিবগী মতাংদা পনখি। মহাক্না হায়খি মদুদি ভারত অসি তেক্নোলোজীগী কঞ্জুমর অমা ওইরম্বদগী তেক্নোলোজীগী সপ্লাইয়র অমা ওইরক্লি। তেলিকোম এক্ত 2023, PLI খ্বাইদগী থুনা 5G রোলওৎ তৌবা অসিনচিংবা তেলিকোমগী থৌরাং কয়া মহাক্না থাগৎপা ফোংদোকখি অমসুং লাক্লিবা নুমিৎ 180গী মনুংদা তেলিকোম এক্ত 2023গী চৎন-কাঙলোনশিং খঙহনগনি হায়না মহাক্না থাজবা পীখি।

কম্ম্যুনিকেসন্স অমসুং দোনর মন্ত্রী শ্রী জোতিরাদিত্যা এম সিন্ধিয়ানা IMC 2024গী থিম লোঞ্চ তৌবা

থৌরম অদুগী মনুংদা, দোত ওফ ত্রেদনা পন্দিৎ দীনদয়াল উপাধ্যায় তেলিকোম এক্সিলেন্স এৱার্দস 2023 অসি তেলিকোম ইন্নোভেসন, তেলিকোম স্কিলিং, তেলিকোম সর্ভিস, তেলিকোম মেন্যুফেকচরিং অমসুং তেলিকোম এপ্লিকেসনগী লমশিংদা মখোয়গী খুদম ওইরবা অমসুং শিংথানিংঙাই ওইবা থৌদাংশিং অদুগীদমক মখাদা পীরিবা এৱার্দিশিংদা পীগনি হায়না লাউথোকখি:

কম্ম্যুনিকেসন্স অমসুং দোনর মন্ত্রী শ্রী জোতিরাদিত্যা এম সিন্ধিয়ানা পন্দিৎ দীনদয়াল উপাধ্যায় তেলিকোম এক্সিলেন্স এৱার্দস 2024 পীব

সাইবরসেক্যুরিতীদা এক্সপর্ত লেবেল ত্রেনিংগীদমক IIT জম্মুগা লোয়ননা MoU খুৎয়েক পীনবা

স্তেগতা দিগনিতরীশিংগা লোয়ননা কম্ম্যুনিকেসন্স অমসুং দোনর মন্ত্রী শ্রী জোতিরাদিত্যা এম সিন্ধিয়া

মন্ত্রীনা স্তার্ত-অপশিং অমসুং MSMEশিংগীদমক তেস্তিং স্কিমসু হৌদোকখি অমসুং সাইবর সেক্যুরিতীগী লমশিংদা কেপাসিতী শেমগৎনবা NTIPRIT অমসুং IIT জম্মুগী মরক্তা MoU খুৎয়েক পীনবা য়েংশিনখি।

থৌরম অসিদা, DCCগী চেয়রমেন অমসুং কম্ম্যুনিকেসন মন্ত্রালয়গী দিপার্তমেন্ত ওফ তেলিকম্ম্যুনিকেসন (DoT)গী সেক্রেতরী (তি.), দা. নীরজ মিথ;না অখন্নবা ৱারোল পীরদুনা 5G রিভোল্যুসনদা ভারতকী তেলিকোমগী হৈশিংবা অমসুং মায়পাকপগী মতাংদা থমখি। COAI গী চেয়রমেন শ্রী অভিজিৎ কিশোরনা মীয়াম তিনখিবা অদুদা মহাক্কী ৱারোল পীদুনা তরাম্না ওকখি।র

IMC-2024, WTSA-2024 & GSS-2024

তেলিকম্ম্যুনিকেসন দিপার্তমেন্ত (DoT) অমসুং সেলুলর ওপরেতরস এসোসিএসন ওফ ইন্দিয়া (COA.) না পুন্না শীনবা এসিয়াগী প্রিমিয়র দিজিতেল তেক্নোলোজী একজিবিসন, ইন্দিয়া মোবাইল কংগ্রেস (IMC) গী নিপানশুবা এদিসন অসি চহি অসিগী ওক্তোবর 15দগী নই দিল্লীগী প্রগতি মৈদানদা পাংথোক্কনি।

IMC 2024গা লোয়ননা, ভারতনা মকোক থোংবা ইন্তর্নেস্নেল কনফরেন্সশিং - ৱর্ল্দ তেলিকম্ম্যুনিকেসন স্তেন্দর্দাইজেসন এসেমব্লী ন্যু দিল্লী 2024 (WTSA 2024) অমসুং গ্লোবেল স্তেন্দর্দ সিম্পোজিয়ম (GSS 2024) অসি 2024গী ওক্তোবর 14-24 ফাওবদা মফম অসিমক্তদা পাংথোক্কনি।

বেকগ্রাউন্দ:

ইন্দিয়ন মোবাইল কংগ্রেস 2024

IMC 2024না তঙাইফদবা অমসুং পুক্নিং চিংশিন্নবা ৱারী অমা পুরক্লগনি। মতম অমদা ঐখোয়না খল্লম্বা তেক্নোলোজীশিং অসি হৌজিক ঐখোয়গী পুন্সিগী অখন্নবা শরুক অমা ওইরে। মসিনা 6জি, AI., সেমিকন্দক্তরশিং, ব্রোদকাস্তিং, ইলেক্ত্রোনিক মেন্যুফেকচরিং, সেতকম, ক্বান্তম অমসুং সেক্যুরিতী অসিনচিংবা লমশিংদা খ্বাইদগী নৌবা খোংজেলশিং অসিদা শরুক য়ানবা মীহুৎশিংবু পুক্নিং থৌগৎলগনি। ইন্দিয়া মোবাইল কংগ্রেস 2024 অসি ইন্দস্ত্রী, সরকার, একাদেমিকশিং, স্তার্ত-অপশিং অমসুং তেক্নোলোজী ইকোসিস্তেমগী অতোপ্পা মরুওইবা স্তেকহোল্দরশিংগীদমক ইন্নোবেতিব সোলুসনশিং, সর্ভিসশিং অমসুং স্তেৎ-ওফ-দি-আর্ত য়ুজ কেসশিং উৎনবা অচুম্বা প্লেৎফোর্ম অমা ওইগনি।

চহি অসিদা শক্নাইরবা IMC 2024দা শরুক য়ারিবা এক্সিবিতর 400 হেনবা, স্তার্ত-অপ 640 অমসুং অতোপ্পা কয়া অমা শরুক য়াগনি অমসুং লৈবাক 120+দগী লাকপা দেলিগেৎশিং য়াওনা শরুক য়ারিবা মীওই 150,000 হেনবদা মখোয়গী পোত্থোকশিং, সোলুসনশিং অমসুং য়ুজ কেসশিং উৎকনি। থৌরম অসিনা তেক্নোলোজী শিজিন্নবগী কেস সিনারিও 900 হেন্না উৎনবা, সেসন 100+ অমসুং স্পিকর 600 হেনবনা ৱারী শানবগী পান্দম থম্লি। এস্পাইর, পাইওনিয়রিং স্তার্তঅপ প্রোগ্রামগী খুত্থাংদা, IMC 24 না পোতেন্সিয়েল ইনভেস্তর, এঞ্জেল, ইনক্যুবেতর অমসুং VC ফন্দ VC হেনবগা লোয়ননা ৱান-তু-ওয়ান মীফম 500  হেন্না পাংথোক্নবা পান্দম থম্লি।

IMC 2024 এপ

ইন্দিয়ন মোবাইল কংগ্রেস 2024 এপ্লিকেসন অসি গুগল প্লে স্তোর অমসুং এপল এপ স্তোরদা ফংলি। রেজিস্ত্রেসনশিং অসি ইন্তরেক্তিব এপ্লিকেসনগী খুত্থাংদসু এক্সেস তৌবা য়াই। ইন্তুইতিব ওইবা এপ অসিনা ভিজিস্তরশিংনা ফোরম অসিগী মতম খুদিংদা খ্বাইদগী ফবা ওইহন্নবা কত্তিং-এদজ AI তেক্নোলোজীগা য়ুজর-ফ্রেন্দলী ফিচরশিংগা পুনশিন্নরি। IMC গী ৱেবসাইৎতগী প্রোসেস অদু লায়না তুংইনবা অমসুং রেজিস্তর তৌবা য়াগনি।: https://registration.indiamobilecongress.com/.

‘পন্দিৎ দীনদায়ল উপাধ্যায় তেলিকোম এক্সিলেন্দ এৱার্দ- 2023’

পন্দিৎ দীনদয়াল উপাধ্যায় তেলিকোম এক্সিলেন্স এৱার্দ মঙা চহি খুদিংগী মীওইশিং, ইন্সতিত্যুসনশিং অমসুং ওর্গনাইজেসনশিংদা তেলিকোম ইন্নোবেসন, তেলিকোম স্কিলিং, তেলিকোম সর্ভিসেস, তেলিকোম মেন্যুফেকচরিং অমসুং তেলিকোম এপ্লিকেসনগী লমদা হৌখিবা চহি অহুম অসিদা মখোয়গী খুদম ওইরবা অমসুং শিংথানিংঙাই ওইবা থৌদাংশিং অদুগীদমক পীরি।

চহি খুদিংগী পীবা, এৱার্দ খুদিংমক্তা শাল, সাইতেসন/প্লেক অমসুং শেলগী শেনফম লুপা লাখ অনি য়াওরি।

এৱার্দ ফংলবশিং অসি সেক্রেতরী (T) না লুচিংবা এৱার্দ কম্মিতিনা ফংবা এপ্লিকেসন 76গী মনুংদা খনখি।

স্তার্ত-অপ অমসুং MSEশিংগীদমক তেস্তুং অমসুং রি-ইমবর্সমেন্ত স্কিম

তেলিকম্ম্যুনিকেসন দিপার্তমেন্ত (DoT) না তেলিকম্ম্যুনিকেসন সেক্তরদা স্তার্ত-অপশিং অমসুং মাইক্রো অমসুং স্মোল এন্তর্প্রাইজেস (MSE)শিংগী শেলগী বোদী কোকহন্নবা পান্দম থমদুনা রিম্বেন্সমেন্ত স্কিম অমা হৌদোকখ্রে। দোমেস্তিক মেনুফেকচরিং, ইনভেস্তমেন্ত লাকহন্নবা অমসুং এক্সপোর্ত হেনগৎহন্নবা দিজাইন তৌখিবা স্কিম অসিনা প্রদক্ত ক্বালিতী অমসুং মার্কেত এক্সেসকীদমক তঙাই ফদবা তেস্তিং অমসুং সর্তিফিকেসনগীদমক স্তার্তঅপ নত্ত্রগা MSEদা লুপা লাখ 50 ফাওবগী শেনফম পীগনি। লুপা করোর 25গী অপুনবা ফন্দ এলোকেসনগা লোননা, এপ্লিকেসন প্রোসেস অসি মপুং ফানা ওনলাইন ওইগনি। মসিনা প্রোসিদ্যুরশিং অসি লাইথোকহল্লগনি অমসুং সবমিসনশিংবু ইফিসিএন্ত ওইনা হেন্দলিং তৌহল্লগনি। তেলিকোম ইন্দস্ত্রীদা গ্রোথ অমসুং ইনোবেসনগীদমক ইক্বেসিব ওইবা সপোর্ত পীনবগীদমক DoT কী অচেৎপা ফিরেপ উৎলদুনা স্তার্তঅপশিংনা 75% রিইমবর্সমেন্ত, মাইক্রো-ইন্তর্প্রাইজশিংনা 60% অমসুং অপীকপা ইন্তর্প্রাইজশিংনা 50% ফংলগনি।

ইলিজিবিলিতী ক্রাইতেরিয়া অমসুং এপ্লিকেসন গাইদলাইনশিংগীদমক অহেনবা ই-পাউগীদমক মসিদা চংবীয়ু [DoTগী ওফিসিএল ৱেবসাইৎ- https://ttdf.usof.gov.in/reimbursement].

IIT জম্মু অমসুং NTIPRITগী মরক্তা সাইবর সেক্যুরিতীদা কেপাসিতী বিল্দিং তৌনবা MoU

তেলিকম্ম্যুনিকেসন অমসুং ইনফোর্মেসন তেক্নোলোজীদা ভারতনা চাউখৎলকপগা লোয়ননা অমসুং মীওইশিংনা ই-সর্ভিসশিং শীজিন্নবগী মায়কৈদা চংশিল্লকপগা লোয়ননা, সাইবর সেক্যুরিতীগী খুৎলাইশিং অমসুং তেক্নিকশিংগা লোয়ননা হায়রিবা অৱাংবা থাক্কী তেক্নিক দোমেনগী খুৎলাইশিং অসি মথৌ তৌবা ঙম্বা মেনপাৱরগী মথৌ তাবা হেনগৎলক্লি। সাইবর সেক্যুরিতীগী লমদা মকোক থোংবা ইন্সতিত্যুসনশিং অমসুং ইন্দস্ত্রীশিংনা মরুওইবা তেক্নিকেল ত্রেনিং অমসুং এক্সপর্সিতী পীবা য়াবা প্রোগ্রাম অমা DOT অমসুং NTIPRIT মসিগী এক্সপর্তশিং অসিনা মখোয় হল্লকপা মতমদা অতোপ্পা মীওই কয়া অমসু ত্রেনিং পীগনি অমসুং তপ্না তপ্না ভারতকীদমক প্রোফেস্নেলশিংগী মপাঙ্গল কনবা সেৎ অমা শেম্বা ঙমগনি।

লম অসিদা মাংজিল থারিবা পার্তনর ইন্সতিত্যুসনশিংগা লোয়ননা খল্লবা ওফিসর 30দা থা-6কী হাইদ্রিদ ত্রেনিং (কেম্পস  অমসুং ওনলাইন) পীনবা IIT জম্মুগা লোয়ননা NTIPRITনা MOU খুৎয়েক পীনখি।

***