পেরিস ওলিম্পিক্না নকশিল্লকপগা লোইননা, সরকারগী আসা চাউনা তৌরিবা খেলো ইন্দিয়া রাইজিং তেলেন্ত আইদেন্তিফিকেসন (কির্তি) প্রোগ্রামনা য়ুথ এফিয়র্স অমসুং স্পোর্তস অমসুং লেবর অমসুং ইমপ্লোইএন্তকী কেন্দ্রগী মন্ত্রী দা. মন্সুখ মান্দবিয়াগী মফমদগী অনৌবা পাঙ্গল ফংগদৌরি। মহাক্না থৌরাং অসিগী অনিশুবা তাংকক হয়েং নৈ দিল্লীদা হৌদোক্কনি। মমাংদা, কির্তিগী অহানবা তাংকক অসি চহি অসিগী মার্চ ১২তা চান্দিগরদা হৌদোকখি।

দা. মান্দবিয়ানা রাজ্য পুম্নমক লৌখৎতুনা অমসুং জিল্লাশিংবু এসেসমেন্তকী য়ুনিত ওইনা লৌদুনা শেনবা চহি ২০২৪-২৫ তা লাখ ২০গী এসেস্মেন্ত ফংনবা পান্দম থম্লিবা প্রোজেক্ত অসিদা মরুওইবা পীগদৌরি। মসি প্রধান মন্ত্রী শ্রী নরেন্দ্র মোদীগী মীয়াম শরুক য়াহন্দুনা লৈবাক অসিদা লৈবা অঙাং খুদিংমক্তা শান্নখোৎনবা লৌখৎনবা অমসুং খেলো ইন্দিয়াগী স্ত্রকচর তৌরবা পিরামিদেল প্রোগ্রামগী মখাদা এক্সিলেন্স ফংনবা হোৎনরিবা মঙলান অসিগা চুন্নননি।

কির্তিগী অহানবা তাংকক্তা, সেন্তর ৭০ দগী লাকপা রেজিস্ত্রেসন ৩,৬২,৬৮৩ গী মনুংদগী রাজ্য অমসুং য়ুনিয়ন তেরিতোরী ২৮দগী ৫১,০০০ এসেস্মেন্ত ফংখি। খেলো ইন্দিয়া মীতশিংদা চাউনা মায় পাকপা পুরক্লিবা মহারাস্ত্র অমসুং হরিয়ানানা মথং শিৎনা ৯১৬৮ অমসুং ৪৮২০ লৈদুনা খ্বাইদগী য়াম্বা এসেস্মেন্ত ফংলি। অসম্না ৪৭০৩ এসেস্মেন্ত ফংদুনা অহুমশুবদা লৈরি।

হৈথোই শিংথোইবা এথলেত ইভালুএত তৌবগী থবক অসি দিসিপ্লিন ১১দা পাঙথোক্লি – আর্চরি, এথলেতিক্স, বেদমিন্তন, বোক্সিং, ফুতবোল, হোক্কী, কবাদ্দি, খো-খো, ভোল্লীবোল, ৱৈতলিফতিং, অমসুং রেস্তলিং। খ্বাইদগী য়াম্বা এসেস্মেন্তনা এথলেতক্স (১৩৮০৪) অমসুং ফুতবোল (১৩৪৮৩)না ওইরি।

কির্তিনা লৈবাক শীনবা থুংবদা চহি চুপ্পা নোতিফাইদ তেলেন্ত এসেস্মেন্ত সেন্তরশিংগী খুত্থাংদা এসেস্মেন্ত লাখ ২০ পাঙথোক্নবা পান্দম থম্লি। অসিগুম্বা অচৌবা স্কাউতিং অমসুং এসেস্মেন্ত প্রোগ্রাম অসিনা ভারত্তা খ্বাইদগী ইহান হানবা ওইরি অমসুং মসি লৈবাক অসিনা ২০৩৬ ফাওবদা শান্নখোৎনবদা ফাওবা লৈবাক ১০গী মনুং চন্নবা অমসুং ২০৪৭ ফাওবদা মকোক থোংবা মঙাগী মনুং চন্নবা পান্দম থম্লিঙৈ চৈরক্তা ওইরি।

কির্তিগী এথলেতশিংদা মীৎয়েং চঙবা থৌরাং সই ইনফোর্মেসন তেক্নোলোজীদা য়ুম্ফম ওইবা মনুং মপান ফাওনা উবা খনবগী মেথোদোলোজীনা মরম ওইদুনা মীয়ামদা চিংনবা লৈহন্দে। আর্তিফিসিএল ইন্তেলিজেন্সতা য়ুম্ফম ওইবা দেতা এনালাইতিকশিং এথলেতশিংগী শান্নখোৎনবগী হৈশিংবশিং খঙদোক্নবা শীজিন্নরি।

কির্তি প্রোগ্রামগী মরমদাঃ

কির্তি (খেলো ইন্দিয়া রাইজিং তেলেন্ত আইদেন্তিফিকেসন)না অনৌবা আই.সি.তি. তুলশিং অমসুং মালেমগী খ্বাইদগী ফরবা থৌওংশিংদা য়ুম্ফম ওইদুনা হৈশিংবা খঙদোক্নবা আর্কিতেকচর অমা শেমগৎনবা হোৎনরি। মসিনা গ্রাসরুত তেলেন্ত আইদেন্তিফিকেসনগী থৌওংবু ফম্বাক অমখক্তদা পুনশিন্নবা হোৎনরি।

প্রোজেক্ত কির্তিগী হৌরকফম অসি এথেলত-সেন্ত্রিক ওইবা খোঙথাংশিংদা য়ুম্ফম ওই, মসিনা তেলেন্ত আইদেন্তিফিকেসনগী থৌওং খুদিংমক ব্রোদ বেজ অমসুং এসেসিবল ওইহল্লি।

প্রোজেক্ত কির্তিনা মসিগী দিসেন্ত্রেলাইজ অমসুং পোকেত বেজ তেলেন্ত আইদেন্তিফিকেসন এপ্রোচকা লোইননা খেলো ইন্দিয়া স্কিমগী মশা অনি লোংবা পান্দম হায়বদি শান্নখোৎনবদা এক্সিলেন্স অমসুং শান্নখোৎনবদা মীপুম খুদিংমক শরুক য়াহনবা হায়বসি ফংনবা হোৎনবদা মতেং পাংগনি।

***