نیشنل ہائی وے کے صارفین کو جان بوجھ کر گاڑی کی ونڈ اسکرین پر فاسٹیگ کو ٹھیک نہ کرنے سے روکنے کے لیے، این ایچ اے آئی نے ایسے صارفین سے چُنگی لین میں داخل ہونے والے  ان صارفین سے دوگنی صارفین فیس وصول کرنے کے لیے رہنما خطوط جاری کیے ہیں جو کہ اندر سے سامنے والی ونڈشیلڈ پر بغیر چسپاں فاسٹیگ کے ساتھ داخل ہوں گے۔ ونڈ اسکرین پر فاسٹیگ کو جان بوجھ کر نہ لگانا ٹول پلازوں پر غیر ضروری تاخیر کا باعث بنتا ہے جس سے قومی شاہراہ کے ساتھی صارفین کو تکلیف ہوتی ہے۔

تفصیلی معیاری آپریٹنگ پروسیجرز (ایس او پی ) تمام صارف فیس جمع کرنے والی ایجنسیوں اور رعایت دہندگان کو جاری کر دیے گئے ہیں تاکہ فرنٹ ونڈ شیلڈ پر فاسٹیگ کے نہ لگنے کی صورت میں صارف سے دوگنی فیس وصول کی جا سکے۔ یہ معلومات تمام صارفین فیس پلازوں پر بھی نمایاں طور پر آویزاں ہوں گی، جو ہائی وے کے صارفین کو سامنے والی ونڈشیلڈ پر مقررہ فاسٹیگ کے بغیر  چنگی  لین میں داخل ہونے کی عدم تعمیل کے جرمانے کے بارے میں مطلع کرے گی۔

اس کے علاوہ، فیس پلازہ پر گاڑیوں کے رجسٹریشن نمبر (وی آر این) کے ساتھ سی سی ٹی وی فوٹیج میں فاسٹیگ نہ لگائے گئے معاملوں کو ریکارڈ کیا جائے گا۔ اس سے وصول کی جانے والی فیس اور ٹول لین میں گاڑی کی موجودگی کے حوالے سے مناسب ریکارڈ برقرار رکھنے میں مدد ملے گی۔

پہلے سے قائم کردہ قواعد کے مطابق، این ایچ اے آئی کا مقصد تفویض کردہ گاڑی کی اگلی ونڈشیلڈ پر فاسٹیگ کو اندر سے لگانے کے لیے معیاری طریقہ کار کے رہنما خطوط کو نافذ کرنا ہے۔ کوئی بھی فاسٹیگ جو معیاری عمل کے مطابق تفویض کردہ گاڑی پر چسپاں نہیں کیا گیا ہے، وہ صارف فیس پلازہ پر الیکٹرانک ٹول کلیکشن (ای ٹی سی) ٹرانزیکشن کرنے کا حقدار نہیں ہے اور اسے دوگنی چنگی فیس ادا کرنا ہوگی اور ساتھ ہی اسے بلیک لسٹ کیا جا سکتا ہے۔ جاری کرنے والے بینکوں کو یہ بھی ہدایت کی گئی ہے کہ وہ مختلف پوائنٹ آف سیل (پی او ایس) سے جاری کرنے کے وقت فرنٹ ونڈشیلڈ پر تفویض کردہ گاڑی کو فاسٹیگ  کا تعین یقینی بنائیں۔

این ایچ اے آئی قومی شاہراہ فیس (قیمتوں کا تعین اور وصولی) کے ضابطوں ، 2008 کے مطابق  قومی شاہراہوں پر  صارف فیس وصول کرتا ہے۔ فی الحال،  ملک بھر میں تقریباً 45000 کلومیٹر قومی شاہراہوں اور ایکسپریس ویز کے لیے تقریباً 1000 ٹول پلازوں پر قومی شاہراہوں پر صارف کی فیس جمع کی جاتی ہے۔

تقریباً 98 فیصد کی رسائی کی شرح اور 8 کروڑ سے زیادہ صارفین کے ساتھ، فاسٹیگ نے ملک میں الیکٹرانک چنگی  جمع کرنے کے نظام میں انقلاب برپا کر دیا ہے۔ فاسٹیگ کے غیر منسلک ہونے سے دوگنی صارف فیس وصول کرنے کا یہ قدم ٹول آپریشنز کو مزید موثر بنانے اور نیشنل ہائی وے کے صارفین کے لیے بغیر کسی رکاوٹ اور آرام دہ سفر کو یقینی بنانے میں مدد دے گا۔

۔۔۔۔۔۔۔۔۔۔۔

ش ح۔  ح ا۔ ن ا۔

U-8416