ঙসি (জুলাই ১৬, ২০২৪) নৈ দিল্লীদা এনেক্স তৌদুনা লৈরিবা বিগ্যান ভাবন্দা ভারত সরকারদা প্রিন্সিপাল সাইন্তিফিক এদভাইজর ওইরিবা প্রোফেসর অজয় কুমার সুদনা "ভারতকী ই-মোবিলিতী আর&দি রোদমে" রিপোর্ত ফোংখ্রে। আর&দি রোদমেপ অসি মালেমগী ওতোমোতিব সেক্তর হোরাইজোন ওইনা কুপ্না য়েংশিল্লবা মতুং অমসুং খ্বাইদগী নৌবা তুংগী তেক্নোলোজীগী তঙাইফদবশিং খঙদোক্লবা মতুংদা শেমখিবনি। মসিনা রিসর্চ প্রোজেক্তশিংবু মরুওইবা হীরম মরিদা কাংলুপ শেম্লিঃ এনর্জী স্তোরেজ সেল, ই ভি এগ্রেগেত, মচাক মথুম অমসুং রিসাইক্লিং, চার্জিং অমসুং রিফ্যুলিং, অমসুং মথংগী চহি মঙাদা আত্মনির্ভর ওইদুনা মালেমগী লুচিংবা ওইনবা ময়েক শেংবা লম্বী অমা পীরি।

(ভারতকী ই মোবিলিতী আর&দি রোদমেপ ফোংবা)

হায়ব্রিদ মোদতা পাঙথোকখিবা হৌনবী মতুং ইন্না ফোংবগী থৌরম অদুদা লৈঙাক্কী ওফিসিএলশিং, কন্সলতেতিব গ্রুপ ওন ই-মোবিলিতী (সি.জি.ই.এম.)গী মেম্বরশিং, ইন্দস্ত্রী অমসুং থিঙ্ক তেঙ্ককী মীহুৎশিং, অমসুং প্রেস অমসুং মীদিয়াগী মীহুৎশিংনা শরুক য়াখি।

দা. পর্ভিন্দর মাইনি, সাইন্তিফিক সেক্রেতরী, ভারত সরকারদা প্রিন্সিপাল সাইন্তিফিক এদভাইজর ওইনা লৈরিবা লোইশঙ, দা. রেজি মথাই, দিরেক্তর জেনরেল, ওতোমোতিব রিসর্চ এসোসিএসন ওব ইন্দিয়া (অরাই), পুনে, দা. কে বলাসুব্রমনিয়ন, দিরেক্তর, নোন ফেরস মতিরিএল তেক্নোলোজী দিবেলপমেন্ত সেন্তর (এন.এফ.তি.দি.সি.), হায়দেরবাদ অমসুং অতৈ কয়া অমসু থৌরম অদুদা শরুক য়াখি।

(ভারতকী ই-মোবিলিতী আর&দি রোদমেপ রিপোর্ত ফোংবগী থৌরম চত্থবা)

মহাক্কী হৌদোক ৱারোল পীরদুনা প্রোফেসর সুদনা ফোংদোকখি মদুদি ভারতনা ২০৩০ ফাওবদা ইমিসন ইন্তেন্সিতী ৪৫% ফাওবা হন্থহন্নবা অমসুং ২০৪৭ ফাওবদা এনর্জী ইন্দিপেন্দেন্স অমসুং ২০৭০ ফাওবদা নেত-জিরো ফংনবা পান্দম থম্লি। মঙলান অসিগী চাউরবা শরুক্তা ইলেক্ত্রিক্কী গারী, লমদম অসিগী ওইবা এনর্জী স্তোরেজ সিস্তেম পুথোকপা অমসুং চার্জিং ইনফ্রাস্ত্রকচরশিংদা রিন্যুএবল এনর্জী পুথোকপা চঙগনি। মহাক্না হায়খি মদুদি হৌজিক্কী ওইনা ই মোবিলিতী ভেল্যু চেন অসি ইম্পোর্ততা কা হেন্না তাংলি। প্রোফেসর সুদনা ই-মোবিলিতী ভেল্যু চেন্দা ইম্পোর্ততা তাংবা হন্থবা অমসুং ওতোমোতিব সেক্তরদা লমদম অসিগী ওইবা আর&দিগী শক্তি হেনগৎহনবা চঙলিবসিগী মতাংদা ফোংদোকখি।

দা. প্রিতী বঞ্জল, এদভাইজর, পি.এস.এ. ওফিসনা ওতোমোতিব সেক্তরদা মপাঙ্গল লৈবা আর&দি ইকোসিস্তেম অমা শেম্নবা হোৎনবদা ওফিস অসি লৌরিবা চাউরবা থৌদাংগী মতাংদা শম্লকপ্না থমখি। মহাক্না ফোংদোকখি মদুদি পি.এস.এ.গী ওফিস অসিনা ওগস্ত ২০২২দা ফোসিল ফ্যুলদা য়ুম্ফম ওইবা ত্রান্সপোর্তেসন সেক্তর অসিবু ইলেক্ত্রিক মোবিলিতীদা ওন্থোক্নবগী পাম্বৈ পুথোক্নবা তেক্নিকেল রোদমেপ, স্তদি,  লৈঙাক, একাদেমিয়া, অমসুং ইন্দস্ত্রীশিংগী অখঙ অহৈগী পেনেল অমা ওইরিবা 'কন্সলতেতিব গ্রুপ ওন ইমোবিলিতী (সি.জি.ই.এম.) অমা শেমখি। রোদমেপ দোক্যুমেন্ত অসি সি.জি.ই.এম.গী মপুং ওইবা লমজিং মখাদা অরাইনা শেমখিবনি।

প্রোফেসর কাথিক অথমনথন, পি.এস.এ. ফেলো অমসুং প্রেক্তিস, আই.আই.তি. মদ্রাসকী প্রোফেসর অসিনা ভারতকী ই-মোবিলিতী আর&দি রোদমেপকী চাউরাকপা ৱারোল থমখি। মহাক্না দি.এস.তি. ৱাইত পেপরনা মতৌ করম্না হৌজিক লৈরিবা ইম্পোর্ত-দিপেন্দেন্ত সিচুএসন্দগী মায় পাক্না লাপথোক্নবা তৌগদবা থবকশিং পায়খৎখিবগে অমসুং রোদমেপ অসিনা তেক্নোলোজী তুংদা লাক্কদবা অসিগুম্বা ফিভম কোক্কদগে হায়বদু তাকই। প্রোফেসর অথমানথন্না হায়খি মদুদি রিসর্চ প্রোজেক্ত অসি তেক্নোলোজী দিপ্লোইমেন্ত অমসুং মার্কেত লিদরশিপ অনিনা মরুওইবা পান্দম অমা ওইনা খঙদোকখি। রিসর্চ প্রোজেক্তকী প্রাইওরিতী অসি মখোয়না নেসনেল এনর্জী ইন্দিপেন্দেন্স ফংনবা, অপীবা মতমগী মনুংদা চলাইবা য়ানবা, মার্কেত পায়নবা অমসুং হৌজিক লৈরিবা ইনফ্রাস্ত্রকচর অমসুং রিসোর্সশিংগী শক্তি শক্তি শীজিন্ননবা হোৎনবদা পীরিবা শাফুগী মতাংদা য়ুম্ফম ওইদুনা শেমখিবনি।

প্রেজেন্তেসন অসি পীরবা মতুংদা চীয়র অসিনা প্রেস অমসুং মীদিয়াগী মীহুৎশিংদগী ৱাহং অমসুং পাউখুমগী সেসন হৌদোকখি। মদুদা ই-মোবিলিতী আর&দি রোদমেপনা তুংগী ইন্দিপেন্দেন্স অমসুং ইরোমদোম কোননবগী লম্বী অমা য়াৎখি, মসিদা ভারতপু মালেমগী ভেল্যু অমসুং সপ্লাই চেন্দা লাক্কদবা চহি মঙাদগীনা তরেৎ ফাওবদা লুচিংবা অমা ওইবা য়াবগী ক্রিতিকেল রিসর্চ ইনিসিএতিব অমা পুথোকখি। হায়রিবা রোদমেপ অসিনা হৌজিক রিসর্চ অমসুং দিবেলপমেন্ত ফ্রেমৱার্ক্তা লৈরিবা অহাংবা অসি মেনশিন্নবা পান্দম থম্লি। খঙদোক্লবা প্রোজেক্তশিংনা মালেমদা মায় পাকপা পুরক্কদবা লৈরবসু হীরম খরদি ভারতনা হৌগদবা লৈরিবা মফম খরদা মালেমনা শীংথানবা লৈরে। হায়রিবা প্রোজেক্তশিং অসি লৈবাক অসিনা খুদোংচাবা লৈগদবা তুংগী ইন্নোভেসন্দা চঙশিন্নবা মতীক চাবা য়ুম্ফম অমা লেপকদৌরি।

মহাক্কী লোইশিল্লকপগী ৱারোলদা, প্রোফেসর সুদনা হায়খি মদুদি ভারতকী ওতোমোবাইল সেক্তর অসিনা লৈবাক অসিগী জি.দি.পি.দা খ্বাইদগী চাউবা মফম কল্লিবা অমা ওইরি অমসুং মসিগী খোংজেল য়াঙনা চঙশিল্লক্লিবা লম্বেল অসি য়েংলগা, তুংদসু অসুম্না লৈগনি হায়না পারি। মহাক্না খুমাং চাউশিনবগী থবক অসি লৈবাক অসিগী নেত জিরোগী মঙলানগা তুনা চৎহনগদবনি অমসুং আর&দিগী চৎনবী অমা শেমগৎনবা অমসুং ওতোমোতিব সেক্তরদা ইন্নোভেসন্না পুরকপা চাউখৎপা আকহন্নবা হোৎনবগী তঙাইফদবা লৈ হায়খি।

(ই-মোবিলিতী আর&দি রোদমেপ ফোর ইন্দিয়া রিপোর্ত ফোংবগী গ্রুপ পিকচর)

মপুং ফাবা ই-মোবিলিতী আর&দি রোদমেপ রিপোর্ত অসি মফম অসিদগী ফংবীগনিঃ

https://psa.gov.in/CMS/web/sites/default/files/psa_custom_files/Printing%20Updated%20eMobility%20R%26D%20Roadmap%20document_11072024.pdf

***