ভারত সরকারগী কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুশ গোয়লনা ভারত-ই.এফ.তি.এ. ত্রেদ অমসুং ইকোনোমিক পার্ত্নরশিপ এগ্রীমেন্ত (তেপা) চৎনহনবগা মরী লৈননা চৎখিবা জুরিক খোঙচৎকী অহানবা নুমিত্তা মীফম কয়া অমা ফমখ্রে, অমসুং প্রধান মন্ত্রী শ্রী নরেন্দ্র মোদীগী মতিক লৈরবা লুচিং মখাদা ওইথোকপা ঙমখিবা ভারতকী শাহৌ লৌবগী ৱাফম কয়া তাকখি। মন্ত্রী গোয়লনা মহাক্কী অহানবা নুমিত্তা দাইরেক্তর জেনেরেল, ৱর্ল্দ ত্রেদ ওর্গনাইজেসন (দবল্যু.তি.ও.)গা উন্নদুনা, ইন্দিয়ন দাইস্পোরাশিংগা ৱারী শাদুনা, পোতেন্সিএল ইনভেস্তরশিংগা উন্নদুনা মশক থোকপা নুমিৎ অমা ওইহনখিবগা লোয়ননা ভারতপু ত্রেদ অমসুং ইনভেস্তমেন্তকী হীরমদা কারবার অমসুং ইন্দস্ত্রীগী অফবা পন্থুংফম অমনি হায়না ফোংদোকখি।

শ্রী পিয়ুশ গোয়লনা দবল্যু.তি.ও.গী দাইরেক্তর জেনেরেল, দাঃ ঙোজী ওকোঞ্জো-ইৱেলাগা মরু ওইবা মীফম অমা ফমখি। দবল্যু.তি.ও.গী 13শুবা মিনিস্ত্রিএল কনফরেন্সকী মতুংদা য়ানখিবা ৱাফমশিংগী খুমাং চাউশিনবগী মতৌশিংগী মতাংদা মখোয়না ৱারী শাখি। মখোয়না শানখিবা ৱারীনা ভারতনা কারবারগী অফবা মহৈ ফংনবা অমসুং মেম্বর লৈবাকশিংগী মরক্তা নিংতম্বা অমসুং খুদোংচাবা মান্ননা ফংবগী হীরমদা খোঙফম চেৎলিবশিংগী ৱাফম উবা ফংখি।

মন্ত্রীনা জুরিক্কী ইন্দিয়ন দাইস্পোরাগী মশক নাইরবা মীওইশিংগা ৱারী শাখি। স্বিস শেন্মিৎলোন অমসুং ভারত-স্বিস মরীদা মখোয়না লৌরিবা মমল নাইরবা থৌদাংবু মহাক্না শকখঙখি অমসুং ভারত্তা ইনভেস্ত তৌনবা মখোয়গী পুক্নিং থৌগৎখি। প্রধান মন্ত্রী শ্রী নরেন্দ্র মোদীগী মতিক লৈবা লুচিং অমসুং নৌনা খুৎয়েক পীনখিবা ভারত-ই.এফ.তি.এ. তেপাগী মখাদা ফংলিবা খুদোংচাবশিংগী মতাংদা মহাক্না পাউদমখি।

শ্রী পিয়ুশ গোয়লনা এম.এস.সি. কার্গোগী মীহুৎশিং য়াওনা কারবারগী মশক নাইবা মীওই অমদি পোতেন্সিএল ইনভেস্তরশিংগা উন্নখি। মখোয়না তোঙান-তোঙানবা সেক্তরশিংদা পাংথোকপা য়াবা পোতেন্সিএল কোলাবোরেসন অমসুং ইনভেস্তমেন্তকী খুদোংচাবা কয়াগী মতাংদা ৱারী শাখি, অমসুং ভারতকী গ্রোথ অমসুং দিভেলপমেন্ততা শৌগৎনবা ইনভেস্তমেন্তকী পুক্নিং চীংশিন্নবা অমসুং পার্ত্নরশিপ শেমগৎনবা থৌওং অসিনা পান্দম থম্লি।

জুরিক এয়রপোর্তকী বোর্দ ওফ দাইরেক্তরগী চেয়রমেন, শ্রী জোসেফ ফেলদর য়াওনা জুরিক এয়রপোর্তকী সেনিয়র ওফিসিএলশিংগা মন্ত্রী অশাংবা মীফম অমসু ফমখি। ভারতকী এয়রপোর্ত ইনফ্রাস্ত্রকচর ফগৎহন্নবা অমসুং এন্সিল্লরী এয়র সর্ভিস হেন্না চাউখৎহন্নবা তেংবাংনবা য়াবগী খুদোংচাবশিংগী মতাংদা মখোয়না নৈনখি। খ্বাইদগী ফবা থৌওং অমসুং ইন্নোভেসন লান্নদুনা ভারতকী এভিএসন সেক্তরবু মশক থোক্না ফগৎহনবা হায়বা হীরমদা মখোয়গী মিৎয়েং থমখি।

কম্মর্স বিভাগকী সেনিয়র ওফিসরশিংনা শরুক য়াবগা লোয়ননা দবল্যু.তি.ও.গী ভারতকী এম্বেসেদর অমসুং পর্মানেন্ত রিপ্রজেন্তেতিবনা লুচিংদুনা জেনেভাদা লৈবা ভারতকী দবল্যু.তি.ও. তীমগা লোয়নবা মীফম অমসু শ্রী পিয়ুশ গোয়লনা ফমখি। মালেমগী লল্লোন ইতিক্কী হীরমদা ভারতনা লৌগদবা স্ত্রেতজিক ওইবা ফিরেপকী মপাঙ্গল চেৎশিলহন্নবা দব্ল্যু.তি.ও.দা হৌজিক খন্নরিবা অমসুং থবক পায়খৎলিবা প্রাইওরিতী ইস্যু কয়াগী মতাংদা মখোয়না কুপ্না খন্ন-নৈনখি।

মন্ত্রীগী জুরিক খোঙচৎকী অহানবা নুমিত্তা ফমখিবা মীফম পরেং অসিনা মরী হেন্না চেৎপা ইকোনোমিক ইনগেজমেন্ত অমসুং স্ত্রেতজিক কোল্লাবোরেসনগী অচৌবা ফম্বাক অমা শেম্লি অমসুং মসিনা ভারতনা মালেমগী লল্লোন ইতিক অমদি সস্তেনেবল দিভেলপমেন্তকী হীরমদা খোঙফম চেৎলিবা অসিবুশু মপাঙ্গল হেন্না কনখৎহল্লি।

***