خوراک ڈبہ بندی صنعت کے مرکزی وزیر جناب چراغ پاسوان نے آج خوراک اور اس سے وابستہ شعبوں میں مصروف عمل کمپنیوں کے ساتھ ایک گول میز میٹنگ کی صدارت کی تاکہ ہندوستان میں کمپنیوں کے مستقبل کے منصوبوں اور آئندہ منعقد ہونے والے ورلڈ فوڈ انڈیا 2024 کے لیے ایم او ایف پی آئی کے ساتھ شراکت داری کے امکانات پر تبادلہ خیال کیا جا سکے۔ واضح ہو کہ ورلڈ فوڈ انڈیا 2024 کا اہتمام نئی دہلی کے بھارت منڈپم میں 19 سے 22 ستمبر تک کیا جائے گا۔ صنعتوں سے متعلق اس میٹنگ میں خوراک ڈبہ بندی اور اس سے منسلک 30 سے زائد کمپنیوں کی شرکت ملاحظہ کی گئی۔

اپنے خطاب میں، جناب چراغ پاسوان نے ذکر کیا کہ ایم او ایف پی آئی تمام اسٹیک ہولڈرز کے درمیان ایک منفرد مقام کی حامل ہے ۔ انہوں اس شعبے کے ذریعہ پیش کردہ وسیع مواقع پر زور دیا۔ انہوں نے ورلڈ فوڈ انڈیا 2024 میں شرکت کے لیے تمام کمپنیوں کو دلی گہرائیوں سے دعوت دی۔ انہوں نے صنعت کو درپیش کسی بھی مسائل  کو حول کرنے کی غرض سے ان کے ساتھ کام کرنے کی خواہش کا اظہار کیا اور آتم نربھر اور وکست بھارت کے خواب کی حصولیابی کے لیے تمام اسٹیک ہولڈرز - پروڈیوسرز، پروسیسرز، تعلیمی شعبے ، سٹارٹ اپس اور اختراع کاروں کی انتھک کوششوں کا اعتراف کیا۔ مزید برآں، انہوں نے یہ بھی بتایا کہ ایف ایس ایس اے آئی کے ذریعہ منعقد کی جا رہی گلوبل فوڈ ریگولیٹرس سمٹ  کا اہتمام 20 سے 21 ستمبر تک ڈبلیو ایف آئی کے دوران کیا  جائے گا۔

جوائنٹ سکریٹری جناب رنجیت سنگھ نے ہندوستانی معیشت میں خوراک ڈبہ بندی کے شعبے کے اہم کردار پر زور دیا۔ انہوں نے ذکر کیا کہ اس طرح کے سنگ میل تمام اسٹیک ہولڈرز - صنعت کے رہنماؤں، تعلیمی اداروں، اور کلی طور پروقف حکومتی  کی مجموعی کوششوں کے ذریعے ہی حاصل کیے جا سکتے ہیں۔

بات چیت کے دوران شرکت کرنے والے صنعتی اراکین نے خصوصاً فوڈ پروسیسنگ سیکٹر کے حوالے سے ہندوستانی بازار کے بارے میں اپنے پرامید نقطہ نظر کا اظہار کیا اور کاروباری ماحول کو بہتر بنانے کے لیے ایم او ایف پی آئی کے ذریعہ  شروع کی گئی پیداواریت سے مربوط ترغیباتی اسکیم اور فلیگ شپ پردھان منتری کسان سمپدا یوجنا  سمیت حکومت ہند کے ذریعہ کی گئیں مختلف پہل قدمیوں کی ستائش کی۔ انہوں نے ورلڈ فوڈ انڈیا کے پچھلے ایڈیشن کے لیے بھی اظہار تشکر کیا اور ورلڈ فوڈ انڈیا 2024 میں شرکت کرنے میں اپنی دلچسپی کا اظہار کیا۔ صنعت نے ورلڈ فوڈ انڈیا 2024 کے دوران اجتماعی طور پر اس شعبے کی بہتری اور مضبوط شرکت کے لیے اپنی وابستگی کا یقین دلایا۔

**********

(ش ح –ا ب ن۔ م ف)

U.No:8307