কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি নৈ দিল্লীদা পাঙথোকপা অৱাংবা থাক্কী মীফম অমদা 'ভাইব্রেন্ত ভিলেজ প্রোগ্রাম'গী পায়খৎলিবশিং য়েংশিনখ্রে। মীফম অদুগী মনুংদ্দা, কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা লৈবাক অসিগী ঙমখৈদা লৈরিবা খুঙ্গংশিংদা মপুং ওইনা চাউখৎহন্নবা লেপ্লি। শ্রী শাহনা লমদম অদুগী মীয়ামদা থবক্কী খুদোংচাবা পীবা অমসুং ঙমখৈগী খুঙ্গংশিংদগী মাইগ্রেসন থিংনবা লম্বী থোংগী ফিভম ফগৎহনবা তাই হায়না ফোংদোকখি।

শ্রী অমিত শাহনা হায়খি ঙমখৈগী খুঙ্গংশিংদা থম্লিবা সেন্ত্রেল আর্ম্দ পুলিস ফোর্সেস  (সি.এ.পি.এফ.) অমসুং আর্মীনা লোকেলেগী লৌউশিংউগী পোত্থোকশিং অমসুং খুৎনা শাবা পোত্থোকশিং কোওপরেতিবশিংগী খুত্থাংদা লৈবা হেনগৎহনগদবনি। মহাক্না হায়খি মদুদি মনাক নকপদা লৈবা খুঙ্গংশিংনা আর্মী অমসুং সি.এ.পি.এফ.শিংদা লৈরিবা হকশেলগী ফেসিলিতীগী খুদোংচাবশিং ফংহনগদবনি। কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা সোলার এনর্জী অমসুং ৱিন্দ মিলগুম্বা রিন্যুএবল এনর্জী সোর্সশিং ভাইব্রেন্ত ভিলেজশিংদা শীজিন্নবগী চাং হেনগৎহনগদবনি হায়না পুক্নিং চিংশিনখি।

কেন্দ্রগী গৃহ মন্ত্রীনা মকোক মকোক থোংবা মন্ত্রী অমসুং ওফিসিএলশিংনা ভাইব্রেন্ত বিলেজ প্রোগ্রামগী মখাদা ঙমখৈগী খুঙ্গংশিংদা থেংনরিবা অৱাবশিং হেন্না খঙননবা হোৎনরিবসি মখা তানা হোৎননবা পাউতাক পীখি। হৌজিক ফাওবদা, হায়রিবা ঙমখৈদা লৈবা খুঙ্গংশিং অসিদা থৌরম ৬০০০ হেন্না পাঙথোকখ্রে, মসিদা সর্ভিস দেলিভরী অমসুং মীয়াম ভাপ তাহন্নবা কেম্প ৪০০০ য়াওরি। ভারত সরকারনা হায়রিবা খুঙ্গংশিং অসিদা থবক পীননবা প্রোজেক্ত ৬০০ হেন্না কাইথখ্রে। মীফম অদুগী মনুংদা, গৃহ মন্ত্রীনা লোইশিন্দনা লৈরিবা ইস্যুশিং চাং নাইনা অৱাংবা থাক্তা য়েংশিন্নবা অখন্ননা পুক্নিং চিংশিনখি।

'ভাইব্রেন্ত  ভিলেজ প্রোগ্রাম' থৌশিলগী মখাদা, ঙমখৈদা লৈবা খুঙ্গং ১৩৬ তা লুপা করোর ২,৪২০ রোম চঙনা নোংজু নুংশা খুদিংমক্তা শীজিন্নবা য়াবা লম্বীগী প্রোজেক্ত ১১৩গী খুত্থাংদা কন্নেক্তিবিতী পীরি। ৪জি কন্নেক্তিবিতীসু হায়রিবা মফমশিং অসিদা চলাইনবা হোৎনরি অমসুং ২০২৪ দিসেম্বর ফাওবদা, ভাইব্রেন্ত ভিলেজ প্রোগ্রামগী মখাদা লৈবা খুঙ্গং খুদিংমক্তা ৪জি নেৎৱার্ক ফংলগনি। হায়রিবা খুঙ্গংশিং অসিদা ফাইনান্সিএল ইনক্লুজন লৈনবগীদমক তঙাইফদবা খোংথাং খুদিংমক লৌখৎলে অমসুং ইন্দিয়া পোস্ত-পেমেন্ত বেঙ্ক (আই.পি.পি.বি.)সু মফম অসিদা ফংহল্লি।

হায়রিবা ভাইব্রেন্ত ভিলেজশিং অসিনা লংনা ঙান্নবগীদমক অমসুং তুরিজম প্রোমোত তৌনবা তুরিস্ত সর্কিত শেমগৎনবা থবক পায়খৎলি। থৌরাং অসিগা লোইননা, কেপাসিতী শাগৎপা, অমসুং তুরিজমগা মরী লৈনবা ইনফ্রাস্ত্রকচর শেমগৎপগী থবকসু তুরিজম মন্ত্রালয়গা তান্নদুনা পায়খৎলি।

প্রধান মন্ত্রী নরেন্দ্র মোদীগী লুচিং মখাদা, অসিগুম্বা মরুওইবা অমসুং অচৌবা থৌশিল অসি ১৪ ফেব্রুৱরী ২০২৩ দা লুপা করোর ৪৮০০ কাইথবগা লোইননা হৌদোকখি। মীফম অদুদা গৃহ মন্ত্রালয়দগী মকোক থোংবা ওফিসরশিং অমসুং কেন্দ্রগী গৃহ সেক্রেতরী, সেক্রেতরী, বোর্দ মেনেজমেন্ত অমসুং দিরেক্তর জেনরেল, ইন্দো তিবেতান বোর্দর পুলিস (আই.তি.বি.পি.) য়াওনা শরুক য়াখি।

***