খুঙ্গং চাউখৎ-থৌরাং মন্ত্রালয়
অসামদা লুপা করোর ৩৭৮.৬৮গী শেনফম অমা থাদুনা কিমি ৫৬৩.৬৭ শাংবা লম্বী ৭৮ অমসুং থোং ১৪ শেমগৎনবা রুরেল দিবলপমেন্ত মিনিস্ত্রিনা সেঙ্কসন তৌরে
প্রধান মন্ত্রী গ্রাম সরক য়োজনা-৩গী মখাদা অৱাং-নোংপোক্কী মরুওইবা ইনফ্রাস্ত্রকচরশিং চাউখৎনবা রুরেল দিবলপমেন্ত মিনিস্ত্রিনা লাউথোক্লে
Posted On:
12 JUL 2024 1:47PM by PIB Imphal
অৱাং-নোংপোক লমদমদা খুঙ্গংগী লম্বী-থোং চাউখৎনবা অমসুং শেন-থুমগী ফিবম ফগৎনবা, প্রধান মন্ত্রী গ্রাম সরক য়োজনা-৩গী মখাদা অসামদা লুপা করোর ৩৭৮.৬৮গী শেনফম অমা থাদুনা কিমি ৫৬৩.৬৭ শাংবা লম্বী ৭৮ অমসুং থোং ১৪ শেমগৎনবা রুরেল দিবলপমেন্ত মিনিস্ত্রিনা সেঙ্কসন তৌরে।
অচৌবা থবক অসিনা পাংথোক্কনি:
- অনা-লায়য়েং, লাইরিক-লাইশু অমসুং কৈথেলশিং য়াওনা তঙাইফদবা খুদোংচাবশিং ফংহনবা হেনগৎহনগনি।
- মনুং-হুঞ্জিনবা খুঙ্গংশিং অমসুং সহরশিংগী মরক্তা লৈরিবা অহোবা মেনগৎতুনা, খুঙ্গংগী লমদা লম্বী-থোংগী খুদোংচাবা হেনগৎহনগনি।
- লমদম অসিদা শেন-থুম, ললোন-ইতিক হেন্না চাউখৎহনগনি।
- থবক ফংবগী খুদোংচাবা পীগনি অমসুং লমদম অসিগী শেন-থুমগী ফিবম ফগৎহনগনি।
- চাউখৎলবা অৱাং-নোংপোক অমা অমসুং বিকসিত ভারত অমা শেমগৎনবা সরকারগী পান্দমগা লোয়ননা থবক তৌগনি।
প্রধান মন্ত্রী গ্রাম সরক য়োজনা-৩গী মখাদা পায়খৎকদৌরিবা প্রোজেকশিং অসিনা লমদম অসি অওনবা অমা পুরক্কনি, অৱাং-নোংপোক্কী ত্রাইবেলশিং চাউখৎহনবদা মতেং পাংগনি অমসুং পুন্না চাউখৎমিন্নবা হায়বা সরকারগী পান্দম ফংবদা মতেং পাংগনি।
******
(Release ID: 2032808)
Visitor Counter : 56