دیہی کنیکٹی ویٹی کو مضبوط کرنے اور شمال مشرقی خطے میں اقتصادی ترقی کو تیز کرنے کے لیے  دیہی ترقیات کی وزارت نے پردھان منتری جن جاتی آدیواسی نیائے مہا ابھیان(پی ایم-جے اے این ایم اے این) کے سڑک کنیکٹی ویٹی جزو کے تحت ریاست تریپورہ کے لئے 114.32 کروڑ روپے تخمینہ سرمایہ کاری سے 118.756 کلومیٹر لمبائی کی 42 سڑکوں کی منظوری دی ہے۔

یہ  تاریخ ساز اقدام :

- ریاست میں کمزور قبائلی گروپوں (پی وی ٹی جیز)  کی 47آبادیوں کو ہر موسم کے لئے سازگار  سڑک کنکٹی ویٹی فراہم کرے گا۔

- ریاست میں رہنے والے خاص طور پر کمزور قبائلی گروپوں (پی وی ٹی جیز) کی سماجی و اقتصادی حالت کو بہتر بنائے گا۔

- دیہی علاقوں میں سڑک رابطے کو بہتر بنائے گا، دور دراز  کے گاؤں اور شہری مراکز کے درمیان فرق کو ختم کرے گا۔

- خطے میں اقتصادی ترقی، تجارت اور کاروبار  کو فروغ دے گا۔

- صحت کی دیکھ بھال، تعلیم، اور بازاروں جیسی ضروری خدمات تک رسائی کو بہتر بنائے گا۔

- روزگار کے مواقع پیدا کرے گا  اور مقامی معیشت کو متحرک کرے گا۔

- ایک خوشحال شمال مشرق اور ترقی یافتہ ہندوستان کے حکومت کے نظریے  سے ہم آہنگ ہوگا۔

پردھان منتری جن جاتی آدیواسی نیا ئے مہا ابھیان کے تحت ان  پروجیکٹوں کا خطے پر کافی اثر پڑے گا اور انقلابی تبدیلی آئے گی  ۔ یہ پروجیکٹس شمال مشرقی خطہ میں قبائلی گروپوں کی ترقی اور خوشحالی میں تعااون کریں گے اور  ہمہ جہت ترقی کے لیے حکومت کے عزم کو تقویت دیں گے۔

******

ش  ح۔ م ع   ۔ ج

UNO-8277