U Jyotiraditya M Scindia, Mynti ba dei khmih ia ka Tnat Development of North Eastern Region (MDoNER) bad Communications, un wan jngohh ia ka nongbah Shillong (Meghalaya) bad Guwahati (Assam) ha ka 12 -13 tarik Naitung, 2024.

Ha ka 12 tarik Naitung, 2024, u Scindia un pyniaid ia ka jingialang peit bniah ha NEC Secretariat, Nongrim Hills, Shillong, bad ki ophisar jong ka Tnat DoNER, NEC bad ka sorkar jylla ban iamir jingmut halor ka jingiaid shaphrang ki projek bapher bapher bad ki sienjam ha ka thain. Ka bynta ba kongsan jong kane ka jingwan kan long ka jingpyni ha kaba iadei bad ka NEC Vision 2047 bad ka jingplie paidbah ia ka NERACE App.

Ka NERACE kadei ka rynsan digital kaba pyniasoh ia ki nongrep bad ki iew ha kylleng ka pyrthei, kaba iarap ban pyniaid ia ki jingsiew jingdiah bad ki jingiadait dor. Ka app ka don ia ka helpline ha ki ktien bapher bapher (English, Hindi, Assamese, Bengali, Nepali, Khasi, Mizo, bad Manipuri) bad ka pyniasoh ia ki nongrep bad ki nongdie, ka kyntiew ia ka jingiasoh ki kam rep ha ka thain shatei lammihngi jong ka ri. Da kaba pyndap ia ki jaka ba suda hapdeng ki nongrep bad ki nongthied, ka NERACE ka pynkupbor ia ki nongrep ban poi shuh shuh sha ki briew, kyntiew ia ka kamai kajih jong ki, bad ioh ia ki kabu ba thymmai.

Ha ka 13 tarik Naitung, 2024, u Scindia un leit jngoh ia ka NEDFi House ha Guwahati, Assam, bad iakynduh bad ki ophisar bad iamir jingmut halor ki lad ki lynti ban kyntiew ia ka jingseng kam lajong bad ki startup ha ka thain.

Ka jingwan jong u Myntri Sorkar Pdeng, Jyotiraditya Scindia sha Meghalaya bad Assam ka ban jur ia ka jingphaikhmat kyrpang jong ka sorkar u Myntri Rangbah duh Narendra Modi ban kyntiew ia ka thain shatei lammihngi. Ka jingphaikhmat halor ki jingdon jingem, ki lad jingpyniasoh, ki kam ai jingsumar, ka pule puthi, ki startup, ka jingseng kam lajong, bad ka jingkyntiew ia ki kam jngoh kai ki iahap bad ka thong jong ka ‘Viksit Bharat’ bad ‘Viksit Purvottar’.

Ha kaba iadei bad kane ka jingwan jong u, u Jyotiraditya Scindia u la iasam ia ka jingkmen jong u bad ki briew jong ka Meghalaya bad Assam:

“Nga sngewkmen ban leit jngoh ia ki jylla kiba itynnad – ka Meghalaya & Assam bad sakhi ia ka jingiaid shaphrang ki projek kam pynroi jong ngi. Ka thong jong ngi kalong ban wanrah ia ka thain shatei lammihngi kaba shitrhem bad seisoh, bad nohsynniang sha ka thong jong ka ri ban tei ia ka Viksit Bharat.”

*******