কেন্দ্রগী হকশেল অমসুং য়াইফ-য়ুম্বাল মন্ত্রী শ্রী জগত প্রকাশ নাদানা লৈবাক শীন থুংবদা দেঙ্গী কেস হেনগৎলকপা অমসুং মোন্সুন লাকপগা লোইননা দেঙ্গীগী ফিভম অমসুং পব্লিক হেল্থ সিস্তেম্না ঙাকথোকপা, লাকশিনবা অমসুং য়েংশিনবগী থবক লৌখৎলিবশিং য়েংশিন্নবা অৱাংবা থাক্কী মীফম অমা ঙসি কৌখ্রে।

কেন্দ্রগী মন্ত্রীগী মফমদা লৈবাক শীনবা থুংবদা লৈরিবা দেঙ্গীগী ফিভম অমসুং মন্ত্রালয় অসিনা লৌখৎলিবশিংগী মতাংদা খঙহনখি। মসিমসু তমখি মদুদি দেঙ্গী কেস ফেতালিতী রেত অসি ২০২৪দা মতম চানা য়েংশিলহৌবা অমসুং পুন্না হোৎনমিন্নখিবগা লোইননা ৩.৩% (১৯৯৬) তগী ০.১% দা হন্থরে হায়না তমখি। মোন্সুন লাকপনা থোকহল্লিবা খুদোংচাদবশিং অমসুং নোংজু থাদা দেঙ্গী কেস মশীং হেনগৎলকপা য়াবগী অকিবা লৈবশিং পল্লদুনা শ্রী নাদানা দেঙ্গীগী মাইয়োক্তা শেম শাদুনা লৈবগী মরুওইবশিংগী মতাংদা ফোংদোকখি। মহাক্না ওফিসিএলশিংদা দেঙ্গীদগী কন্নবা ঙাকথোক্নবা, লাকশিন্নবা অমসুং য়েংশিন্নবগী থবকশিং কনখৎনবা খঙহনখি।

শ্রী জে পি নাদানা ওফিসিএলশিংদা হায় বর্দন স্তেতশিং অমসুং তোইনা থোক্কনবা মফমশিংদনা হেন্না মরুওইবা মীৎয়েং চঙনবা অমসুং রাজ্যশিংগা লোইননা দেঙ্গী ঙাকথোকপা ঙম্নবা খুৎশম্নদুনা পায়খৎনবা তকশিনখি। মহাক্না হাউসিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.), রুরেল দিবেলপমেন্ত মন্ত্রালয় (এম.ও.আর.দি.), এজুকেসন মন্ত্রালয় অমসুং ম্যুনিসিপাল কোর্পোরেসনশিং অমসুং লৈঙাক্কী লোকেল স্তাফশিং য়াওবা মন্ত্রালয়শিংগী অপুনবা মীফম অমা দেঙ্গী ঙাকথোক্নবা অমসুং লাকশিন্নবগীদমক মখোয়না লৌগদবা থৌদাংশিং খঙহন্নবগীদমক পাঙথোকপগী  তঙাইফদবা ফোংদোকখি।

মহাক্না ফোংদোকখি মদুদি কেন্দ্র সরকারনা রাজ্যশিংগা মতম চানা দেঙ্গী লাকশিন্নবগী থবকশিং পায়খৎনবা হোৎনরি। তোঙান-তোঙানবা ইন্তর-সেক্তোরেল ওইবা মীফমশিং স্তেকহোল্দরশিং অমসুং মন্ত্রালয়শিংদা দেঙ্গী ঙাকথোক্নবা অমসুং লাকশিন্নবগীদমক মখোয়গী থৌদাংশিং খঙনবা পাঙথোকখি। মহাক্না ফোংদোকখি মদুদি হায়রিবা থবকশিং অসিনা লাক্কদবা চহিশিংদা হেন্না মপাঙ্গল কলহনলগনি। "কেন্দ্র সরকারনা তেক্নিকেল সপোর্ত অমসুং বজেতকী মতেং পাংলি।"

কম্ম্যুনিকেসন অমসুং মীয়াম ভাপ তাহন্নবগী মরুওইবশিং পল্লদুনা হকশেল মন্ত্রীনা হায়খি মদুদি মীয়ামদা নুংথিলগী মতমদা চীক্লিবা এদিস কাঙ মখলগী মতাংদা ভাপ তাহন্নবগীদমক স্কুল চৎলিবা অঙাংশিংদা ভাপ তাহন্নবা কেম্পেন পাঙথোক্নবা অমসুং হকচাং পুম্না কুপ্পা য়াবা ফিরোলশিং শেৎ চানবা অমসুং তোঙান-তোঙানবা ঈশিং থম্ফম চফুনচিংবা অসিনচিংবা শীজিন্নদবা ঈশিং থমদনাব চাউনা থবক লৌখৎলি। তিভি, রেদিও, সোসিএল মীদিয়া অসিনচিংবা ফম্বাকশিংদা মীয়াম ভাপ তাহন্নবা আই.ই.সি. কেম্পেন লৈবাক শীনবা থুংনা লৈবাক শীনবা থুংনা লৌখৎলি।

কেন্দ্রগী হকশেল মন্ত্রীনা ওফিসিএলশিংবু দেঙ্গী ঙাকথোক্নবা অমসুং মীয়াম ভাপ তাহন্নবা অমসুং লাইওং লাকপদা হংনবা, লাইয়েংনবা ২৪/৭ সেন্ত্রেল হেল্পলাইন নম্বর অমা শেম্নবা পাউতাক পীখি। রাজ্যশিংদা অসিগুম্বা মতেংগীদমক মথৌ তৌবা হেল্পলাইন হাংনবা পাউতাক পীখি।

শ্রী নাদানা এ.আই.আই.এম.এস. অমসুং কেন্দ্র সরকারগী অনা লাইয়েংশঙ খুদিংদা ত্রেন তৌরবা মেনপাৱর, হিদাক লাংথক অমসুং অতৈ পুথোক পুশিন য়াওনা অখন্নবা দেঙ্গী ৱার্দশিং থমনবা পাউতাক পীখি। মখোয়দা মখোয়গী ক্লিনিকেল ফেসিলিতীশিং শীজিন্ননবা রিফরেল সিস্তেম শেম্নবা পাউতাক পীখি।

দা. অতুল গোল, দিরেক্তর জেনরেল ওব হেল্থ সর্ভিস (দি.জি.ঐচ.এস.)না রাজ্যশিংগী ম্যুনিসিপাল বোদীশিংদা দেঙ্গী থোকপা থিংনবা ভাপ তাহন্নবা হোৎনবগী তঙাইফদবা ফোংদোকখি। মহাক্না কুলর অমসুং তেঙ্কশিং বিল্দিংশিংদা কাং মচা কোকপদগী ঙাকথোক্নবা ফগৎহন্নবা পাউতাক পীখি।

লৈবাক শীনবা থুংনা দেঙ্গী ঙাকথোক্নবা, লাকশিন্নবগীদমক মখাগী থৌরাংশিং অসি লৌখৎলেঃ

• ভারত সরকারনা রাজ্যশিংবু দেঙ্গী অমসুং চিকনগুন্যা ঙাকথোক্নবা অমসুং লাকশিন্নবা ২০২৪দা এদভাইজরী ১৪ পীখ্রে। তোঙান তোঙানবা অৱাংবা থাক্কী মীফমশিং রাজ্যশিংদা মতম মতমগী ওইনা তেক্নিকেল গাইদেন্স পীনবা পাঙথোক্লি।
• লেম্না লাইওং খঙনবা অমসুং লাইনা য়েংশিন্নবা, সেন্তিনেল সর্ভিলেন্স হোস্পিতালশিং ২০০৭দা ১১০ লৈরম্বদগী ৮৪৮তা হেনগৎখ্রে।
• অপদেত তৌরবা কেস মেনেজমেন্তকী নেসনেল গাইদলাইনশিং কেন্দ্রগী হকশেল মন্ত্রীনা ওগস্ত ১০, ২০২৩দা ফোংখি।
• মেদিকেল কোলেজ অমসুং দিস্ত্রিক্ত হোস্পিতালশিংদগী মাস্তর ত্রেনরশিংসু দেঙ্গীদগী লৈতবা অমসুং ক্লিনিকেল মেনেজমেন্ত ফগৎনবগী পাউতাকশিং পীনবা  জাতিগী থাক্তা পাঙথোকপা ত্রেনিং মরি পীখ্রে।
• সেন্ত্রেল তীমশিংসু লাইনাগী ফিভম, রাজ্যনা লৌখৎপা থৌরাংশিং চাং নাইনা য়েংশিন্নবা অমসুং লাইনা লাকশিন্নবা তেক্নিকেল গাইদেন্স পীনবা রাজ্যশিংদা দেপ্যুতেসন থারি। দেঙ্গী অমসুং চিকঙ্গুনিয়াগী লাইওং খঙনবা কিৎশিংসু মতীক চানা রাজ্যশিংদা থারি।

শ্রী অপুর্ব চন্দ্র, কেন্দ্রগী হকশেল সেক্রেতরী, শ্রীমতি অরাধানা পত্নাইক, এদিসনেল সেক্রেতরী, হকশেল মন্ত্রালয়; শ্রীমতি এল.এস. চংসন, এদিসনেল সেক্রেতরী, হকশেল মন্ত্রালয়, দা. অতুল গোল, দি.জি.ঐচ.এস. শ্রীমতি বন্দনা জৈন, জোইন্ত সেক্রেতরী, হকশেল মন্ত্রালয়; প্রোফেসর এম শ্রীনিভাস, দিরেক্তর, এমস নৈ দিল্লী; দা. সরিতা বেরি, দিরেক্তর, লেদী হার্দিঙ্গে মেদিকেল কোলেজ; দা. বন্দনা তালৱার, মেদিকেল সুপরিন্তেন্দেন্ত, রাম মনোহর লোহিয়া হোস্পিতাল; দা. তনু জৈন, দিরেক্তর, এন.সি.ই.বি.দি.সি., হকশেল মন্ত্রালয় অমসুং অতৈ কেন্দ্রগী হকশেল মন্ত্রালয়গী মকোক থোংবা ওফিসিএলশিংসু মীফম অদুদা শরুক য়াখি। 

***