سال 2019-2024 کے عرصے میں، ای-آفس کو اپنائے  جانےکے عمل نے  مرکزی سیکرٹریٹ میں 37 لاکھ فائلوں کے ساتھ نمایاں رفتار حاصل کی، یعنی 94 فیصد فائلوں کو ای-فائلوں کے طور پر اور 95 فیصد رسیدوں کو ای-رسیپٹ کے طور پر ہینڈل کیا جا رہا ہے۔ حکومت نے اس پہل کو مزید گہرا کرنے کے لیے ای-آفس کے تجزیات تیار کیے ہیں۔ مرکزی سیکرٹریٹ میں ای-آفس پلیٹ فارم کے کامیاب نفاذ کے پس منظر میں، حکومت نے فیصلہ کیا ہے کہ ڈی اے آر پی جی کے 100 دن کے ایجنڈے کے ایک حصے کے طور پر حکومت ہند کے تمام منسلک، ماتحت دفاتر اور خود مختار اداروں میں ای-آفس کو نافذ کیا جائے گا۔ حکومت کی. بین وزارتی مشاورت کے بعد عمل درآمد کے لیے 133 منسلک، ماتحت دفاتر اور خود مختار اداروں کی نشاندہی کی گئی۔ ڈی اے آر پی جی نے 24 جون 2024 کو منسلک، ماتحت دفاتر اور خود مختار اداروں میں ای-آفس کو اپنانے کے لیے رہنما خطوط جاری کیے تھے۔

 شامل کئے جانے کے روڈ میپ اور تکنیکی طریقوں پر سکریٹری ڈی اے آر پی جی،  جناب  وی سری نواس کی زیر صدارت ایک بین وزارتی میٹنگ میں تبادلہ خیال کیا گیا اور اس میں تمام وزارتوں/ محکموں کے افسران اور 133 منسلک، ماتحت دفاتر اور خود مختار اداروں کے سینئر افسران نے شرکت کی۔ این آئی سی کی ٹیم، جس کی قیادت محترمہ  رچنا سریواستو، ڈپٹی ڈائریکٹر جنرل، این آئی سی کررہی تھی ، نے ای-آفس کے نفاذ کے لیے طریقہ کار کی تکنیکی خصوصیات پیش کیں۔ یہ فیصلہ کیا گیا کہ تمام وزارتیں/محکمے اپنے منسلک، ماتحت دفاتر، اور خود مختار اداروں کے ساتھ تال میل کریں گے، نوڈل افسروں کا تقرر کریں گے، ڈیٹا سینٹرز قائم کریں گے اور ای-آفس کے وقت کے ساتھ شامل کئے جانے  کے لیے صارفین/لائسنسوں کی تعداد کے بارے میں حکومت کے 100 دن کے ایجنڈے کے حصے کے طور پراین آئی سی کو درخواستیں جمع کرائیں گے۔

*****

ش ح۔س ب ۔ رض

U:8236