نئے قانونی ڈھانچے میں منتقلی کو آسان بنانے کی جانب ایک اہم قدم میں، ریلوے پروٹیکشن فورس (آرپی ایف) کے ڈائریکٹر جنرل (ڈی جی) جناب منوج یادو نے بھارتیہ نیائے  سنہتا (بی این ایس ) 2023 اور بھارتیہ ساکھشیہ  ادھینیم (بی ایس اے) 2023، پرآج نئی دہلی  میں جامع کتابچہ جاری کیا۔

یہ کتابچے آرپی ایف  اہلکاروں کے لیے ایک ضروری رہنما کے طور پر کام کرنے کے لیے ڈیزائن کیے گئے ہیں، جو نئے نافذ کیے گئے قوانین کے مطابق قانونی عمل کا خاکہ پیش کرتے ہیں۔ ہینڈ بک کا مقصد اس بات کو یقینی بنانا ہے کہ آرپی ایف  اہلکار تعزیرات ہند (آئی پی سی) اور انڈین ایویڈینس ایکٹ (آئی ای اے) سے متعلقہ نئی کارروائیوں میں منتقلی کے لیے اچھی طرح سے لیس ہوں۔ تفصیلی وضاحتوں اور عملی رہنمائی کے ساتھ، ہینڈ بک فورس کو انصاف کو برقرار رکھنے اور امن و امان کو مؤثر طریقے سے برقرار رکھنے کے قابل بنائے گی۔

  آر پی ایف کے ڈی جی نے آر پی ایف اہلکاروں کی قانونی مہارت کو بڑھانے اور فورس کے اندر قانونی عمل کو ہموار اور موثر منتقلی کو یقینی بنانے کے لیے جاری کوششوں میں ایک اہم سنگ میل کے طور پر ان کتابوں کی اہمیت پر زور دیا، اس طرح فورس کے عزم، قانون کی حکمرانی اور انصاف کی فراہمی کو تقویت ملتی ہے۔

مطبوعہ ورژن کے علاوہ آج ہینڈ بک کی ای فلپ بکس بھی جاری کی گئیں۔ بھارتیہ ناگرک سرکشا سنہتا (بی این ایس ایس )2023 کے لیے ہینڈ بک کے ساتھ یہ ڈیجیٹل ورژن جے آر آرپی ایف  اکیڈمی کی ویب سائٹ پردستیاب کرائے  گئے ہیں اور یہ موبائل فون اور ڈیسک ٹاپ کمپیوٹرز دونوں کے ساتھ مطابقت رکھتے ہیں، جو چلتے پھرتے تمام آرپی ایف  اہلکاروں کے لیے آسان رسائی کو یقینی بناتے ہیں۔ فلپ بک کے لنکس درج ذیل ہیں:

BNS: https://jrrpfa.indianrailways.gov.in/assets/resource/BNS_LAPTOP/mobile.html

BNSS: https://jrrpfa.indianrailways.gov.in/assets/resource/BNSS_HANDBOOK_LAPTOP/mobile.html

BSA: https://jrrpfa.indianrailways.gov.in/assets/resource/BSA_LAPTOP/mobile.html

**********

(ش ح ۔ج ق ۔ع آ)

U-8198