পেত্রোলিয়ম অমসুং নেচরেল গ্যাস মন্ত্রালয়না ঙসি শাস্ত্রি ভবনদা পাংথোকপা ওপনিং সেরেমোনী অমগা লোয়ননা স্বচ্ছতা পখৱারা-2024 হৌদোকখ্রে।

থৌরম অসিদা পেত্রোলিয়ম অমসুং নেচরেল গ্যাসকী মন্ত্রী শ্রী হর্দীপ সিংহ পুরীনা মন্ত্রালয়গী মকোকথোংবা ওফিসরশিং অমসুং স্তাফ পুম্নমকপু স্বচ্ছতাগী ৱাশক লৌহনখি। থৌরম অসিদা পেত্রোলিয়ম অমসুং নেচরেল গ্যাসকী রাজ্য মন্ত্রী শ্রী সুরেশ গোপি অমসুং পেত্রোলিয়ম অমসুং নেচরেল গ্যাস মন্ত্রালয়গী সেক্রেতরী শ্রী পঙ্কজ জৈনসু শরুক য়াখি।

মহাক্কী ৱারোলদা শ্রী হর্দীপ সিংহ পুরীনা স্বচ্ছ ভারত অভিয়ানগী শরুক ওইনা স্বচ্ছতা পখৱারা ইনিসিয়েতিবকী মরুওইবদা অকনবা ৱাফম থমখি। স্বচ্ছতা অভিয়ানবু প্রধান মন্ত্রীগী লীচিং মখাদা লৈবাক্কী খ্বাইদগী ফন্দামেন্তেল ত্রান্সফোর্মেতিব কেম্পেননি ফোংদোক্লদুনা মহাক্না হায়খি মদুদি কেম্পেন অসিনা ঐখোয়গী ৱাখল্লোনদা অচৌবা অওনবা অমা পুরক্লে।

মন্ত্রীনা বিভাগ পুম্নমক্তা স্বচ্ছতাগী প্রেক্তিস প্রমোত তৌবা অমদি মন্ত্রালয়গী মখাদা সেন্ত্রেল পব্লিক সেক্তর ইন্তরপ্রাইজেস (CPSEs) অমসুং এতেচ তৌবা ওফিসশিং য়াওনা  স্তেকহোল্দর পুম্নমক্কী এক্তিব ওইনা শরুক য়াবগী মন্ত্রালয়গী ৱাফম ফংদোকখি।

থৌরম অসিদা ৱা ঙাংলদুনা শ্রী পুরীনা মমাং চহিগী স্বচ্ছতা পখৱারাগী এচিবমেন্তশিংগী মতাংদা পনখি, মদুদা সেনিতেসন ফেসিলিতীশিং শাবা, হায়জিনিক ইনফ্রাস্ত্রকচর ইন্সতোল তৌবা অমসুং পব্লিক স্পেসশিং অমদি ওফিসশিংদা ক্লিনলিনেস দ্রাইবনচিংবা তোঙান তোঙানবা এক্তিবিতীশিং য়াওরি। মহাক্না হায়খি, “মমাং চহিদা ঐখোয়না সস্তেনেবল দেবলপমেন্ত গোল 6 (SDG-6) ফংনবগীদমক ঐখোয়গী ৱাফমশিং দেমোন্সত্রেত তৌনবা 2023গী জুলাই 1 অমসুং জুলাই 15গী মরক্তা ‘স্বচ্ছতা পখৱারা’গী মখাদা এক্তিবিতী কয়া অমা পাংথোকখি।”

শ্রী পুরীনা স্বচ্ছ ভারত মিসন মায় পাকপগী থৌরম পাংথোক্নবা মতম খরসু কায়থোকখি, মদুনা হৌখিবা চহি মাপলদা ভারত্তা অহোংবা পুরকখ্রে। মহাক্না রুরেল অমসুং অর্বান ইন্দিয়াদা চাউরাক্না তোইলেত করোর 12 শাখিবা, সোলিদ ৱেস্ত মেনেজমেন্তদা মরুওইবা ইমপ্রুবমেন্তশিং, অমসুং হেল্থ অমদি হায়জিন প্রেক্তিসশিংদা ওবরওল ইম্পেক্ত ফোংদোকখি। মহাক্না হায়খি মদুদি অর্বান এরিয়াশিংদা ঐখোয়গী সোলিদ ৱেস্ত মেনেজমেন্ত, মিসন হৌরকপদা লৈরমদবগুম্বনি, হৌজিক্তি ইমপ্রেসিব 77% দা লৈরে। মহাক্না মখা তানা হায়খি, “য়ু.এন.গী মতুং ইন্না, হেন্না ফবা হকশেল অমসুং হায়জিন প্রেক্তিসশিংনা মরম ওইদুনা ইমুংমনুংশিংনা লুপা 50,000 ফাওবা কনবা ঙমলে।”

মন্ত্রীনা স্বচ্ছতাদা মখা তানা ৱাশকপগী মথৌতাবদা অমসুং শহরশিংবু গার্বেজ ফ্রী ওইহনবগী অমদি স্বচ্ছ ভারত মিসন – অর্বান 2.0 (SBM-U 2.0)গী খুত্থাংদা লেগেসী দম্পসাইত পুম্নমক ফগৎহনবগী মরুওইবদা অকনবা ৱাফম থমখি।

******