پینے کے پانی اور صفائی ستھرائی کے محکمے(ڈی ڈی ڈبلیو ایس) ، جل شکتی کی وزارت نے ڈائریا سے روک تھام سےمتعلق قومی مہم کے ساتھ ہاتھ ملایا ہے، جسے24 جون 2024 کو مرکزی وزیر صحت جناب جے پی نڈاکے ذریعے شروع کیا جائے گا، اس مہم میں مرکزی وزیر مملکت، مرکزی حکومت کے سینئر حکام ، مختلف ریاستوں/مرکز کے زیر انتظام علاقوں اور ترقیاتی شراکت داروں کے نمائندے بھی شامل ہوں گے ۔

جل شکتی کے مرکزی وزیر جناب سی آر پاٹل نے اس تعاون کی اہمیت پر زور دیتے ہوئے کہا : ‘‘دیہی صفائی مشن اور نیشنل اسٹاپ ڈائریا مہم کے درمیان ہم آہنگی صحت عامہ کے لیے ہماری غیر متزلزل لگن کو واضح کرتی ہے۔ ان مشترکہ کوششوں کے ذریعے، ہم نہ صرف بچپن میں ہونے والی اموات کو کم کرنا چاہتے ہیں بلکہ پورے دیہی ہندوستان میں صحت اور حفظان صحت کی ثقافت کو پروان چڑھانا بھی چاہتے ہیں۔’’

سکریٹری ( ڈی ڈی ڈبلیو ایس) محترمہ وینی مہاجن نے اپنی وابستگی کا اظہار کرتے ہوئے کہا، ‘‘یہ اقدام ہمارے بچوں اور کمیونٹیز کی صحت کے تحفظ کی جانب ایک اہم قدم ہے۔ نیشنل اسٹاپ ڈائریا مہم کے ساتھ اپنی کوششوں کو مربوط کرتے ہوئے، ہمارا مقصد اس بات کو یقینی بنانا ہے کہ کوئی بھی بچہ اسہال جیسی قابل علاج بیماریوں کا شکار نہ ہو۔ صاف پانی اور صفائی ستھرائی پر ہماری توجہ اس مقصد کے حصول کے لیے اہم ہے۔’’

نیشنل اسٹاپ ڈائریا مہم کا مقصد دو ماہ کی مدت میں ایک جامع، کثیر شعبہ جاتی نقطہ نظر کے ذریعے اسہال سے بچوں کی اموات کو صفر کرنا ہے۔

کلیدی توجہ کے شعبے   میں شامل ہیں:

• صحت کے بنیادی ڈھانچے کو مضبوط بنانا: صحت کی سہولیات کی دیکھ بھال اور ضروری طبی سامان(او آر ایس، زنک) کی دستیابی کو یقینی بنانا، خاص طور پر دیہی علاقوں میں۔
• صاف پانی اور صفائی تک رسائی کو بہتر بنانا: پینے کے صاف پانی اور صفائی ستھرائی کے لیے کوالٹی کنٹرول کے اقدامات اور پائیدار طریقوں کو نافذ کرنا۔
• غذائیت کے پروگراموں کو بڑھانا: اسہال کی بیماریوں سے بچنے کے لیے غذائیت کی کمی سے نمٹنا۔
• حفظان صحت کی تعلیم کو فروغ دینا: اسکولوں میں ضروری سہولیات فراہم کرنا اور بچوں کو حفظان صحت کی تعلیم دینا۔

اس پہل کی تکمیل کرتے ہوئے، ڈی ڈی ڈبلیو ایس نے یکم جولائی سے 31 اگست 2024 تک دیہی علاقوں میں ‘محفوظ پانی اور صفائی ستھرائی’ کے بارے میں ایک بیداری مہم شروع کی ہے، جس کا نام  ‘سووچھ گاؤں، شدھ جل-بہتر کل’ ہے۔ یہ مہم گاؤں اور پنچایت کی سطح پر بیداری پیدا کرنے اور محفوظ پانی اور صفائی ستھرائی کے طریقوں کے استعمال کو فروغ دینے کے لیے شروع کی  گئی ہے۔

یہ کوشش اسہال کی وجہ سے بچپن میں ہونے والی اموات کو کم کرنے اور دیہی ہندوستان میں مجموعی صحت عامہ کو بہتر بنانے کے قومی اسٹاپ ڈائریا مہم کے مقصد میں حصہ ڈالے گی اور ہندوستان کے تمام دیہاتوں میں سمپورنا سوستھ اور سووچھ بھارت کی سمت میں ہندوستان کے تمام گاؤں میں کھلے میں رفع حاجت سے پاک پلس ماڈل کی حیثیت کو برقرار رکھنے اور حاصل کرنے کی وکالت کرے گی۔

مہم کی اہم سرگرمیاں:

• کمیونٹی کی شمولیت: گاؤں کی پانی اور صفائی کی کمیٹیاں، پانی سمیتی، اور مقامی ادارے کمیونٹی کی شرکت اور ملکیت کو یقینی بنانے کی کوششوں کی قیادت کریں گے۔
• پانی کے معیار کی جانچ: فیلڈ ٹیسٹ کٹس کے ذریعے باقاعدگی سے جانچ کی جائے گی، جس کے نتائج  اے ڈبلیو سی، اسکولوں، صحت کی دیکھ بھال کی سہولیات، اور کمیونٹی مراکز میں دکھائے جائیں گے۔
• حساسیت کی ورکشاپس: ضلعی پانی اور صفائی کے مشن مقامی کمیونٹیز، سرکاری اہلکاروں، اور دیگر اسٹیک ہولڈرز کو پانی کے انتظام، صفائی ستھرائی اور حفظان صحت کے فروغ کے بارے میں تربیت دیں گے۔
• رساؤ  کا پتہ لگانا اور مرمت کی مہم : آلودگی کو روکنے اور پانی کو بچانے کے لیے پانی کی فراہمی کے نظام کا معائنہ اور مرمت۔
• عوامی بیداری کی مہمات: پانی کی حفظان صحت کی اہمیت، سی ایس سی / آئی ایچ ایچ ایل  کے استعمال اور پانی سے پیدا ہونے والی بیماریوں کی روک تھام کے لیے محفوظ صفائی کی مشق۔
• کمزور گروپوں پر خصوصی توجہ: اسہال اور دیگر پانی سے پیدا ہونے والی بیماریوں کے واقعات کو کم کرنے کے لیے پانچ سال سے کم عمر کے بچوں اور بوڑھوں کو  ہدف  بنانا۔
• تعلیمی اقدامات: نوجوان ماؤں اور نوعمر لڑکیوں کے لیے مناسب صفائی ستھرائی اور حفظان صحت کے طریقوں پر ورکشاپس اور تربیتی سیشن، جس میں  بچوں کے فضلے کو محفوظ طریقے سے ٹھکانے لگانے اور ہاتھ دھونے کی تکنیک شامل ہیں۔

مرحلہ وار عمل درآمد:

• ہفتہ 1 اور 2: مہم کا آغاز، کنورجنس میٹنگز، پانی کے معیار کی جانچ، اور حساسیت کی ورکشاپس۔
• ہفتہ 3 اور 4: رساؤ کا پتہ لگانے اور مرمت کرنے کی مہم، عوامی بیداری مہم، اور گاؤں کی صفائی کے لیے صفائی مہم اور اداروں میں صابن سے ہاتھ دھونے کی سہولت کو یقینی بنانا ۔
• ہفتہ5 اور 6: بقایا کلورین ٹیسٹنگ، عوامی بیداری مہم، اور اسکولوں اور آنگن واڑی مراکز میں پانی کے معیار کا معائنہ اور اداروں میں گرے واٹر مینجمنٹ اور غیر فعال بیت الخلاء کی خصوصی  کی جانچ کے لئے مہمات۔
• ہفتہ 7 اور 8: مقامی کمیونٹیز کے ساتھ مشغولیت، بارش کے پانی کی ذخیرہ اندوزی کو فروغ دینا، اور انفرادی گھریلو لیٹرین (آئی ایچ ایچ ایل ) کمیونٹی سینٹری کمپلیکس(سی ایس سی) کی تعمیر اور صحت کے لیے محفوظ پانی پر گھر گھر پمفلٹ کی تقسیم کے لیے خصوصی مہم۔

*****

ش ح۔ج ق۔ رض

U:8082