ગયા વર્ષની સરખામણીમાં 16.7%ની વૃદ્ધિ; 2019-20થી 60% વધારો

ભારતને અગ્રણી વૈશ્વિક સંરક્ષણ ઉત્પાદન હબ તરીકે વિકસાવવા સરકાર પ્રતિબદ્ધ છેઃ રક્ષા મંત્રી શ્રી રાજનાથ સિંહ

પ્રધાનમંત્રી શ્રી નરેન્દ્ર મોદીની આગેવાની હેઠળની સરકારની નીતિઓ અને પહેલોના સફળ અમલીકરણને કારણે સંરક્ષણ મંત્રાલયે નાણાકીય વર્ષ (FY) 2023-24 દરમિયાન મૂલ્યની દ્રષ્ટિએ સ્વદેશી સંરક્ષણ ઉત્પાદનમાં અત્યાર સુધીની સૌથી વધુ વૃદ્ધિ હાંસલ કરી છે, જેનો હેતુ 'આત્મનિર્ભરતા' પ્રાપ્ત કરવાનો છે. તમામ ડિફેન્સ પબ્લિક સેક્ટર અંડરટેકિંગ્સ (DPSU), સંરક્ષણ વસ્તુઓનું ઉત્પાદન કરતી અન્ય PSUs અને ખાનગી કંપનીઓ પાસેથી પ્રાપ્ત ડેટા મુજબ, દેશમાં સંરક્ષણ ઉત્પાદનનું મૂલ્ય રેકોર્ડ-ઊંચો આંકડો એટલે કે 1,26,887 કરોડ રૂપિયા સુધી પહોંચી ગયો છે, જે પાછલા નાણાકીય વર્ષના સંરક્ષણ ઉત્પાદન કરતાં 16.7%ની વૃદ્ધિ દર્શાવે છે. નાણાકીય વર્ષ 2022-23માં સંરક્ષણ ઉત્પાદનનું મૂલ્ય 1,08,684 કરોડ રૂપિયા હતું.

રક્ષા મંત્રી શ્રી રાજનાથ સિંહે એક્સ પર એક પોસ્ટ દ્વારા આ સિદ્ધિને સ્વીકારતા, જણાવ્યું કે વડાપ્રધાન શ્રી નરેન્દ્ર મોદીના નેતૃત્વમાં ‘મેક ઇન ઈન્ડિયા’ કાર્યક્રમ દર વર્ષે નવા સીમાચિહ્નો પાર કરી રહ્યો છે. તેમણે ભારતને અગ્રણી વૈશ્વિક સંરક્ષણ ઉત્પાદન હબ તરીકે વિકસાવવાના સરકારના અટલ સંકલ્પને વ્યક્ત કર્યો.

2023-24માં ઉત્પાદનના કુલ મૂલ્ય (VoP)માંથી, લગભગ 79.2%નું યોગદાન DPSU/અન્ય PSU અને 20.8% ખાનગી ક્ષેત્ર દ્વારા યોગદાન આપવામાં આવ્યું છે. ડેટા દર્શાવે છે કે સંપૂર્ણ મૂલ્યની દ્રષ્ટિએ, DPSU/PSU અને ખાનગી ક્ષેત્ર બંનેએ સંરક્ષણ ઉત્પાદનમાં સતત વૃદ્ધિ નોંધાવી છે. શ્રી રાજનાથ સિંહે સંરક્ષણ ઉત્પાદનને સર્વકાલીન ઉચ્ચ સ્તરે લઈ જવા માટે DPSU, સંરક્ષણ વસ્તુઓનું ઉત્પાદન કરતા અન્ય PSUs અને ખાનગી ઉદ્યોગો સહિતના ઉદ્યોગોને અભિનંદન આપ્યા હતા.

આત્મનિર્ભરતા હાંસલ કરવા પર ધ્યાન કેન્દ્રિત કરીને છેલ્લા 10 વર્ષોમાં સરકાર દ્વારા લાવવામાં આવેલા નીતિગત સુધારા/પહેલ અને વ્યવસાય કરવાની સરળતાને કારણે આ સિદ્ધિ પ્રાપ્ત થઈ છે. સ્વદેશીકરણના પ્રયાસોને સતત ધોરણે આક્રમક રીતે આગળ ધપાવવામાં આવ્યા છે, જેના પરિણામે અત્યાર સુધીનો સૌથી વધુ VoP પ્રાપ્ત થયો છે. વધુમાં, વધતી જતી સંરક્ષણ નિકાસએ સ્વદેશી સંરક્ષણ ઉત્પાદનમાં એકંદર વૃદ્ધિમાં જબરદસ્ત યોગદાન આપ્યું છે. નોંધનીય છે કે નાણાકીય વર્ષ 2023-24માં સંરક્ષણ નિકાસ 21,083 કરોડ રૂપિયાના વિક્રમી ટોચે પહોંચી હતી, જે છેલ્લા નાણાકીય વર્ષમાં 32.5%ની વૃદ્ધિ દર્શાવે છે જ્યારે આ આંકડો 15,920 કરોડ રૂપિયા હતો.

છેલ્લા પાંચ વર્ષોમાં (2019-20થી) સંરક્ષણ ઉત્પાદનનું મૂલ્ય સતત વધી રહ્યું છે, અને તેમાં 60%થી વધુનો વધારો થયો છે. વર્ષ મુજબની વિગતો નીચે મુજબ છેઃ

The Make in India programme is crossing new milestones, year after year, under the leadership of PM Shri @narendramodi.

India has registered the highest ever growth in the value of defence production in 2023-24. The value of production has reached to Rs. 1,26,887 crore in…

— Rajnath Singh (@rajnathsingh) July 5, 2024

AP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com