ইন্দিয়ন এয়র ফোর্স (আই.এ.এফ.)কী পুৱারীদা এয়র চীমার্শল ভি.আর. চৌধরি, চীফ ওব দি এয়র স্তাফ (সি.এ.এস.)না এয়র ফোর্স স্তেসন বেগম্পেত, হায়দেরবাদতা জুলাই ০১, ২০২৪ দা ৱিপন সিস্তেম স্কুল অমা হাংদোকখিবগা লোইননা অনৌবা পন্দুপ অমা শেমখ্রে। মসি ২০২২দা ৱিপন সিস্তেম (দব্ল্যু.এস.) ব্রাঞ্চ অমা আই.এ.এফ.তা ওফিসরশিংগী অনৌবা মশা লোইশঙ অমগী অয়াবা পীখ্রবা মতুংদা লাকপনি। ইন্দিয়ন এয়র ফোর্সপু নৌনা শেমগৎপা অমসুং অহোংবা পুরক্তুনা তুংগী মীৎয়েংদা হেন্না চঙশিনবা ফোর্স অমা ওইনা শেমগৎনবা, অনৌবা ত্রেনিং ইস্তাব্লিশ্মেন্ত অমা শেমগৎপা হায়বসি য়াম্না চাউবা আর্ম্দ ফোর্সেসকী ওইবা খোঙথাং অমনি, অমসুং মরুওইনা ইন্দিয়ন এয়র ফোর্সকী খোঙথাং অমনি।

সি.এ.এস.পু এয়র ভাইস মার্শল প্রেমকুমার কৃষ্ণস্বামি, কমান্দেন্ত, ৱিপন সিস্তেম স্কুলনা তরাম্না ওকখি। হৌদোকপগী থৌরম অদুদা এয়র মার্শল নাগেশ কাপুর, এয়র ওফিসর কম্মান্দিং ইন চীফ, ত্রেনিং কমান্দ, অমসুং অতৈ মকোক থোংবা আই.এ.এফ.কী ওফিসরশিং, কমান্দেন্ত, এয়র ফোর্স একাদেমী, কমান্দেন্ত, কোলেজ ওব এয়র ৱিং, এয়র ওফিস কমান্দিং, এয়র ফোর্স স্তেসন হহিম্পেত, অমসুং স্তেসন কমান্দর, এয়র ফোর্স স্তেসন বেগম্পেত য়াওনা শরুক য়াখি।

দব্ল্যু.এস.এস. অসিনা এফেক্ততা য়ুম্ফম ওইবা ত্রেনিংশিং হায়বদি মহৌশানা কন্তেম্পোররী ওইরিবা অসিমক পীনবা হোৎনগনি অমসুং নৌনা শেম্লিবা মশা লোইশঙ অসিগী ওফিসরশিংবু আই.এ.এফ.কী তঙাইফদবশিংগীদমক শেম শাগনি। দব্ল্যু.এস.এস. অসি হৌদোকপগা লোইননা, দব্ল্যু.এস. ব্রাঞ্চকী ফ্লাইত কেদেতশিংনা মখোয়গী ত্রেনিংগী অনিশুবা সেমেস্তর ইন্সতিত্যুৎ অসিদা চথগনি। অনৌবা মশা লোইশঙ অসিদা স্ত্রীম মরি লৈগনি; সুখোই ৩০ এম.কে.আই. অমসুং সি-১৩০জে গুম্বা এয়রবোর্ন প্লেৎফোর্মশিংগী ৱিপন অমসুং সিস্তেম চলাইনবা ফ্লাইং স্ত্রীম; রিমোত ওইনা পাইলত তৌবা এয়রক্রাফ চলাইনবা রিমোত স্ত্রীম; লৈমাইদগী নোংথক্তা অমসুং লৈমাইদগী লৈমাইদা কাপকদবাই খুৎলাইশিংগী মিসন কমান্দর অমসুং ওপরেতর, অমসুং স্পেস বেজ ইন্তেলিজেন্স অমসুং ইমেজরী পায়নবা ইন্তেলিজেন্স স্ত্রীম্নি।

ৱারী শানবা অদুদা, সি.এ.এস.না ফোংদোকখি মদুদি দব্ল্যু.এস. মশা লোইশঙ অমা শেমগৎপা, লৈমাইদা য়ুম্ফম ওইবা ওপরেতর অমসুং অখন্নবা ৱিপন সিস্তেম অসি য়ুখল অমগী মখাদা পুন্না লৈ, মসিনা আই.এ.এফ.কী লানগী শক্তি হেনগৎহল্লি। মহাক্না ইন্সত্রক্তরশিংদা নৌনা শেম্লিবা মশা লোইশঙ অসিগী মকোক থোংবশিং ওইবগা লোইননা, মখোয়না ত্রেনিংগী রেজিম অপুম্বনা খোঙফম চেৎনা লেপ্পা ঙমগনি অমসুং ফিভম চেৎপা নোংথক্কী শক্তি পীবা ঙমগনি। স্কুল অসিবু লিংখৎপদা য়াওরিবা মীওইশিংবু থাগৎলদুনা সি.এ.এস. অসিনা পার্সনেল খুদিংমকপু স্কুল অসিবু লৈবাক অসিগী খুৎলাইগী ত্রেনিং পীবগী নোদাল সেন্তর অমা ওইনা লিংখৎনবা হোৎনবীনবা পুক্নিং চিংশিনখি।

দব্ল্যু.এস. মশা লোইশঙ অমা শেম্বসি সি.এ.এস.না এয়র ফোর্স দে পেরেদ পালন ওক্তোবর ৮, ২০২২দা পাঙথোকপদা লাউথোকখিবনি।

***************