নেস্নেল হায়ৱে প্রোজেক্তশিংগী খ্বাইদগী ৱাংবা কন্সত্রক্সন স্তেন্দর্দশিং, কোস্ত ইফেক্তিবনেস অমসুং মতম চানা থবক লোইশিনবা ঙমহন্নবা NHAI না নই দিল্লীগী NHAI হেদক্বাতর্সদা দিতেল প্রোজেক্ত রিপোর্ত (DPR) সেল অমা লিংখৎলে। সেল অসিনা এক্সপার্ত ইনপুৎশিং ফংহনগনি অমসুং নেস্নেল হায়ৱে প্রোজেক্তশিংগীদমক DPRগী এন্দ-তু-এন্দ মোনিতরিং ঙমহনগনি। সেল অসিনা DPRগী মেকানিজম য়েংশিনবদা য়ুনিফোর্মিতী পুরকপদা মতেং ওইগনি অমসুং প্রোজেক্তশিং ইমপ্লিমেন্ত তৌবগী মাংওইননা ক্বালিতী DPRশিং শেমশাবা অমসুং য়েংশিনবা ঙমহনগনি।

নেস্নেল হায়ৱে প্রোজেক্ত মায়পাক্না ইমপ্লিমেন্ত তৌনবগীদমক DPR অমা অসি মরুওইবা মচাক অমনি অমসুং মসিদা প্রোজেক্তকা মরী লৈনবা তোঙান তোঙানবা সর্ভেশিং, ইনভেস্তিগেসনশিং অমসুং দিজাইনশিং য়াওরি। DPR সেলনা IRC স্পেসিফিকেসনশিং অমসুং স্তেন্দর্দশিংগী মতুং ইন্না হায়ৱে কম্পোনেন্ত (হায়ৱে অমসুং স্ত্রকচরশিং) পুম্নমক্কীদমক তোঙান তোঙানবা পেরামীতরশিং লেপথোকপদা মতেং ওইগনি।

DPR সেলদা প্রিন্সিপাল DPR এক্সপার্তশিং অমসুং রোদ সেফতী, ত্রাফিক, লেন্দ এক্যুইজিসন, থোংশিং, তনেলশিং, জিওতেক্নিকেল এক্সপার্তশিং, সেনিয়র হায়ৱে এক্সপার্তশিং অমসুং ফোরেস্ত স্পেসিয়েলিস্তশিংগীদমক তোঙান তোঙানবা দোমেন এক্সপার্তশিং য়াওবা প্রোফেস্নেল 40গী কত্থোক্লবা তীম অমা লৈগনি।

এক্সপার্তশিং অসিনা মেকানিজমশিং অমসুং মোনিতরিং সিস্তেমশিং দিবেলপ তৌবদা মতেং পাংগনি মদুনা DPR প্রোজেক্ত লাইফসাইকল পুম্বগী প্রোসেস য়েংশিনবগী য়ুনিফোর্ম ইমপ্লিমেন্তেসন ঙমহল্লগনি। মসিগী মথক্তা তীম অসিনা নেস্নেল হায়ৱে প্রোজেক্তশিংগা মরী লৈনবা বিদ দোকুমেন্তশিং অমসুং তেক্নিকেল স্কেদ্যুলশিংসু স্তদী তৌগনি অমসুং দিজাইন ফীচরদা য়ুমফম ওইবা কোস্ত এস্তিমেতশিং ফংহনগনি। মসিনা প্রিকন্সত্রক্সন এক্তিবিতীশিং প্লান তৌবদা অমসুং হায়ৱে ইনফোর্মেসন মোদেল সোফতৱেয়র (HIMS)গা লোয়ননা প্রোজেক্ত ইনকোর্পোরেত তৌবদসু মতেং পাংগনি। সেলদগী ওফিসিয়েলশিংনা DPR / দিজাইন কন্সলতেন্তশিংনা থমলকপা প্রপোজেলশিং লেপনবা সাইত্তা চৎতুনা য়েংশিনগনি অমসুং প্রোজেক্তকা মরী লৈনবা DPRদা ক্বালিতী আউতপুৎ হেনগৎহন্নবা ইনোবেতিব প্রেক্তিসশিং সজেস্ত তৌগনি।

DPR সেলনা চপচাবা রিপোর্তশিং শেমশাবদা মতেং পাংগনি মদুনা ৱার্ল্দ ক্লাস নেস্নেল হায়ৱেশিং দিবেলপ তৌবা ঙমহন্দুনা লৈবাক চাউখৎহনবগী মায়কৈদা মখা তানা থৌদাং লৌগনি।

****