MoHUAনা SBM-U 2.0গী মখাদা ৱেস্ত বেঙ্গলগীদমক লুপা করোর 860.35গী প্রপোজেলশিং অয়াবা পীখ্রে। SBM-U (2014-19)গী অহানবা ফেজগী মনুংদা ৱেস্ত বেঙ্গলদা লুপা করোর 911.34গী অপুনবা ফন্দ অমা এলোকেত তৌখি, মদু SBM-U 2.0 (2021-26)দা শরুক 1.5 হেনগৎতুনা লুপা করোর 1449.30 ওইখি।

মন্ত্রালয়না ৱেস্ত বেঙ্গল রাজ্যগা লোয়ননা ৱেস্ত মেনেজমেন্ত অমসুং সেনিতেসনদা মশক থোকনা খুমাংচাউশিন্নবা নক্ননা থবক তৌরি। ৱেস্ত বেঙ্গলদা লেগেসী ৱেস্ত দম্পসাইত 118 লৈরি, মদুদা ৱেস্ত 5% খক্তমক শেমদোকপা ঙম্লি। 1987দগী কোলকতাগী মরুওইবা ম্যুনিসিপাল দম্পিং গ্রাউন্দ ধাপা লেন্দফিলদা লেগেসী ৱেস্ত শেংদোকপগীদমক নেস্নেল গ্রীন ত্রিব্যুনেল (NGT) খনগৎলবা বাইও-মাইনিং অমসুং বাইওরেমেদেসন মেথদশিং চত্থরি।

ৱেস্ত বেঙ্গলদা লৈরিবা শহরশিংনা নুমিৎ খুদিংগী ম্যুনিসিপাল সোলিদ ৱেস্ত তন 4,046গী ময়া জেনরেত তৌই। SBM-U 2.0গী মখাদা রাজ্যনা মসিগী অচৌবা ৱেস্তকী চাং অসি মেনেজ তৌনবা প্রোজোক্তশিং প্রপোজ তৌরি মদুদা কম্পোজিসন প্লান্ত 4800 অমসুং মেতরিয়েল রিকোবরী ফেসিলিতীজ (MRFs) 4500 য়াওরি। সোলিদ ৱেস্তপু এনভাইরনমেন্তেলী সেফ ওইবা মওংদা দিস্পোজ তৌবা ঙমহন্নবা রাজ্যনা সেক্যুর্দ লেন্দফিল ফেসিলিতিজ (SLFs) 2216 প্রপোজ তৌরি। কমপ্রেস বাইও-গ্যাস (CBG) প্লান্ত 460গীদমক মন্ত্রালয়গী অয়াবগা লোয়ননা রা়জ্যনা ৱেস্ত তু ইনর্জীগীদমক অচৌবা শাহৌ অমা ফংলে। ULB 100 হেনবদা লেগেসী ৱেস্ত দম্পসাইতশিংগী রেমেদিয়েসনগীদমক SBM-U 2.0গী মখাদা লুপা করোর 217গী প্রপোজেলশিং অয়াবা পীখ্রে। সেনিতেসন অমসুং ৱেস্ত মেনেজমেন্ত মেনেজ তৌনবগীদমক ফন্দশিং অপনবা লৈতনা ফংহন্নবা রাজ্যনা প্রপোজ তৌরিবা প্রোজেক্তশিংদা ভারত সরকারনা ফাস্ত-ত্রেক্তা লুপা করোর 209গী অহেনবা শেনফম অমা রিলিজ তৌখ্রে। মসিগী পান্দমদি স্বচ্ছ ভারত মিসন-অর্বানগী মখাদা 2026 ফাওবদা রাজ্যগী শহর খুদিংদা ৱেস্ত প্রোসেসিং প্লান্তশিং লৈবনি।

***