কেন্দ্রগী লৌউ-শিংউ অমসুং লৌমীশিংগী য়াইফ-থৌরাং অমসুং খুঙ্গং চাউখৎ-থৌরাং মন্ত্রী শ্রী শিবরাজ সিংহ চৌহান্না এগ্রিকলচর ইনফ্রাস্ত্রকচর ফন্দ (AIF) গী মখাদা পীশিনখিবা বেঙ্কশিংগী ইন্তরেস্ত সবভেন্সন ক্লেমশিংগী সেত্তলমেন্ত প্রোসেস ওতোমেৎ অমসুং খোঙজেল য়াংশিনহন্নবা দিপার্তমেন্ত ওফ এগ্রিকলচর এন্দ ফার্মর্স ৱেল্ফিয়র (DA&FW) অমসুং NABARD না পুন্না শেমখিবা ৱেব পোর্তেল অমা লোঞ্চ তৌখ্রে। লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী শ্রী ভাগীরথ চৌধরী, NABARD কী চেয়রমেন, DA&FW অমসুং বেঙ্কশিংগী সেনিয়র ওফিসরশিংসু শরুক য়াখি।

থৌরম অদুদা ৱা ঙাংলদুনা কেন্দ্রগী মন্ত্রী শ্রী শিবরাজ সিংহ চৌহান্না হায়খি মদুদি মোদী সরকারনা লৌমীশিংগী শেন্থোক হেনগৎহন্নবা তোঙান তোঙানবা খোঙথাং কয়া পায়খৎলি। মহাক্না হায়খি মদুদি ‌এগ্রিকলচর ইনফ্রাস্ত্রকচর ফন্দ অসি প্রধান মন্ত্রী মোদীনা লুপা করোর লাখ 1গী শেনফমগা লোয়ননা মহৈ-মরোংশিংগী স্তোরেজ কেপাসিতী হেনগৎহন্নবা অমসুং লৌমীশিংগী মাংবা হন্থহন্নবা হৌদোকখি। মহাক্না হায়খি ক্রেদিৎ ক্লেমশিংগী নৌনা হৌদোকখিবা ওতোমেসন অসিনা মেন্যুএল সেত্তলমেন্ত তৌবদা থা কয়া চংলমখিবা অদু ক্লেমশিং মতম চানা নোংমগী মনুংদা সেতলমেন্ত তৌবা ঙমহনগনি। মহাক্না হায়খি মদুদি খোঙথাং অসিনা ত্রান্সপরেন্সীসু লৈহল্লগনি অমসুং করপ মেথদশিং চেক তৌহল্লগনি। শ্রী চৌহান্না হায়খি মদুদি লৌমীশিংগী এক্সপরিয়েন্স শিয়র তৌনবা অনৌবা পোর্তেল অসিনা লৌমীশিংগী কম্ম্যুনিতীদা অমনা অমগী এক্সপরিয়েন্সশিংদগী কান্নবা ফংহনগনি। মহাক্না হায়খি মদুদি মশা-মশানা চাংয়েং তৌরিবা লৌমী কয়া অমা লৈরি অমসুং মখোয়গী মাইপাকপগী ৱারীশিং অদু অতোপ্পশিংনা মতৌ তমনবগীদমক পুখৎকদবনি। কেন্দ্রগী মন্ত্রীনা হায়খি মদুদি ঙসি ফাওবদা এগ্রিকলচর ইনফ্রাস্ত্রকচর ফন্দগী মখাদা প্রোজেক্ত 67,871গীদমক লুপা করোর 43,000গী অয়াবা পীদুনা লুপা করোর 72,000গী ইনভেস্তমেন্ত মোবিলাইজ তৌখ্রে। মসিগী মথক্তা, বেঙ্কশিংনা ইন্তরেস্ত সবভেন্সনগী ক্লেমশিং অসি হেন্না থুনা সেত্তল তৌগনি হায়না মাংজৌননা লৌবা য়াই।

শ্রী শিবরাজ সিংহ চৌহান্না হায়খি মদুদি ওতোমেতেদ সিস্তেম অসিনা পোর্তেলগী খুত্থাংদা ইলিজিবল ওইবা ইন্তরেস্ত সবভেন্সনগী চপ চাবা কেলকুলেসন তৌবদা মতেং পাংগনি। মসিনা মেন্যুএল প্রোসেসিংদা মীওইবগী অশোয়বা লৈহন্দবা ঙমগনি অমসুং ক্লেমশিং অসি খোঙজেল য়াংনা সেত্তল তৌবদা মতেং পাংগনি। পোর্তেল অসি বেঙ্কশিং, DA&FWগী সেন্ত্রেল প্রোজেক্ত মেনেজমেন্ত য়ুনিৎ (CPMU) অমসুং NABARDনা শীজিন্নগনি। ইন্তরেস্ত সবভেন্সন ক্লেম অমসুং ক্রেদিৎ গেরেন্তী ফি ক্লেম প্রোসেসিং ওতোমেসন তৌবনা সরকারদা অচুম্বা ইন্তরেস্ত সবভেন্সন পীবদা মতেং পাংগনি। মসিনা তর্ন-অরাউন্তকী মতম হন্থহল্লগনি। মসিনা লৌমীশিং অমসুং লৌউ-শিংউগী ওন্তপ্রিনোশিংদা শেলগী মতেং পাংগনি অমসুং লৈবাক অসিদা লৌউ-শিংউগী চাউখৎ থৌরাংগীদমক অসিগুম্বা প্রোজেক্ত কয়া পায়খৎনবা পুক্নিং থৌগৎকনি।

কেন্দ্রগী মন্ত্রী শ্রী শিবরাজ সিংহ চৌহান্না লৈবাক শিনবা থুংনা লৈরিবা লৌমীশিংগী এক্সপরিয়েন্স, ইনসাইৎ অমসুং মাই পাকপগী ৱারীশিংবু মপাঙ্গল কনখৎহন্নবা হোৎনরিবা ভারতকী লৌমীশিংগী ভোইস উৎনবা দিজিতেল প্লেৎফোর্ম অমা ওইনা থবক তৌনবা পান্দম থম্লিবা ব্লোগসাইত, কৃশি কথাসু হৌদোকখ্রে।

শ্রী শিবরাজ সিংহ চৌহান্না হায়খি মদুদি ভারতকী লৌউ-শিংউগী পাক চাউবা অমসুং দাইভর্স লেন্দস্কেপ অসিদা লৌমীশিংগী ভোইস অমসুং ৱারীশিং অসি অয়াম্বা মতমদা উবা ফংদে। মহৈ-মরোং খুদিংমক্কী, লম খুদিংমক্কী, অমসুং লৌরোক মতুংদা, রেসিলিয়েন্স, অৱাবা, শীংনবশিং অমসুং মাইপাকপগী ৱারী অমা লৈ। "কৃশি কথা"না ভারতকী লৌউ-শিংউগী কম্ম্যুনিতীগী ৱারোলশিং শন্দোক্না তাকপা অমসুং অচৌবা স্তোরী তেল্লিং স্পেস অমা পীনবা পান্দম থম্লি।

কেন্দ্রগী মন্ত্রীনা হায়খি মদুদি কৃশি কথা হৌদোকপা অসি ঐখোয়গী লৌমীশিংগী ভোইস খঙহন্নবা অমসুং মপাঙ্গল কনখৎহন্নবা মরুওইবা খোঙথাং অমনি। মখোয়গী রেসিলিয়েন্স অমসুং ইন্নোভেসনগী ৱারীশিং অসি ঐখোয়গী লৌউ-শিংউগী সেক্তরগী য়ুম্ফমনি হায়না মহাক্না অকনবা ৱাফম থমখি অমসুং মসিগী প্লেৎফোর্ম অসিনা অতোপ্পশিংদা ইথিল পীরগনি হায়না থাজবা ফোদোকখি। থৌরাং অসিগী পান্দমশিং অসিনা লৌমীশিংদা এৱের্নেস হনগৎহনবা, লৌশিং ‌একচেঞ্জ তৌবদা মতেং পাংগনি, চুংশিন্নবা হেনগৎহল্লগনি অমসুং লৌমীশিংবু মপাঙ্গল কনখৎহল্লগনি।

লৌমীশিংনা লৌউ-শিংউগী অনৌবা পাম্বৈশিং মতৌ করম্না শীজিন্নবগে অমসুং মখোয়গী লৌউ-শিংউগী থবকশিংদা মতেং পাংনবা সরকারগী তোঙান তোঙানবা স্কিমশিংদগী কান্নবা করম্না ফংবগে হায়বদু কৃশি কথাদা শন্দোক্না তাক্লি। মসিনা ভারতকী লৌমীশিংগী ৱারীশিং উৎনবা অমসুং লৌউ-শিংউগী শিনফম অসিদা চাউথোকচবা পোকহন্নবা অমসুং লৌমীশিংগী মরক্তা রেসিলিয়েন্স হেনগৎহন্নবা পান্দম থম্লি। শম্না হায়রবদা, মসিনা ভারতকী লৌউ-শিংউ অমসুং লৌমীশিংবু থাগৎনবা প্লেৎফোর্ম অমা পীরি।

এগ্রিকলচর ইনফ্রাস্ত্রকচর ফন্দ স্কিম অসি 2020দা হৌদোকখিবনি। মসিগী পান্দমদি মাং-তাকপা হন্থহন্নবা লৌরোক মতুংগী মেনেজমেন্ত ইনফ্রাস্ত্রকচর শেমগৎপা, লৌমীশিংদা হেন্না ফবা ভেল্যু ফংহনবা, এগ্রিকলচরদা ইন্নোভেসন পুরকপা অমসুং এগ্রিকলচর ইনফ্রাস্ত্রকচর শেমগৎপদা ইনভেস্তমেন্ত লাকহনবা অদুগা বেঙ্ক অমসুং ফাইনান্সিএল ইন্সতিত্যুসনশিংগী খুত্থাংদা 2025-26 ফাওবদা লুপা করোর লাখ 1গী ফন্দিং পীগনি। স্কিম অসিনা বেঙ্কশিংনা পীবা লুপা করোর 2 ফাওবগী লোনশিংগী বেনিফিসরীশিংদা চহি 7গী মেক্সিমম ওইবা মতমগীদমক 3%গী ওইবা শেন্দোই হন্থহন্নবা অমসুং বেঙ্কশিংনা শেল থাদবা ক্রেদিৎ গেরেন্তী ফীগী শেনফম হন্দোক্নবা থৌরাং তৌরি।

*******