মুসুরিদা লৈবা নেসনেল সেন্তর ফোর গুদ গবর্নান্স (এন.সি.জি.জি.)না কেম্বোদিয়াগী সিভিএল সর্ভেন্তস্লহিংগী পব্লিক পোলিসী অমসুং গবর্নান্সকী মতাংদা ৫শুবা কেপাসিতী বিল্দিং প্রোগ্রাম ঙসিদগী হৌখ্রে। চয়োল অনি পাঙথোক্কদবা প্রোগ্রাম অসি মপান থৌরম পুবা মন্ত্রালয় (এম.ই.এ.)গা খুৎশম্নদুনা জুন ২৪দগী জুলাই ৫, ২০২৪ ফাওবদা পাঙথোক্কনি। প্রোগ্রাম অসিদা কিংদম ওব কেম্বোদিয়াগী সিভিল সর্ভিস অমসুং সেনেত মন্ত্রালয়দগী জোইন্ত সেক্রেতরী, দিরেক্তর, দিপুতী সেক্রেতরী অমসুং অন্দর সেক্রেতরী য়াওনা সিভিল সর্ভেন্ত ৪০ না শরুক য়ারি। প্রোগ্রাম অসিনা পোলিসী দাইলোগগী ফম্বাক অমা পীরি অমসুং খ্বাইদগী ফবা চৎনপথাপশিং লান্থোক্নবা, শরুক য়ারিবশিংদা ইন্সতিত্যুসনেল ত্রান্সফোর্মেসন অমসুং সিতিএন এঙ্গেজমেন্তকী মরুওইবা হীরমশিং খঙহনবদা মতেং ওইগনি।

হৌদোকপগী থৌরম অদু শ্রী ভি শ্রীনিভাস, দিরেক্তর জেনরেল (দি.জি.) নেসনেল সেন্তর ফোর গুদ গবর্নান্স (এন.সি.জি.জি.) অমসুং সেক্রেতরী দিপার্ত্মেন্ত ওব এদমিনিস্ত্রেতিব রিফোর্ম অমসুং পব্লিক গ্রিভান্স (দি.এ.আর.পি.জি.), ভারত সরকারনা ময়াই তাংবল লৌদুনা তেক্নোলোজীনা মীয়াম্বু লৈঙাক্কা হেন্না নকশিন্নহল্লকপা অমসুং মনুং মপান ফাওনা উবা হেলহল্লকপগী মতাংদা লান্থোকখি। ভারতকী পোলিসী "মিনিমম গবর্নমেন্ত এন্দ মেক্সিমম গবর্নান্স"না মীয়াম্বু তেক্নোলোজী শীজিন্নহন্দুনা লৈঙাক্কা হেন্না নকশিন্নবা হোৎনরি, অমসুং মসিনা দিজিতেলনা শক্তি পীরবা মীয়াম অমসুং দিজিতেলনা অহোংবা পুরক্লবা ইন্সতিত্যুসনশিং শেমগৎলি। সি.পি.জি.আর.এ.এম.এস.কী খুদম, এ.আই.না শক্তি পীবা মীয়ামগী ৱাকত তাফম ভারতকী পোর্তেলসু লান্থোকখি।

শ্রী মাম ফৌয়ুক, দিপুতী দিরেক্তর জেনরেল, সিভিল সর্ভিস মন্ত্রালয় অমসুং কেম্বোদিয়াগী দেলিগেতকী মকোকনা ভারত সরকারবু খুদোংচাবা অসিগীদমক থাগৎপা ফোঙদোকচখি। মহাক্না হায়খি মদুদি ত্রেনিং প্রোগ্রাম অসিনা কেপাসিতী শাগৎপা হেনগৎহনবদা নত্তনা লৈবাক অনিগী ৱারীসু হেনগৎকনি অমসুং ভারত অমসুং কেম্বোইয়াগী মরী হেন্না ফগৎহনগনি।

দা. বি.এস. বিশ্ত, এসোসিএত প্রোফেসর, এন.সি.জি.জি. অমসুং প্রোগ্রামসিগী কোর্স কোওর্দিনেতরনা নেসনেল সেন্তর ফোর গুদ গবর্নান্সকী মতাংদা অমসুং এন.সি.জি.জি.না চহি খরা অসিদা পুরকখিবা মশক থোকপশিং শুগাইনা ৱারোল থমখি। হেন্না শন্দোক্না তাক্লদুনা মহাক্না পান্দম, থবক থৌরমশিং, মায় পাকপা, এন.সি.জি.জি.গী তুংগী থৌরাং অমসুং মসিনা সেন্তর ফোর এক্সিলেন্স অমা ওইনা করম্না হৌরকপগে হায়বগী মতাংদা ফোঙদোকখি। অহানবা চয়োলদা, ত্রেনিং অসিনা পব্লিক পোলিসী অমসুং মেনেজমেন্ত, জি.ই.এমঃ গবর্নমেন্তকী পোৎলমশিং লৈবা মতমদা হেন্না মনুং মপান ফাওনা উহনবা, ইন্দিয়ন কন্সতিত্যুসনেল স্কিম, ইন্দিয়া-কেম্বোদিয়া রিলেসন্স, পব্লিক-প্রাইবেত পার্তনরশিপ ইন ইনফ্রাস্ত্রকচর, আধারবু গুদ গবর্নান্সকী খুৎলাই অমা ওইনা শীজিন্নবা, হকশেলগী গবর্নান্স, গবর্নান্সতা পার্লিয়ামেন্তরী দিভাইসশিংগী শাফু, তোঙান-তোঙানবা চাউখৎ থৌরাংগী স্কিমশিংদগী খ্বাইদগী ফবা থবকশিং, ২০২৩ ফাওবদা এস.দি.জি. ফংনবা হোৎনবা, ভিক্সি ভারতঃ ইন্দস্ত্রী অমসুং ইনফ্রাস্ত্রকচরদা পোলিসী অমসুং দিবেলপমেন্ত, ফাইনান্সিএল ইঙ্কলুসজন, গবর্নান্সকী হোংলক্লিবা মশকশিং, ভারত্তা সিভিল সর্ভিস, সর্ভিসশিং য়ুম্থোংদা ফংহনবা, ই-গবর্নান্স অমসুং দিজিতেল পব্লিক সর্ভিস দেলিভরী, জেন্দর দিবেলপমেন্ত, অমসুং এদমিনিস্ত্রেসন্দা ইথিক্স য়াওনা অতৈ কয়াগী মতাংদা লৈবা হীরমশিংদা মীৎয়েং থমগনি। প্রোগ্রাম অসিগী অনিশুবা তাংকক্তা, স্মার্ত সিতী প্রোজেক্ত অমসুং আই.তি.দি.এ. দেহরাদুন্দা চৎতুনা য়েংবা, গৌতম বুদ্ধ নাগরগী দিস্ত্রিক্ত এদমিনিস্ত্রেসন, উত্তর প্রদেশ, য়ুনিয়ন পব্লিক সর্ভিস কম্মিসন অমসুং ইন্দিয়ন পার্লিয়ামেন্ততা চৎকনি। প্রোগ্রাম অসিনা লৈবাক পি.এম. সঙ্গ্রহলায়, বুদ্ধ লাইশঙ অমসুং তাজ মহলদা চৎপা মতমদা লৈবাক অসিগী পুৱারী অমসুং নাৎশিং তাকপা ঙমগনি।

মসিমসু পনবা য়াই মদুদি এন.সি.জি.জি.না লৈবাক ১৭ হায়বদি, বঙ্গলাদেশ, কেন্যা, তাঞ্জানিয়া, তুনিসিয়া, সিসিলি, গেম্বিয়া, মালদিবস, শ্রী লঙ্কা, অফঘানিস্তান, লাওস, ভিএত্নাম, নেপাল, ভুতান, ম্যান্মার, ইথিপিয়া, এরেত্রিয়া অমসুং কেম্বোদিয়াগী সিভিএল সর্ভেন্তশিংদসু ত্রেনিং পীখ্রে।

দা. হিমানশি রাস্তোগী, এন.সি.জি.জি.গী এসোসিএত প্রোফেসরনা থাগৎ ৱাহৈ থমখি। প্রোগ্রাম অসি দা. বি.এস. সিশ্ত, কোর্স কোওর্দিনেতরনা দা. সঞ্জিব শর্ম, কো-কোর্স কোওর্দিনেতর, শ্রী ব্রিজেশ বিশ্ত, ত্রেনিং এসিস্তেন্ত, শ্রীমতি মোনিশা বহুগুনা, য়োং প্রোফেসনেল অমসুং এন.সি.জি.জি.গী কেপাসিতে বিল্দিং কাংবুগা লোইননা পাঙথোক্কনি।

*****