চহি খুদিংগী জুন ২৬পু "দ্রগ এব্যুজ অমসুং ইলিসিত ত্রাফিক্কিংগী মাইয়োক্তা লৈবা অন্তর্জাতিগী নুমিৎ হায়না পালন তৌরি। দ্রগ এব্যুজ অমসুং ইলিসিত ত্রাফিক্কিংগী অন্তর্জাতিগী নুমিৎ অসিদা দিপার্ত্মেন্ত ওব সোসিএল জস্তিস অমসুং এম্পাৱরমেন্তনা ঙসি (জুন ২৬, ২০২৪) অসিদা নৈ দিল্লীগী ১৫ জনপথতা লৈবা দা. অম্বেদকর ইন্তর্নেসনেল সেন্তরদা দা. বিরেন্দ্র কুমার ঐচ.এম.এস.জে.ই., এম.ও.এস.এস. (এস.জে.ই.), অমসুং দিপার্ত্মেন্ত অসিগী মকোক থোংবা ওফিসরশিংগা লোইননা থৌরম অমা পাঙথোকখি।

মমাংদা, মন্ত্রালয় অসিনা ২০.০৬.২০২৪ দগী ২৬.০৬.২০২৪ ফাওবা দ্রগ এব্যুজ অমসুং ইলিসিত ত্রাফিক্কিংগী মাইয়োক্তা লৈবা অন্তর্জাতিগী নুমিৎ অসিবু পালন তৌনবা ওনলাইন এক্তিবিতীশিং চয়োল অমা পাঙথোক্তুনা লাক্লি। মদুদা য়াওখিবা থৌরম খরা হায়রবদি এসে ইবগী চাংদম্নবা, য়োগা পাঙথোকপা, মেদিতেসন অমসুং মাইন্দফুলনেস পাঙথোক্তুনা নিশা য়াওদবা পুন্সি মহিং অমা শেমগৎনবা, খ্বাইদগী ফবা থবকশিং এন.এম.বি.এ.গী মখাদা পাঙথোকপা, দ্রগ ফ্রী কেম্পেনগীদমক য়ুনিভর্সিতীগী মহৈরোই কয়াগা খুৎশম্নবা, লিদিং ফ্রোম মার্জিনঃ ময়াই কাবা নিশা য়াওদ্রবা ভারত অমগীদমক নুপীশিংনা লৌগদবা থৌদাং অসিনচিংবশিং য়াওরি।

হায়রিবা থৌরমশিং অসিগা লোইননা, দিপার্ত্মেন্ত ওব সোসিএল জস্তিস অমসুং এম্পাৱরমেন্তনা লৈবাক শীনবা থুংববু জন অন্দোলন অমা ওইনা অভিয়ান য়ৌহন্নবা হোৎনগনি। লৈবাক অসিদা লৈরিবা রাজ্য/য়ু.তি.শিং অমসুং দি.সি./দি.এম.শিংদা রেলী, নাৎকী ওইবা থৌরমশিং, সেমিনারশিং, ৱার্কশোপশিং পাঙথোক্নবা অমসুং সোসিএল মীদিয়া য়াওনা মীদিয়াশিংদা পাক শন্না পব্লিসিতী চৎতুনা নিশাগী মাইয়োক্তা লেপমিন্ননবা রাজ্য অমসুং জিলাগী থাক্তা পাঙথোক্নবা খঙহনখি।

মসিগী মথক্তা, নেসনেল ইন্সতিত্যুত ওব সোসিএল দিফেন্স (এন.আই.এস.দি.), মন্ত্রালয় অসিগী মখাদা লৈবা ওতোনোমস বোদী অসিনা জুন ২৪ দগীনা ২৮, ২০২৪ ফাওবা লাইব ক্বিজ, মীয়াম ভাপ তাহন্নবা থৌরমশিং, অখঙ অহৈশিং, লনাই মীওই অমসুং অশোকপা নংলবা মীওইশিংগী ইমুং মনুংগা খন্ননৈনবা, অসিনচিংবা কয়া দ্রগ এব্যুজ অমসুং ইলিসিত ত্রাফিক্কিংগী মাইয়োক্তা লৈবা অন্তর্জাতিগী নুমিৎ থৌরম পালনগীদমক পাঙথোকখি।

থৌরম অসিবু হেন্না চুশিন্ননা পাঙথোক্নবগীদমক মন্ত্রালয় অসিগী এন.এ.পি.দি.দি.আর.গী মখাদা লৈবা এন.জি.ও./ভি.ও.শিংনসু শপথ, লাই য়েকপগী চাংদম্নবা, এসে চাংদম্নবা, উ থাবা, নকদ নতক চাংদম্নবা, ইন্দোর গেম কম্পিতিসন, মরাথোন/ৱাল্কথোন/সাইকল/বাইক রেলী কয়া এন.এম.বি.এ.গী মখাদা জুন ২০-২৬, ২০২৪ ফাওবা পাঙথোক্লি।

নশা মুক্ত ভারত অভিয়ান (এন.এম.বি.এ.)

মন্ত্রালয় অসিনা চাউরবা নশা মুক্ত ভারত অভিয়ান (এন.এম.বি.এ.) হৌদোকখি অমসুং হৌজিক হৌজিক লৈবাক অসিগী জিল্লা খুদিংদা নহাশিংগী মরক্তা ময়াই কাবা নিশা লাইচুবনা ওইহল্লকপা ফত্তবশিং খঙহন্নবা, মরুওইনা হায়র এজুকেসন ইন্সতিত্যুৎশিং, য়ুনিভর্সিতী কেম্পসশিং, স্কুল অমসুং খুন্নাইদা চৎতুনা অভিয়ান অসিগী মতাংদা মীৎয়েং চঙলি।

এন.এম.বি.এ.গী মায় পাকপশিং:

• হৌজিক ফাওবদা, তোঙান তোঙানবা থবক থৌরম কয়াগা লোইননা, মীওই করোর ১১+ হেনববু নিশা শীজিন্নবগী মতাংদা ভাপ তাহনখ্রে, মসিদা নহা করোর ৩.৫০+ অমসুং নুপী করোর ২.৩২+ য়াওরি।
• এজুকেসনেল ইন্সতিত্যুসন লাখ ৩.৩৫ না শরুক য়াবনা অভিয়ান অসি অঙাংশিং অমসুং লৈবাক অসিগী নহা কয়াদা য়ৌরে হায়বা তাক্লি।
• মাস্তর ভোলুন্তীয়র (এম.ভি.) ৮০০০+গী মপাঙ্গল কল্লবা ফোর্সপু মশক খঙদোক্তুনা ত্রেনিং পীখ্রে।
• অভিয়ান অসিগী ওফিসিএল সোসিএল মীদিয়া একাউন্তশিংদগী ত্বিত্তর, ফেসবুক অমসুং ইন্সতাগ্রামদা ভাপ তাহন্নবা থাগৎলি।
•  এন.এম.বি.এ. মোবাইল এপ্লিকেসন শেমগৎতুনা এন.এম.বি.এ.গী থবক থৌরমশিংগী দেতা খোমগৎনবা হোৎনরি অমসুং এন.এম.বি.এ. দেসবোর্দতা জিল্লা, রাজ্য অমসুং নেসনেলগী থাক্তা থাগৎলি।
• এন.এম.বি.এ. ৱেবসাইত (http://nmba.dosje.gov.in)না য়ুজরশিংদা দিস্কসন ফোরম, এন.এম.বি.এ. দেসবোর্দ, ইপ্লেজ অমা ওইরিবা অভিয়ান অসিগী মতাংদা অকুপ্পা মরোল অমসুং ইন্সাইতশিং পীরি।
• নেসনেল ওনলাইন প্লেজ অমনা দ্রগ ফ্রী ওইহন্নবগীদমক এজুকেসনেল ইন্সতিত্যুসন ৯৯,৫৯৫ না দ্রগ ফ্রী ওইনবা ৱাশকখি।
• 'নশা সে অজাদি – জাতিগী নহাশিং অমসুং মহৈরোইশিংগী ৱারী ৱাতাইওগী থৌরম', 'নয়া ভারত, নশা মুক্ত ভারত', এন.এম.বি.এ.গা এন.সি.সি.গা  ইন্তরেক্সন'গুম্বা থৌরমশিং নহাশিং অমসুং অতৈ স্তেকহোল্দরশিংগা শম্ননবা পাঙথোক্লি।
• স্পিরিচুএল/সোসিএল সর্ভিস ওর্গানাইজেসন হায়বদি দি আর্ত ওব লিভিং, ব্রহ্ম কুমারিস, সান্ত নিরঙ্করি মিসন, রাম চন্দ্র মিসন (দাজি), ইস্কোন অমসুং ওল ৱার্ল্দ গায়ত্রি পরিবারগা য়ানচেরোল খুৎয়েক পীনদুনা এন.এম.বি.এ. শৌগৎনবা অমসুং পাক শন্না মীয়াম ভাপ তাহন্নবা হোৎনমিন্নগনি।
• তেক্নোলোজী অমসুং সোসিএল মীদিয়াশিং অভিয়ান অসিগী পাউজেলশিং ওনলাইন্দা ফেসবুক, ত্বিত্তর অমসুং ইন্সতাগ্রাম হেন্দলশিং শেমদুনা নুমিত খুদিংগী থাগৎলি।
• এন্দ্রোইদতা য়ুম্ফম ওইবা মোবাইল এপ্লিকেসন অমাদিস্ত্রিক অমসুং মাস্তর ভোলুন্তীয়রশিংনা পায়খৎলিবা থবশিং মতম চানা য়েংশিন্নবা অমসুং দেতা লৌখৎনবা শারে। হায়রিবা এপ অসি গুগল প্লে স্তোরদা ফংলি।
• দি-এদিক্সন ফেসিলিতী খুদিংমক মীয়ামদা লায়না ফংহন্নবা জিও তেগ তৌগনি।

সোসিএল জস্তিস অমসুং এম্পাৱরমেন্ত মন্ত্রালয় অসি লৈবাক অসিদা দ্রগ দিমান্দ হন্থহন্নবা নোদাল এজেন্সী অমা ওইরি, মসিনা নিশা থিংবগী থবক, থোক্লিবা খুদোংচাদবশিং য়েংশিনবা, ঙাকথোক্নবা থবক পায়খৎপা, লায়েংবা অমসুং শীজিন্নরিবশিং হান্নবগী পুন্সিদা হঞ্জিলহনবা, ঈপাউ থাদোকপগী মরুওইবা থৌদাং খুদিংমক লৌরি।

নিশা লান্না শীজিন্নবা হায়বসি সমশ্যা অমনি, মসিনা লৈবাক অসিগী খুনাইগী চৎনলোন্দা কায়হল্লি। নিশা অমহেক্তদা লাইচুবা হায়বসিনা লনাই মীওইদুগী হকশেলদা কায়হনবদা নত্তনা মখোয়গী ইমুং মনুংদসু কায়হল্লি অমসুং খুনাইদসু কায়হল্লি। সাইকোএক্তিব ওইবা পোৎলমশিং চাং নাইনা শীজিন্নবনা মীওই অদু মদু য়াওদনা হিংবা ঙমহন্দে। করিগুম্বা কম্পাউন্দ খরদি এক্সিদেন্ত, সুইসাইদ অমসুং য়ৈখাই থিনগাইবা, ন্যুরো সাইকিয়াত্রিক দিসওর্দর, কার্দিওভাস্কুলারগী লায়নাশিং পোকহল্লি। মরম অসিনা নিশা শিজিন্নবা হায়বসি সাইকো-সোসিএল-মেদিকেল প্রোব্লেম অমনি হায়না য়েংগদবনি।

***