جل شکتی کی وزارت نے آبی وسائل، دریا کے فروغ  اور گنگا کے احیاء  (ڈی او ڈبلیو آر ) کے تحت قومی آبی مشن (این ڈبلیو ایم ) کے محکمے نے  آج نئی دلّی میں مرکزی نوڈل افسران (سی این اوز) اور تکنیکی افسران ( ٹی اوز ) کے لیے ‘جل شکتی ابھیان: کیچ دی رین – 2024 ’ (جے ایس اے : سی ٹی آر 2024 ) کے تحت  ایک ورکشاپ-کم-اورینٹیشن پروگرام کا اہتمام کیا۔  یہ افسران مہم کے موثر نفاذ کو یقینی بنانے کے لیے 151 اضلاع کا دورہ کریں گے ، جن پر توجہ مرکوز کی گئی ہے ۔ مذکورہ تقریب میں جل شکتی کے مرکزی وزیر جناب سی آر پاٹل اور جل شکتی کے وزیر مملکت ڈاکٹر راج بھوشن چودھری نے شرکت کی۔

سی این او اور ٹی او  پر مشتمل ایک مرکزی ٹیم  مختص کئے گئے اضلاع کے دو دورے کرے گی۔ ورکشاپ میں اضلاع کے دورے پر آئے عہدیداروں کے رول اور ذمہ داریوں  کو اجاگر کیا گیا ۔  جے ایس اے : سی ٹی آر – 2024  مہم  9 مارچ ، 2024 ء  سے  30 نومبر ، 2024 ء  تک ملک کے تمام اضلاع (دیہی اور شہری علاقوں) میں ‘ناری شکتی سے جل شکتی ’ کے موضوع  کے ساتھ نافذ کی جا رہی ہے تاکہ پانی کے تحفظ   کے ذریعے خواتین کے اہم کردار کو اجاگر کیا جا سکے۔

اس پروگرام میں موجود لوگوں سے خطاب کرتے ہوئے ، جناب پاٹل نے پانی کے شعبے میں جل شکتی کی  وزارت کی کوششوں کی ستائش کی۔ انہوں نے پانی کی مجموعی مانگ کو پورا کرنے کے لیے اقدامات کو تیز کرنے پر زور دیا۔ انہوں نے سورت میونسپل کارپوریشن کی بھی مثال دی اور پائیدار جنگلات کے نفاذ کے ساتھ ساتھ صنعتوں کو سستے داموں پر قابل استعمال پانی کی فراہمی کے لیے کی گئی اس کی کوششوں کا  بارے میں بھی بتایا ۔ وزیر  موصوف نے پانی کے شعبے میں کام کرنے والی رضا کار تنظیموں کی شمولیت پر زور دیا تاکہ جل شکتی کی وزارت کی طرف سے شروع کی گئی/چلائی جانے والی مختلف اسکیموں کو  ، بالخصوص  دیہی علاقوں میں مؤثر طور سے نافذ کیا جا سکے ۔ جناب پاٹل نے عمل پر مبنی پالیسی اور منصوبہ بندی کے ذریعے پانی کے محفوظ مستقبل کے لیے اپنے عزم کا یقین دلایا۔ انہوں نے عام لوگوں سمیت ہر ایک کے لیے پانی سے متعلق مسائل اور مواصلات کے سبھی ذرائع بشمول سوشل میڈیا پلیٹ فارمز کے ذریعے وزارت  کو تجاویز بھیجنے کا ایک راستہ بھی کھول دیا ہے ۔

اپنے افتتاحی خطاب میں پینے کے پانی اور صفائی ستھرائی کے محکمے میں سکریٹری محترمہ وینی مہاجن نے ، اس میں شرکت  کرنے والی  وزارتوں/محکموں اور ریاستی سرکاری ایجنسیوں کے ذریعے ‘ حکومت  کے مکمل نقطہ نظر’  پر عمل کرنے پر زور دیا۔ انہوں نے بارش کے پانی کو ذخیرہ کرنے کے ڈھانچے کی تنصیب کو بڑھانے کے لیے شہری حکام کے ساتھ ساتھ دیہی ایجنسیوں کے ساتھ کام کرنے پر بھی زور دیا۔ اپنے خطاب  میں انہوں نے  مزید کہا کہ ہمارے پانی کا بنیادی ذریعہ بارش کا پانی ہے  ، اس لیے ہمارے آبی ذخائر کو زیادہ سے زیادہ بارش کا پانی حاصل کرنے کے لیے تیار رہنا چاہیے۔ بارش کہاں اور کب  ہوتی ہے  ، اس کو ذخیرہ کرنے کی تمام کوششیں کی جانی چاہئیں۔

اختتامی اجلاس میں  آبی وسائل، دریا  کے فروغ اور گنگا کے احیاء کے محکمے  میں سکریٹری محترمہ دیباشری مکھرجی نے  کہا  کہ جاری سال میں طویل گرمی کی لہر کا ملک میں آبی تحفظ پر منفی اثر پڑا ہے، جسے آبی ذخائر، تالابوں، زیر زمین پانی، آبی ذخائر وغیرہ میں پانی کے ذخیرے کو مؤثر طریقے سے بڑھا کر کم کیا جا سکتا ہے۔  جل شکتی ابھیان: کیچ دی رین  مہم ، بارش کے پانی کو ذخیرہ کرنے کے ڈھانچے وغیرہ کو صاف کرکے پانی کے ذخیرے کو بڑھانے کے چیلنج سے نمٹنے کے لیے تیار ہونے کا ایک مؤثر ذریعہ ہو سکتا ہے۔  مہم کی کامیابی ، بنیادی طور پر اس بات پر منحصر ہے کہ ضلع حکام کی مہم کے موثر نفاذ کے لیے حوصلہ افزائی کی جائے اور  انہیں تحریک دی جائے ۔ انہوں نے زور دے کر کہا  کہ ہمیں مقامی سول سوسائٹی کی تنظیموں اور ضلع حکام کو بھی اس مہم کو عملی جامہ پہنانے کے لیے ایک مشترکہ پلیٹ فارم پر یکجا کرنے کی ضرورت ہے۔ مقامی میڈیا کا استعمال ، مہم کے فوائد کو مؤثر طریقے سے پھیلانے کا ایک اور وسیلہ ہو سکتا ہے۔ مرکزی ٹیمیں اپنے احاطے میں بارش کے پانی کو ذخیرہ کرنے کے ڈھانچے کی تخلیق کے ساتھ آنگن واڑی مرکزوں ، اسکولوں وغیرہ میں اس کے صد فیصد  نفاذ کا اندازہ لگا سکتی ہیں۔ انہوں نے مزید کہا کہ ٹیمیں آبی ذخائر کی جیو ٹیگنگ مکمل کرنے کے لیے ضلع حکام  پر بھی زور ڈال سکتی ہیں۔

اس تقریب میں مختلف اہم موضوعات/معاملات پر پریزنٹیشنز  پیش کی  گئیں ،  جس میں ‘دی ڈسٹرکٹ واٹر باڈی اٹلس ’  شامل ہے، جو کہ نیشنل واٹر انفارمیٹکس سنٹر (این ڈبلیو  آئی سی ) کے ذریعے  بھارت میں پانی کے تحفظ اور پائیدار کوششوں کے لیے اہم ہے؛ نیشنل انسٹی ٹیوٹ آف ہائیڈرولوجی کے ذریعہ ‘اسپرنگ شیڈ مینجمنٹ’ پر پریزنٹیشن ہمارے موسم بہار کے ماحولیاتی نظام کے تحفظ اور انتظام کی اہمیت کو اجاگر کرتی ہے۔  ‘بارش کے پانی کو ذخیرہ کرنے کے ڈھانچے بشمول غیر استعمال شدہ  بور ویلز’  نے سنٹرل گراؤنڈ واٹر بورڈ (سی جی ڈبلیو بی ) نے بارش کے پانی کو ذخیرہ کرنے کی موثر تکنیکوں کے ذریعے پانی کی دستیابی کو بڑھانے کے لیے عملی حل پیش کیے اور پینے کے پانی اور صفائی ستھرائی کے محکمے جل جیون مشن کے ڈائریکٹر کے ذریعے جل جیون مشن پر پریزنٹیشن پیش کی گئی اور پنشن پانے والے افراد کی فلاح و بہبود کے  محکمے کے ڈائریکٹر جناب پرمود کمار ، جو پچھلے برسوں کی جے ایس اے : سی ٹی آر  مہم کے دوران  سی این او  تھے ، نے اپنے  تجربات سے آگاہ کیا  ۔

........................................................................................................

) ش ح – ش م -  ع ا )

U.No. 7793