এম.আই.তি-এ.দি.তি য়ুনিভর্সিতিদা পাংথোকপা ৬শুবা নেসনেল কনভেন্সন ওফ বিগ্যান ভারতি(ভিভা) দা ৱা ঙাংবদা য়ুনিয়ন মিনিস্তর দোক্তর জিতেন্দ্র সিংহনা হায়খি ঐখোয়গী স্পেকত্রম অমসুং ঐখোয়গী মীওই কাংলুপ অসি মালেমগী অতৈশিংদগী তোখায়বা মরম্না, ভারতকী খুদোংচাদবশিংগী ভারতকী পাম্বৈশিং লৈগনি অমসুং ভারতকী অনৌবা থবকশিংগী ভারতকী দেতা লৈগনি।

থৌরম অদুদা ৱা ঙাংবদা সাইন্স অমসুং তেক্নোলোজিগী রাজ্য মন্ত্রী(মনিংতম্বা), আর্থ সাইন্সেসকী রাজ্য মন্ত্রী(মনিংতম্বা), পি.এম.ও, এতোমিক ইনর্জি, স্পেস, পর্সোনেল, পব্লিক গ্রিভান্সেস অমসুং পেন্সন্সকী রাজ্য মন্ত্রী দোক্তর জিতেন্দ্র সিংহনা হায়খি মহাক্না মতম কয়াগী মমাঙদগী হৌজিক ফাওবা ভিভাগী কনভেন্সন শরুক য়াদুনা লাক্লি। মসি শ্বাদেসি ৱাখল্লোনগা লোয়না শ্বাদেসি সাইন্সকী অকনবা ইহৌ অমনি অমসুং ভারতকী থৌনাগা লোয়ননা সাইন্তিফিক তেম্পর লৈহন্নবা হোৎনবনি।

য়ুনিয়ন মিনিস্তরনা হায়খি ১৯৮০গী মতমদগী বিগ্যান ভারতিগী খোঙচৎ হৌরকখি অমসুং সাইন্ততা থাজবা থম্বশিং খোঙচৎ অসিদা শরুক য়ারকখি। ২০০৭ দা ভিভা নেহরু এৱার্দ ফংখি অমসুং মনা অদু মতম অদুগী প্রধান মন্ত্রী দোক্তর মনমোহন সিংহনা পীখি অমসুং মসি রাজনিতিগী ৱাফমশিংদগী তোখাইনা থমদুনা মসিনা সাইন্সকী লমদা থবক তৌবগী খুদম অমনি।

দোক্তর জিতেন্দ্র সিংহ, মশামক শক্নাইরবা দাইবেতোলোজিস্ত অমা ওইনা, ঐখোয়গী লৈবাক অসিদা সেন্ত্রেল ওবেসিতি, ভাইসসেরেল ওবেসিতি হেনগৎলক্লিবা অমসুং মসিনা থম্মোয়গী লায়না, হায়পর তেন্সনগুম্বা লায়নশিং লাক্নবগী অচৌবা মরম অমা ওইরিবা অসি পনখি। মহাক্না হায়খি ভারতগী মীওইশিং অসি তোঙাল্লি, ঐখোয়গী দি.এন.এ অসি মালেমগী অতৈদগী তোঙাল্লি, মরম অদুনা লায়র খরদি ভারত্তা হেন্না থেংনৈ। পুম্নমক অসি থেংননবা ঐখোয়না অপুনবা অমসুং অচুম্বা থৌরাং অমা দরকার ওই অমসুং ঐখোয়গী মমাংঙৈগী লৌশিং অমসুং অনৌবা মেদিসিন পুনশিনবা দরকার ওই।

মহাক্না হায়খি মমাংঙৈদগী লৈরক্লবা লৌশিং অসি ঐখোয়গী অখন্নবা লন্নি। অরিবা অমসুং অনৌবা মালেম অনিমক্কী খ্বাইদগী ফবশিং লৌশিন্নবা সাইন্স অমসুং তেক্নোলোজি দিপার্তমেন্তনা ‘ত্রেদিসনেল নোলেজ দিজিতেল লাইব্রেরি’ থবক হৌরে। মীয়াম্না নোংপোকলোমগী মেদিসিনদা অরানবা ৱাখল লৈরম্বা অদু কোবিদ মনুংদা মখোয়গী ৱাখল্লোন হোংলে। চাউখৎলবা লৈবাকশিংগী মীওইশিং কোবিদ লাইচৎ মনুংদা মঙোন্দা অয়ুর্বেদিক লায়য়েংগী মতাংদা হংলকখি।

দোক্তর জিতেন্দ্র সিংহনা হায়খি হৌখিবা চহি ১০ অসিদা লৈবাক অসি সাইন্স অমসুং তেক্নোলোজিগী লমদা য়াম্না চাউখৎলে। ২০১৪ দগী প্রধান মন্ত্রী মোদীগী মখাদা, ঐখোয় মতেং মতিক চানা ফংখি অমসুং অফবা পাউতাকশিং মতম পুম্নমক্তা তরাম্না ওকখি। চাউখৎলবা লৈবাকশিংনা ভারতনা মাঙজিল থাবা লৈবাক অমা ওইরকপদা অয়াবা পীরে।

Photo

য়ুনিয়ন মিনিস্তরনা হায়খি মালেমগী থাকশিং য়ৌবা ঙম্বগা লোয়ননা লৈবাক অসিগী মশাগী থাক কয়া ভারতনা শেমগৎলে। লৈবাক অসিদা ২০১৪দা স্তার্দঅপ ৩৫০ লৈরম্বদগী ২০২৪ দা স্তার্দঅপ লাখ ১.৫ রোম লৈরে। হৌজিক ভারত মালেমগী স্তার্দঅপশিংগী লমদা অহুমশুবদা লৈরে। গ্লোবেল ইন্নোবেসন ইন্দেক্সতা ২০১৪ দা ৮১শুবা পোজিসন্দা লৈরম্বদগী হৌজিক ৪০শুবা মফমদা লৈরে। সাইন্সতা পি.ঐচ.দি মশিং খ্বাইদগী য়াম্না পুথোকপদা ঐখোয় অহুমশুবদা লৈরি।

ভারতকী ইনাকখুল্লবা সমুদ্রগী লন-থুমশিং অমসুং কিমি ৭৫০০ শাংবা সমুদ্র খোঙবালগী মতাংদা য়ুনিয়ন মিনিস্তরনা হায়খি দিপ সি মিসন্না ভারতনা ব্লু ইকোনোমিদা খ্বাইদগী চাউবা মতেং পাংগনি হায়বগী থাজবা থম্লি অমসুং মসিদা ঙাগী পোৎথোকশিং খ্বাইদগী য়াম্না মপান্দা থাদোকপা ঙমহনগনি। ভারতকী স্পেস সেক্তরদা লনাই কাংবুশিং শরুক য়াবা য়াহল্লে। ২০২২দা ঐখোয়গী স্পেস স্তার্দঅপ অমা খক লৈরমখি অমসুং হৌজিক ২০২৪দা ঐখোয়গী স্তার্দঅপ ২০০ লৈরে।

এরোমা মিসনগীদমক দোক্তর সেখর মান্দে থাগৎপা ফোঙদোক্লদুনা মহাক্না হায়খি গ্রেজুয়েত ফাওবা লোইদ্রিবা এগ্রিপ্রেনিউয়রশিংনা এরোমা মিসন্দা লুপা লাখ কয়া তানবা ঙম্লে। পুম্নমক অসি প্রধান মন্ত্রী মোদীগী লমজিং মখাদা ওইথোকপনি অমসুং ভারত্তা সাইন্তিফিক ওইবা থবকশিংগী লমদা অৱাৎপা অমতা লৈতে।

দোক্তর জিতেন্দ্র সিংহনা হায়খি সাইন্সকী মহৈরোয়শিং ওইনা খুদমগা লোয়ননা ৱা ঙাংনবা ঐখোয়না তম্বীরে অমসুং ভারতকী ওইবা থবকশিংদা ঐখোয়না থম্লিবা থাজবা অসি শুপ্নগী ঐখোয়গী লৈবাক্কী চাউথোকচবা খক নত্তে , মসি সাইন্তিফিক রিছার্সতা য়ুম্ফম ওইবনি। অপুনবা থবকশিংগা লোয়ননা পব্লিক-প্রাইভেত সেক্তরশিংগা পুনশিনগদবনি অমসুং নাত অমসুং শেন-থুমগী থবকশিংদা মতেং পাংগদবনি। সাইন্স চাউখৎহনবদা বিগ্যান ভারতিনা মখা তানা মরুওইবা থৌদাং অমা লৌরি।

থৌরম অদুদা দি.আর.দি.ওগী হান্নগী চিয়ারমেন দোক্তর সাথিস রেদ্দি; হান্নগী প্রসিদেন্ত দোক্তর বিজয়  ভাতকর; ভিভাগী প্রসিদেন্ত দোক্তর সেখর মান্দে, অধ্যক্ষ রামাকৃষ্ণ মথ পুনেগী শ্বামী শ্রীকান্তনন্দা, এম.আই.তি পুনেগী প্রসিদেন্ত প্রোফেসার বিশ্বানাথ শরুক য়াখি।

****