ঙসি নিউ দিল্লিদা ফাইনান্স অমসুং কোর্পোরেত এফেয়ার্সগী য়ুনিয়ন মিনিস্তর শ্রীমতি নিরমালা সিতারমন্না লুচিংদুনা রাজ্যশিং/য়ু.তিশিং(লেজিসলেচরশিংগা লোয়ননা)গী ফাইনান্স মিনিস্তরশিংগা বজেত মমাঙগী খন্ন-নৈনবা পাংথোকখ্রে।

মীফম অদুদা ফাইনান্সকী রাজ্য মন্ত্রী শ্রী পঙ্কজ চৌধুরি, গৱা, মেঘালয়, মিজোরম, নাগালেন্দ অমসুং সিক্কিমগী চীফ মিনিস্তরশিং, বিহার, মধ্য প্রদেস, ওরিসা, রাজস্থান অমসুং তেলঙ্গানাগী দিপুতি চীফ মিনিস্তরশিং, রাজ্যগী ফাইনান্স মিনিস্তরশিং অমসুং রাজ্যশিং/য়ু.তিশিং(লেজিসলেচরশিংগা লোয়ননা) অমসুং কেন্দ্র সরকারগী সেনিয়ার ওফিসারশিং শরুক য়াখি।

ফাইনান্স সেক্রেতরিনা মীফম অদুদা শরুক য়াখিবশিং তরাম্না ওকখি। মিনিস্তর অয়াম্বনা ভারত সরকারগী “স্কিম ফোর স্পিসিএল এসিস্তেন্স তু স্তেৎস ফোর কেপিতেল ইনভেস্তমেন্ত” তরাম্না ওকখি অমসুং মখা তানা ফগৎহন্নবা পাউতাকশিং পীখি। শেনবা চহি ২০২৪-২৫গী কেন্দ্রগী বজেত্তা য়াওহন্নবা ৱাফমশিং অমসুং রাজ্য খরগী অকক্নবা ৱাফমশিং য়াওনা মরুওইবা পাউতাক কয়া শরুক য়াখিবশিংনা য়ুনিয়ন ফাইনান্স মিনিস্তরদা পীখি।

মহাক্কী ৱারোলদা, য়ুনিয়ন ফাইনান্স মিনিস্তরনা হায়খি কেন্দ্র সরকারনা শৌগৎদুনা রাজ্যশিংদা মতম চানা পীফম থোকপা তেক্সগী চাকথুং, ফাইনান্স কম্মিসনগী গ্রান্তশিং অমসুং জি.এস.তিগী এরিয়ারশিং চাউখৎপা হেনগৎনবা পীথোক্লি। “স্কিম ফোর স্পিসিএল এসিস্তেন্স তু স্তেৎস ফোর কেপিতেল ইনভেস্তমেন্ত”গ মতাংদা য়ুনিয়ন ফাইনান্স মিনিস্তরনা হায়খি লোন অয়াম্বা পুনশিন্দ্রে, মসি রাজ্যশিংনা পায়খৎলিবা মীয়াম য়াইফনবা থবকশিংগা শম্নহল্লে অমসুং হায়রিবা লোনশিং অসি লৌনবা দরকার ওইবশিং মপুং ফাহন্নবা রাজ্যশিংদা হায়জরি।

মখোয়গী মরুওইবা পাউতাকশিংগীদমক য়ুনিয়ন ফাইনান্স মিনিস্তরনা মীফমদা শরুক য়াখিবশিং থাগৎপা ফোঙদোকখি অমসুং য়ুনিয়ন বজেত ২০২৪-২৫ গী শেম-শাবা মতমদা কেন্দ্র সরকারনা খন্নফম থোকপশিং খন্নগনি হায়না মখোয়দা থাজবা পীখি।

****