ঙসি রাস্ত্রপতি ভাবন্দা বাংলাদেসকী প্রধান মন্ত্রী সৈখ হসিননা ভারতকী রাস্ত্রপতি শ্রীমতি দ্রৌপতি মুর্মু উনখ্রে।

প্রধান মন্ত্রী সেখ হসিনা তরাম্না ওক্লদুনা, রাস্ত্রপতিনা হায়খি অনৌবা সরকার ৱাশক লৌবগী থৌরমগী নুমিৎ খরগী মতুংদা মহাক্কা অমুক উনবা অসিদা হরাওই। চাং নাইনা উনবা অসিনা ১৯৭১ গী বাংলাদেস নিংতম্বা লালদগী হৌখিবা মতেং পাংনবা অমসুং মরুপ-মপাং ওইবগী থৌনা অদুগী মমি তারে। 

রাস্ত্রপতিনা হায়খি প্রধান মন্ত্রী সেখ হসিনাগী লমজিং মখাদা, বাংলাদেসকী শেন-থুমগী ফিবম শিংথাবা য়ানা ফগৎলকপা অসিদা হরাওই। তোঙান-তোঙানবা হিরমশিংদা মতেং পাংনবা মপাঙ্গল কনখৎহন্নবা ভারত অমসুং বাংলাদেস মাংলোমদা য়াংনা চঙশিল্লি অমসুং অনৌবা হিরম কয়াদা মতেং পাংনরি। মসিনা ভারত-বাংলাদেস মরীগী তুংগী লম্বী শেমগনি।

হরাও-তয়াম্না ৱারি শানবা মনুংদা, শেন-থুমগী মরীশিং, চাউখৎ-থৌরাংগী মতেং পাংনবা, ঙাক-শেনগী মতেং পাংনবা, ইনর্জি সেকুরিতি অমসুং চৎথোক-চৎশিন য়াওনা হিরম কয়াদা পুন্না থবক তৌমিন্নবা হেনগৎহনবা হায়না লুচিংবশিংনা য়ানখি।

জুন ৯,২০২৪ দা অনৌবা সরকার শেম্লবা মতুংদা ভারতনা লৈঙাক্কী থাক্তা অতিথি তরাম্না ওকপা অসি মসিনা অহানবনি।

***