عوامی جمہوریہ بنگلہ دیش کی وزیر اعظم عزت مآب شیخ حسینہ نے آج راشٹرپتی بھون میں صدر جمہوریہ ہند محترمہ دروپدی مرمو سے ملاقات کی۔

وزیراعظم شیخ حسینہ کا خیرمقدم کرتے ہوئے صدر جمہوریہ نے کہا کہ وہ نئی حکومت کی حلف برداری کی تقریب کے چند روز بعد ان سے دوبارہ مل کر بہت خوش ہیں۔ انھوں نے کہا کہ یہ باقاعدہ ملاقاتیں دوستی اور تعاون کے پائیدار جذبے کی عکاس ہیں، جن کا آغاز 1971 کی بنگلہ دیش کی آزادی کی جنگ کے سفر سے ہوا تھا۔

صدر جمہوریہ نے اس بات پر مسرت کا اظہار کیا کہ وزیر اعظم شیخ حسینہ کی قیادت میں بنگلہ دیش نے نمایاں اقتصادی ترقی کی ہے۔

صدر جمہوریہ نے کہا کہ بھارت اور بنگلہ دیش مختلف شعبوں میں اپنے تعاون کو مضبوط بنانے کے لیے تیزی سے آگے بڑھ رہے ہیں اور نئے شعبوں میں بھی داخل ہو رہے ہیں۔ انھوں نے اس اعتماد کا اظہار کیا کہ اس سے بھارت اور بنگلہ دیش کے تعلقات کے مستقبل کا خاکہ تیار ہوگا۔

گرم جوش اور خوشگوار بات چیت کے دوران دونوں رہنماؤں نے اقتصادی تعلقات، ترقیاتی شراکت داری، دفاعی تعاون، توانائی کے تحفظ اور رابطہ کاری سمیت تمام شعبوں میں تعلقات کو فروغ دینے کے لیے مل کر کام کرنے پر اتفاق کیا۔

9 جون 2024 کو نئی حکومت کی تشکیل کے بعد یہ بھارت کا پہلا سرکاری دورہ ہے۔

***

(ش ح – ع ا – ع ر)

U. No. 7751