شہری ہوا بازی کے مرکزی وزیر جناب کنجراپو  رام موہن نائیڈو نے آج راجیو گاندھی بھون، نئی دلی میں یوگ کے دسویں  بین الاقوامی یوگ  دن کی تقریب میں شرکت کی ۔  اس تقریب میں شہری ہوابازی کے سکریٹری جناب ووملن منگ ولنم، شہری ہوابازی کی سیکورٹی کے بیورو کے ڈائرکٹر جنرل جناب ذوالفقار حسن، ایرپورٹ اتھارٹی آف انڈیا کے چیئرمین جناب سنجیو کمار اور وزارت کے دیگر سینئر افسران نے بھی شرکت کی ۔

شرکا سے اپنے خطاب کے دوران، جناب  نائیڈو نے کہا، ‘‘یوگ  ایک متوازن سرگرمی ہے جو دماغ اور جسم کو ہم آہنگ کرتی ہے، سوچ کو عمل سے منسلک کرتی ہے، اور ذاتی کمال کو قائم کرتی ہے ۔  جسمانی، ذہنی اور روحانی پہلوؤں کو یکجا کر کے، یوگ  صحت اور تندرستی کے لیے ایک جامع راہ ہموار کرتا ہے اور ہماری تیز رفتار زندگی میں امن کا ایک انتہائی ضروری وسیلہ ہے ۔

مرکزی وزیر نے یوگ  کو بین الاقوامی یوگ  کے دن کے طور پر  منانے کی وزیر اعظم کی کوشش کی ستائش کی ۔  انہوں نے مزید کہا کہ یوگ  ہندوستانی ثقافت سے منسلک ایک ایسا قیمتی ورثہ ہے جس کی شہرت اب بیرونی ممالک تک پھیل چکی ہے ۔  یوگ  نہ صرف ہندوستان میں بلکہ پوری دنیا میں کافی مقبول ہوچکا ہے ۔  بھارت کے وزیر اعظم جناب نریندر مودی کی پہل کے نتیجے میں،  یوگ کا بین الاقوامی دن 2015 سے ہر سال 21 جون کو منایا جاتا ہے ۔  یہ نہایت  فخر کی بات ہے کہ آج ہم یہاں یوگ کا دسواں بین الاقوامی یوگ  دن منانے کے لیے جمع ہوئے ہیں۔  

موجودہ دور میں ہم سب یوگ  کی اہمیت سے بخوبی واقف ہیں ۔  یوگ  کی اس اہمیت کو ظاہر کرتے ہوئے، ہر سال یوگ   کے دن کے لیے ایک خاص  موضوع  کا انتخاب کیا جاتا ہے ۔  اس سال،  یوگ کے دسویں بین الاقوامی  دن  کا موضوع ‘‘خود کے  اور معاشرے کے لیے یوگ’’ ہے جو اس قدیم نظم و ضبط کی اہمیت کو پوری طرح سے ظاہر کرتا ہے ۔  یوگ  صرف ذاتی بہبود کے بارے میں نہیں ہے ۔  یہ اندرونی اور بیرونی دنیا کے درمیان تعلق کو بھی فروغ دیتا ہے ۔

*****

ش ح   ۔  ش م  ۔  ت ح

U. No.7680