2024গী জুন 20দা EPFOগী প্রোবিজিনেল পেরোল দেতা ফোঙখিবদা EPFOনা 2024গী এপ্রিল থাদা নেৎ মেম্বর লাখ 18.92 হাপখি। থা অসিগী মনুংদা হাপখিবা অসি এপ্রিল 2018দা অহানবা পেরোল দেতা ফোংখ্রবা মতুংদগী খ্বাইদগী ৱাংবা ওইরি। মমাংগী থা মার্চ 2024গা চাংদম্নবদা চৎলিবা থা অসিদা নেৎ মেম্বর এদিসনদা 31.29% হেনগৎলকগী রেজিস্তর তৌখ্রে।

ইয়র-ওন-ইয়র এনালাইসিস্না 2023গী এপ্রিলগা চাংদম্নবদা নেৎকী মেম্বর এদিসনদা 10% হেনগৎলকপা উবা ফংখি। মেম্বর ওইবগী মশিং অসি হেনগৎলকপা অসিনা মরম ওইদুনা থবক ফংবগী খুদোংচাবশিং হেনগৎলকপা, ইমপ্লোয়ী বেনিফিৎশিংগী মতাংদা হেন্না খঙবা হেনগৎলকপা অমসুং EPFOগী আউতরিচ প্রোগ্রামশিংগী কান্নবা হেনগৎলকপা অসিনচিংবা য়াওনা মখল কয়াগী মরম ওইদুনা ওইরকপনি।

দেতা অসিনা তাক্লি মদুদি এপ্রিল 2024গী মনুংদা চাউরাক্না অনৌবা মেম্বর লাখ 8.87না এনরোল তৌখি। দেতা অসিগী মশক থোকপা এস্পেক্ত অমা হায়রগদি এপ্রিল 2024দা অপুনবা অনৌবা মেম্বরগী চাদা 55.50 ওইরিবা চহি 18-25গী কাংলুপ অসিনা দোমিনেৎ তৌরি। মসি মমাংগী ত্রেন্দগা চুনৈ, মসিনা তাক্লি মদুদি ওর্গানাইজ তৌরবা শিন্মীশিংদা য়াওরিবা মীওই অয়াম্বদি নহাশিংনি, মরুওইনা অহানবা ওইনা থবক থিরিবা মীওইশিংনি।

EPFO দগী চাউরাক্না মেম্বর লাখ 14.53না তোকখি অমসুং মতুং তারকপদা অমুক হন্না EPFOদা য়াওখি হায়না পে-রোল দেতা অসিনা উৎলি। মশিং অসি মমাংগী থা মার্চ 2024গা চাংদম্নবদা চাদা 23.15 হেনগৎলক্লি তাক্লি। মেম্বরশিং অসিনা মখোয়গী থবক হোংদোকখি অমসুং EPFOগী মখাদা লৈবা এস্তাব্লিসমেন্তশিংদা অমুক হন্না য়াওখি অমসুং ফাইনেল সেতলমেন্তকীদমক্তা এপ্লাই তৌবগী মহুত্তা মখোয়গী এক্যুমুলেসনশিং ত্রান্সফর তৌনবা খনখি। মসিনা লোং-তর্ম ফাইনান্সিএল ৱেল-বিং ঙাক্লি অমসুং মখোয়গী সোসিএল সেক্যুরিতী প্রোতেক্সন হেনগৎহনখি।

পেরোল দেতাগী জেন্দর-ৱাইস এনালাইসিসনা উৎখি মদুদি অনৌবা মেম্বর লাখ 8.87গী মনুংদা লাখ 2.49রোমদি অনৌবা নুপী মেম্বরশিং ওইখি। অমসুং অপুনবা নুপী মেম্বরগী এদিসন অসি থা  অসিদা লাখ 3.91 রোম ওইদুনা মার্চ 2024গী মমাং থাগা চাংদম্নবদা চাউরাক্না 35.06% হেনগৎক্লি তাক্লি। নুপী মেম্বর হাপচিল্লকপা অসিনা হেন্না ইনক্লুসিব অমসুং দাইভর্স ৱার্কফোর্স অমগী মাইকৈদা চাউনা অহোংবা লাক্লি তাক্লি।

পেরোল দেতাগী স্তেৎ-ৱাইস এনালাইসিসনা উৎখি মদুদি নেৎ মেম্বর এদিসন অসি মহারাস্ত্র, কর্নাতকা, তমিল নাদু, গুজরাত অমসুং হরিয়ানা, রাজ্য/UT 5দা খ্বাইদগী ৱাংখি। রাজ্যশিং অসিনা নেৎ মেম্বর এদিসনগী 58.30%রোম শরুক তমদুনা থা অসিগী মনুংদা নেৎ মেম্বরগী অপুনবা লাখ 11.03 ওইহল্লি। রাজ্য পুম্নমক্কী মরক্তা মহারাস্ত্রনা থা অসিদা নেৎ মেম্বর 20.42% হাপচিন্দুনা মাংজিল থাখি।

ইন্দস্ত্রী-ৱাইস দেতা মন্থ-ওন-মন্থ ওইনা চাংদম্নবনা এক্সপর্ত সর্ভিসেস, ত্রেদিং – কম্মর্সিএল এস্তাব্লিশমেন্তশিং, ইলেক্ত্রিকেল, মেকানিকেল নত্ত্রগা জেন ইঞ্জিনীয়রিং প্রদক্তশিং, ইঞ্জিনীয়রশিং – কন্ত্রেক্তরশিং, স্কুল, বিল্দিং অমসুং কনস্ত্রক্সন ইন্দস্ত্রী, য়ুনিভর্সিতী, কোলেজ, স্কুলনচিংবা ইন্দস্ত্রীশিংগী এস্তাব্লিশমেন্তশিংদা থবক তৌবা মেম্বরশিংদা চাউনা গ্রোথ লৈখি। অপুনবা নেৎ মেম্বরশিপকী মনুংদা 41.41%রোমদি এক্সপর্ত সর্ভিসেস্তগী ওইখি (মেনপাৱর সপ্লায়রশিং, নোর্মেল কন্ত্রেক্তরশিং, সেক্যুরিতী সর্ভিসেস, অতৈ এক্তিবিতীশিং য়াওরগা)।

মথংক্কী পেরোল দেতা অসি প্রোভিজনেলনি মরমদি দেতা জেনরেসন অসি লেপ্পা লৈতবা থৌওং অমনি, এমপ্লোয়ী রেকোর্দ অপদেৎ তৌবা অসি লেপ্পা লৈতবা থৌওং অমা ওই। মমাংগী দেতা অসি থা খুদিংমক্কী অপদেৎ তৌই। এপ্রিল-2018গী থাদগী EPFOনা সেপ্তেম্বর 2017দগী হৌরগা পেরোল দেতা ফোঙদুনা লাকখি। থাগী পেরোল দেতাদা আধার ভেলিদেতেদ য়ুনিভর্সেল একাউন্ত নম্বর (UAN)গী খুত্থাংদা অহানবা ওইনা EPFO য়ৌরকপা মেম্বরশিংগী মশিং, EPFOগী কবরেজতগী হান্নগী লৈরিবা মেম্বরশিং, অমসুং মেম্বর ওইনা নৌনা অমুক য়াওরকখিবশিং অসি নেৎ মন্থলী পেরোলদা য়াওহল্লি।

*****