ঙসি ভারতকী রাস্ত্রপতি শ্রীমতি দ্রৌপতি মুর্মু নিউ দিল্লিদা লৈবা পন্দিৎ দিনদয়াল উপধ্যায় নেসনেল ইন্সতিতুৎ ফোর পর্সন্স ৱিত ফিজিকেল দিসএবিলিতিস(দিবয়াংজন) দা চৎখ্রে অমসুং মহাক্না দিবয়াং অঙাংশিং অমসুং মহৈরোয়শিংগা লৈমিন্নখি অমসুং মখোয়গী নাতকী থৌরম অমা য়েংখি। মহাক্না নৌনা শেমগৎলবা প্রোসথেসিস অমসুং ওর্থোসিস সেন্তরদা চৎখি অমসুং অনাবশিংগা ৱারি শানখি।

থৌরম অদুদা রাস্ত্রপতিনা হায়খি, লৈবাক অদুগী মীয়াম নত্ত্রগা খুন্নাইনা দিবয়াংজনশিংগী মফমদা উৎলিবা অদুনা লৈবাক অমা নত্ত্রগা খুন্নাই অমগী চাউখৎপা অদু খঙবা ঙমগনি। মীগী অৱাবা খঙবা অমসুং পুন্না হিংমিন্নবা হায়বসি ঐখোয়গী নাত অমসুং সভেত্যগী থাদোক্নবা য়াদ্রবা শরুকশিংনি।

রাস্ত্রপতিনা হায়খি ঐখোয়গী থবকশিং অসিনা খুদিংমক কোনশিল্লবা অমসুং দিবয়াংজনশিংগী দরকার ওইবশিং ফংহনবা ঙম্লবদি হকচাংগী ফিবম অমতনা চুম্নবগী পুন্সি অমা হিংবদা অপনবা পীবা ওইথোক্লোই। মখোয়গী হৈথোই-শিংথোইবনা মরম ওইদুনা দিবয়াংজনশিং হিরম খুদিংমক্তা অনৌবা থাকশিংদা মাইপাকপা ঙম্লে। দিপা মালিক, অরুনিমা সিনহা অমসুং  এভানি লেখারাগুম্বা শান্নরোয়শিং অমসুং কে.এস রঞ্জনগুম্বা সোসিএল ৱার্করশিং লৈরি। অসিগুম্বা মীওইশিং অসিগী কৎথোকপা অমসুং খাংবা কনবা অসিনা মখল খুদিংমক্কী হকচাংগী ফিবমদা খুদোংচাদবা অসি মায়োক্নবা ঙম্মী হায়বা উৎলি।

হৌখিবা চহি কয়া অসিদা হকচাংগী ফিবমদা খুদোংচাদবা কয়া মায়োক্নরিবা মীওইশিংগী য়াইফনবা পন্দিৎ দিনদয়াল উপধ্যায় নেসনেল ইন্সতিতুৎ ফোর পর্সন্স ৱিত ফিজিকেল দিসএবিলিতিসনা থবক তৌরকপদা রাস্ত্রপতিনা হরাওবা ফোঙদোকখি। দিবয়াংজনশিংগী খুন্নাই-শেন্মিৎলোনগী ফিবম ফগৎহন্নবা ইন্সতিতুৎ অসিনা থবক তৌবগীদমক মহাক্না থাগৎপা ফোঙদোকখি।

*****