ہندوستان کی صدر جمہوریہ، محترمہ دروپدی مرمو نے آج (20 جون 2024) نئی دہلی میں پنڈت دین دیال اپادھیائے نیشنل انسٹی ٹیوٹ برائے جسمانی معذوری کا دورہ کیا، جہاں انہوں نے دیویانگ بچوں اور طلباء کے ساتھ وقت گزارا اور ان کی ثقافتی کارکردگی کا مشاہدہ کیا۔ انھوں نے تجدید شدہ مصنوعی اعضاء اور آرتھوسس سینٹر کا بھی دورہ کیا اور مریضوں سے بات چیت کی۔

اجتماع سے خطاب کرتے ہوئے صدر جمہوریہ نے کہا کہ کسی ملک یا معاشرے کی ترقی کا اندازہ اس ملک یا معاشرے کے لوگوں کی طرف سے دیویانگجن کے تئیں دکھائی جانے والی حساسیت سے لگایا جا سکتا ہے۔ انہوں نے کہا کہ حساسیت اور شمولیت ہماری ثقافت اور تہذیب کے اٹوٹ انگ رہے ہیں۔

صدر جمہوریہ نے کہا کہ کوئی بھی جسمانی حالت معمول کی زندگی گزارنے میں رکاوٹ نہیں بن سکتی جبکہ  ہماری کوششیں دیویانجن کی ضروریات پر مشتمل اور حساس ہوں۔ انھیں یہ جان کر خوشی ہوئی کہ دیویانگجن اپنی مہارت اور ہنر سے ہر شعبے میں نئی ​​بلندیوں کو چھو رہے ہیں۔ انہوں نے دیپا ملک، ارونیما سنہا اور اونی لیکھرا جیسے کھلاڑیوں اور کے ایس راجنا جیسے سماجی کارکنوں کی مثالیں پیش کیں اور کہا کہ ایسے تمام لوگ اس حقیقت کی مثال ہیں کہ لگن اور عزم کے ساتھ انسان ہر قسم کی جسمانی معذوریوں پر قابو پا سکتا ہے۔

صدر جمہوریہ کو یہ جان کر خوشی ہوئی کہ پنڈت دین دیال اپادھیائے نیشنل انسٹی ٹیوٹ فار پرسنز ود فزیکل ڈس ایبلٹیز گزشتہ کئی دہائیوں سے معذور افراد کو بااختیار بنانے کے لیے کام کر رہا ہے۔ انہوں نے دیویانگجن کو سماجی و اقتصادی  طورپربااختیار بنانے کے لیے کام کرنے کے مقصدسے انسٹی ٹیوٹ سے وابستہ تمام لوگوں کی تعریف کی۔

**********

(ش ح۔س ب۔ ع آ)

U: 7621