ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলগী মীফম্না, অনৌবা তর্মিনেল বিল্দিং শাবা, এপ্রোন পাকথোক-চাউথোকপা, রেনৱে শাংদোকপা, পেরালেল তেক্সি ত্রেক অমসুং মরী লৈনবা থবকশিং য়াওনা লাল বহাদুর শাস্ত্রি ইন্তরনেসনেল এয়রপোর্ত শেমগৎনবা এয়রপোর্ত ওথোরিতি ওফ ইন্দিয়া(এ এ আই)না পুখৎলকপা ৱাফম অয়াবা পীখ্রে।

লুপা করোর 2869.65 চঙনা পায়খৎকদৌরিবা প্রোজেক অসিনা হৌজিক এয়রপোর্ত অসি 3.9 মিল্লিয়ন পেসেঞ্জরস পর এনম(এম পি পি এ)গী থবক তৌবা ঙম্লিবা অসিগী মথক্তা 9.9 মিল্লিয়ন পেসেঞ্জরস পর এনমদা হেনগৎহনবা ঙমগনি। লম ইসক্বার মিতর 75,000 অমদা শাগদৌরিবা অনৌবা তর্মিনেল বিল্দিং অসিনা 6 মিল্লিয়ন পেসেঞ্জরস পর এনমগী থবক তৌবা ঙমগনি অমসুং 5000 পিক অৱার পেসেঞ্জরস(পি ঐচ পি) গী থবক তৌবা ঙমগনি। মসি পাক-চাউরবা নাতকী হেরিতেচ লৈরিবা সহর অসিগী শক্তম উৎনবা দিজাইন তৌবনি।

পুখৎলক্লিবা ৱাফম অসিদা রনৱেগী পাক-চাউবা মিতর 4075 x মিতর 45 ওইহনবা অমসুং এয়রক্রাফ 20 খাম্বা চনবা অনৌবা এপ্রোন শাবা য়াওরি। ইনর্জ ফজনা শীজিন্নদুনা, অমোৎপা অমুক হন্না শীজিন্নদুনা, কার্বোন থাদোকপা হন্থহন্দুনা, সোলার ইনর্জি শীজিন্নদুনা অমসুং নুংথিলগী মতমগী মঙাল শীজিন্নদুনা অমসুং থৌরাং তৌবা, শেমগৎপা অমসুং মথৌ পাংথোকপা মতমদা তুংকোইনা চৎনবা য়াবা থবকশিং পাংথোক্তুনা বরানসীগী এয়রপোর্ত অসি মহৌশাগী অকোয়বগী ফিবমদা অকায়বা পীদবা গ্রিন এয়রপোর্ত অমা ওইহন্নবা পান্দম থম্লি।

****