وزیراعظم جناب نریندر مودی کی صدارت میں مرکزی کابینہ نے لال بہادر شاستری بین الاقوامی ہوائی اڈے وارانسی کی ترقی کے لیے ائیرپورٹ اتھارٹی آف انڈیا (اے اے آئی) کی تجویز کو منظوری دے دی جس میں نئی ٹرمینل بلڈنگ کی تعمیر ، اپرن ایکسٹینشن ، رن وے ایکسٹینشن ، متوازی ٹیکسی ٹریک اور متعلقہ کام شامل ہیں۔

ہوائی اڈے کی مسافروں کو سنبھالنے کی صلاحیت کو موجودہ 3.9  ملین مسافر سالانہ (ایم پی پی اے)سے بڑھا کر 9.9  ایم پی پی اے تک بڑھانے کے لیے 2869.65 کروڑ روپے کا تخمینہ لگایا گیا ہے۔ نیو ٹرمینل بلڈنگ ، جو 75،000 مربع میٹر کے رقبے پر محیط ہے ، 6 ایم پی پی اے کی گنجائش اور 5000 پیک آور مسافروں (پی ایچ پی) کو سنبھالنے کے لیے ڈیزائن کیا گیا ہے۔ یہ شہر کے وسیع ثقافتی ورثے کی جھلک پیش کرنے کے لیے ڈیزائن کیا گیا ہے۔

تجویز میں رن وے کو 4075 میٹر بائی  45 میٹر تک بڑھانا اور 20 طیارے پارک کرنے کے لیے ایک نیا اپرن تعمیر کرنا شامل ہے۔ وارانسی ہوائی اڈے کو ایک سبز ہوائی اڈے کے طور پر تیار کیا جائے گا جس کا بنیادی مقصد منصوبہ بندی ، ترقی اور آپریشنل مراحل کے دوران دیگر پائیدار اقدامات کے ساتھ ساتھ توانائی کو بہتر بنانے ، فضلے کی ری سائیکلنگ ، کاربن فٹ پرنٹ میں کمی ، شمسی توانائی کے استعمال ، اور قدرتی دن کی روشنی کو شامل کرنے کے ذریعہ ماحولیاتی استحکام کو یقینی بنانا ہے۔

***

 (ش ح – ع ا – ع ر)

U. No. 7598