وزیر اعظم جناب نریندر مودی 18 جون 2024 کو وارانسی میں 30000 سے زیادہ خود امدادی گروپوں کو کرشی سکھیوں کے طور پر سرٹیفکیٹ دیں گے۔ زراعت میں خواتین کے اہم کردار اور شراکت داری کو محسوس کرتے ہوئے اور دیہی خواتین کی مہارتوں کو مزید بڑھانے کے لیے، وزارت زراعت اور کسانوں کی بہبود اور دیہی ترقی کی وزارت نے  30 اگست 2023 کو ایک مفاہمت نامے پر دستخط کیے۔ کرشی سکھی کنورجنس پروگرام (کے ایس پی سی) اس مفاہمت نامے کے تحت ایک پرجوش اقدام ہے۔ آئیے کرشی سکھیوں کے بارے میں مزید جانیں:-

1. کرشی سکھی کنورجنس پروگرام (کے ایس پی سی) کیا ہے؟

’لکھ پتی دیدی‘ پروگرام کے تحت، مقصد 3 کروڑ لکھ پتی دیدیاں بنانا ہے، جس کی ایک شاخ کرشی سکھی ہے۔ کرشی سکھی کنورجنس پروگرام (کے ایس پی سی) کا مقصد دیہی خواتین کو کرشی سکھی کے طور پر بااختیار بنانے کے ذریعے، کرشی سکھیوں کو پیرا ایکسٹینشن ورکرز کے طور پر تربیت اور سرٹی فیکیشن دے کر دیہی ہندوستان کو تبدیل کرنا ہے۔ یہ سرٹی فیکیشن کورس ’لکھ پتی دیدی‘ پروگرام کے مقاصد کے مطابق ہے۔

2. کرشی سکھیوں کو زرعی پیرا ایکسٹینشن ورکرز کے طور پر کیوں چنا جا رہا ہے؟

کرشی سکھیوں کو زرعی پیرا ایکسٹینشن ورکرز کے طور پر چنا جاتا ہے کیونکہ وہ کمیونٹی  کی ،معتمد باوسائل شخصیات اور خود تجربہ کار کسان ہیں۔ کاشتکاری برادریوں میں ان کی گہری جڑیں اس بات کو یقینی بناتی ہیں کہ ان کا خیرمقدم اور احترام کیا جائے۔

3. کرشی سکھیوں کو کس قسم کی تربیت فراہم کی جا رہی ہے؟

کرشی سکھیوں کو پہلے ہی درج ذیل ماڈیولز پر 56 دنوں تک مختلف توسیعی خدمات پر تربیت دی جا چکی ہے۔

1. زمین کی تیاری سے لے کر کٹائی تک زرعی ماحولیاتی طور طریقے

2. فارمر فیلڈ اسکولوں کا اہتمام کرنا

3. سیڈ بینک + اسٹیبلشمنٹ اور مینجمنٹ

4. مٹی کی زرخیزی، مٹی اور نمی کے تحفظ کے طریقے

5. مربوط کاشتکاری کے نظام

6. مویشی پروری کے مینجمنٹ کی بنیادی باتیں

7. حیاتیاتی خام مواد کی تیاری اور استعمال اور بائیو ان پٹس کی دکانوں کا قیام

8. مواصلات کی بنیادی مہارتیں۔

اب یہ کرشی سکھیاں مینیج کے تعاون سے ڈی اے وائی- این آر ایل ایم ایجنسیوں کے ذریعے قدرتی کاشتکاری اور سوائل ہیلتھ کارڈ پر خصوصی توجہ کے ساتھ ریفریشر ٹریننگ سے گزر رہی ہیں۔

4. تربیت کے بعد کرشی سکھیوں کو روزگار کے کس قسم کے اختیارات دستیاب ہوں گے؟

تربیت کے بعد، کرشی سکھیاں مہارت کے امتحان میں شرکت کریں گی۔ اہل افراد کو پیرا ایکسٹینشن ورکرز کے طور پر سرٹیفکیٹ دیا جائے گا، جس سے وہ مقررہ وسائل کی فیس پر درج ذیل زراعت اور کسانوں کی بہبود کی وزارت کی  اسکیموں کی سرگرمیاں انجام دے سکیں گے۔

کرشی سکھیاں ایک سال میں اوسطاً  60 ہزار سے 80ہزار تک کما سکتی ہیں۔

5. اب تک کتنی کرشی سکھیاں سرٹی فائیڈ ہو چکی ہیں؟

آج تک 70000 میں سے 34000 کرشی سکھیوں کو پیرا ایکسٹینشن ورکرز کے طور پر سرٹی فکیٹ دیا گیا ہے۔

6. اس وقت کن ریاستوں میں کرشی سکھی ٹریننگ پروگرام شروع کیا گیا ہے؟

کرشی سکھی ٹریننگ پروگرام فیز 1 میں 12 ریاستوں: گجرات، تمل ناڈو، اتر پردیش، مدھیہ پردیش، چھتیس گڑھ، کرناٹک، مہاراشٹر، راجستھان، اڈیشہ، جھارکھنڈ، آندھرا پردیش اور میگھالیہ میں شروع کیا گیا ہے ۔

7. کرشی سکھیاں ایم او وی سی ڈی این ای آر اسکیم کے تحت کسانوں کو مدد فراہم کرکے کس طرح روزی روٹی کما رہی ہیں؟

فی الحال ایم او وی سی ڈی این ای آر  (مشن آرگینک ویلیو چین ڈیولپمنٹ فار نارتھ ایسٹرن ریجن) کی اسکیم کے تحت 30 کرشی سکھیاں مقامی ریسورس پرسن (ایل آر پی) کے طور پر ہر مہینے میں ایک بار ہر فارم کا دورہ کر کے فارم کی سرگرمیوں پر نظر رکھنے اور کسانوں کو درپیش چیلنجوں کو سمجھنے کے لیے کام کر رہی ہیں۔ وہ کسانوں کو تربیت دینے، کسانوں کو درپیش چیلنجوں، ایف پی او کے کام اور مارکیٹنگ کی سرگرمیوں اور کسانوں کی ڈائری کو برقرار رکھنے کے لیے ہر ہفتے فارمر انٹرسٹ گروپ (ایف آئی جی) کی سطح کے اجلاس بھی منعقد کرتی ہیں۔ وسائل کی فیس انہیں مذکورہ سرگرمیوں کے لیے 4500 روپے  ماہانہ مل رہی ہے۔

۔۔۔۔۔۔۔۔۔۔۔

ش ح۔ س ب ۔ن ا۔

U- 7515