সিনেমাতিক এক্সিলেন্স তানবগী মশক অমা ১৮শুবা মুম্বাই ইন্তর্নেসনেল ফিল্ম ফেস্তিবেল (এম.আই.এফ.এফ.)তা ভারতকী সিনেমাগী মচু কয়াগী মায়খুম হাংগদৌরি। মমাংদগী হেন্দুনা ৮৪০ থাজিল্লকপগা লোইননা ফেস্তিবেল অসিনা কুপ্না নৈনরবা মতুংদা ফিল্ম ৭৭ খন্দুনা নেসনেল কম্পিতিসন অসিদা অথোই অহেন তান্নগদৌরি। নেসনেল কম্পিতিসনগী মখাদা অথোই অহেন তান্নরিবা ফিল্মশিং অসি ভারত্তা ভারত মচাশিংনা জনুৱারী ১, ২০২২ অমসুং দিসেম্বর ৩১, ২০২৩গী মরক্তা নমখিবশিংনি।

জুন ১৫দগীনা ২১ ফাওবা পাঙথোক্কদৌরিবা চহি অসিগী এম.আই.এফ.এফ. অসিনা ভারতকী সিনেমাবু মাংজিল থাহল্লি। অনৌবা দিরেক্তরশিং অমসুং মহৈরোই ১২ দগী  শক্নাইরবা ফিল্ম ৩০ না অথোই অহেন তান্নরিবশিংগী মরক্তা মফম কল্লি। অনৌবা মায়কৈ অমসুং লীগদবগী ঙাইদুনা লৈরিবা ৱারীশিংগীদমক শেম শাদুনা লৈবীয়ু।

নেসনেল কম্পিতিসনগী মখাদা লৈবা ফিল্মশিংগী মপুং ফাবা লিস্ত অদোম্না মফন অসিদগী ফংবীগনি। https://miff.in/wp-content/uploads/2024/06/National-Competition-MIFF-2024.pdf

নেসনেল কম্পিতিসনগী মখাদা লৈরিবা ফিল্মশিং অসিনা কাংলুপ অহুমগী মখাদা অথোই অহেন তান্নরিঃ

• নেসনেল দোক্যুমেন্তরী কম্পিতিসনঃ কাংলুপ অসিনা ৱাখল খলহনবা ঙম্বা দোক্যুমেন্তরী ৩০ উৎকনি।
• নেসনেল কম্পিতিসনঃ শোর্ত ফিক্সন অমসুং এনিমেসনঃ মসিনা শোর্ত ফিক্সন অমসুং এনিমেসন জোনরাগী ফিল্ম ৪১ গা লোইননা ৱারী লীবগী শক্তি উৎলি।
• নেসনেল কম্পিতিসনঃ ইন্দিয়া ইন অমৃত কালঃ লৈবাক অসিগী তুংলমচৎপু অখন্ননা হায়রিবা থিম অসিদা য়ুম্ফম ওইদুনা অখন্নবা শেম্লবা ফিল্ম তরুক্কী খুত্থাংদা য়েংবীয়ু।

মায় পাক্লবা ফিল্ম অমসুং ফিল্মমেকর (মখাদা পীরিবা)শিংবু ঙাইরিবা তাঙলবা মনাশিং অসিনসু হেন্না মগুন হেনগৎহল্লি, মসিনা এম.আই.এফ.এফ. নেসনেল কম্পিতিসন্দা শরুক য়াবা হায়বসি ইনোৎ হাপ্নিংঙাই ওইবা কুমহৈ অমা ওইহল্লি।

মখাদা মনাশিং শুগাইনা পীরি

নেসনেল কম্পিতিসন মনাঃ

• বেস্ত ইন্দিয়ন দোক্যুমেন্তরী ফিল্মঃ সিলভর কোঞ্চ অমসুং লুপা লাখ ৫গী শেলগী মনা
• বেস্ত ইন্দিয়ন শোর্ত ফিক্সন ফিল্ম (মিনিত ৩০ ফাওবা): সিলভর কোঞ্চ অমা অমসুং লুপা লাখ ৩ গী মনা
• বেস্ত ইন্দিয়ন এনিমেসন ফিল্মঃ সিলভর কোঞ্চ অমা অমসুং লুপা লাখ ৩ গী শেলগী মনা।
• বেস্ত দেব্যু ফিল্ম (স্পোন্সর্দ এৱার্দ): ত্রোফী অমা অমসুং লুপা লাখ ১ গী শেলগী মনা
• বেস্ত স্ত্যুদেন্ত ফিল্ম (স্পোন্সর্দ এৱার্দ): ত্রোফী অমা অমসুং লুপা লাখ ১ গী শেলগী মনা
• 'ইন্দিয়া ইন অমৃত কাল'দা বেস্ত শোর্ত ফিল্মগী স্পেসল এৱার্দ (মিনিত ১৫ ফাওবা): ইন্দিয়ন ফিল্মমেকরখক্তগী, মনা অসিদা ত্রোফী অমা অমসুং লুপা লাখ ১ গী শেলগী মনা।

তেক্নিকেল এৱার্দস (নেসনেল অমসুং ইন্তর্নেসনেল কম্পিতিসন):

• সিনেমাতোগ্রাফীঃ সর্তিফিকেত অমা অমসুং লুপা লাখ ৩ গী শেলগী মনা।
• ইদিতিং: সর্তিফিকেত অমা অমসুং লুপা লাখ ৩ গী শেলগী মনা।
• সাউন্দ দিজাইনঃ সর্তিফিকেত অমা অমসুং লুপা লাখ ৩ গী শেলগী মনা।

অহেনবা রিকগনিসনঃ

এফ.আই.পি.আর.ই.এস.সি.আই. জুরী এৱার্দঃ ইন্তর্নেসনেল ফেদরেসন ওব ফিল্ম ক্রিতিক (এফ.আই.পি.আর.ই.এস.সি.আই.) বু মহুৎ শিন্দুনা অখন্নবা ফিল্ম ক্রিতিক অহুম্না নেসনেল কম্পিতিসনগী দোক্যুমেন্তরী ফিল্ম অমদা মনা অমা পীগনি।

নেসনেল কম্পিতিসনগী জুরী

শক্নাইরবা নেসনেল অমসুং ইন্তর্নেসনেল ফিল্মগী অখন্নবা পেনেল অমনা নেসনেল কম্পিতিসন্দা ময়াই তাংবল লৌগনি। মখোয়গী হৈশিংবা অমসুং খঙ হৈবনা খনবগী থৌওং মতীক চানা পাঙথোক্কনি।

চহি অসিগী নেসনেল কম্পিতিসনগী জুরী মেম্বরশিংদা জর্মন ফিল্ম প্রদ্যুসর এদিলি সীলমন (দাস ৱৈবি রোসচেন, এলিস ওফ দি সিবজেন) ফিল্মমেকর দা. বোবী সর্ম বরুৱা (মিশিং, সোনার বরান পাখি), এনিমেতর মুঞ্জাল শ্রোফ (কৃশ, ত্রিশ, অমসুং বালতিবোই) ফিল্ম প্রদ্যুসর অপুর্বা বশকি (দিল্লী ক্রাইম) অমসুং জর্মন ফিল্মমেকর অন্না হেক্কেল-দোন্নরস্মার্ক য়াওরি।

জুরী অসিনা বেস্ত ইন্দিয়ন দোক্যুমেন্তরী, শোর্ত ফিল্ম, এনিমেসন, বেস্ত দেব্যু ফিল্ম, বেস্ত স্ত্যুদেন্ত ফিল্ম, অমসুং তেক্নিকেল মনাশিং য়াওনা নেসনেল কম্পিতিসনগী মনা লান্থোক্কনি। মখোয়না 'ইন্দিয়া ইন অমৃত কাল'দা বেস্ত শোর্ত ফিল্মগী অখন্নবা মনাগী অথোইবসু খনগনি।

অহেনবা ঈ পাউগীদমক www.miff.in দা লোগ ওন তৌবীয়ু।

***