ভারতকী রাস্ত্রপতি শ্রীমতী দ্রৌপদি মুর্মুনা ঙসি (২০২৪গী জুন ৯) রাস্ত্রপতি ভবনদা পাংথোকপা ভারতকী প্রধান মন্ত্রীগী ৱাশক লৌবগী থৌরমদা শরুক য়াখিবা য়ুমলোন্নবা লৈবাকশিংগী লুচিংবশিংবু ইকায় খুম্নদুনা চাকলেন লাংখ্রে।

চাকলেন অসিদা শরুক য়াখিবা লুচিংবশিংদা শ্রী লঙ্কাগী রাস্ত্রপতি হিজ এক্সিলেন্সী রানিল ৱিক্রমসিংঘে, মালদীবকী রাস্ত্রপতি হিজ এক্সিলেন্সী মোহম্মদ মুইজ্জু, সেচেলেসকী উপ রাস্ত্রপতি হিজ এক্সিলেন্সী অহমদ অফিফ, বঙ্গলাদেশকী প্রধান মন্ত্রী শৈখ হসিনা, মৌরিসসকী প্রধান মন্ত্রী প্রবিন্দ কুমার জগন্নাথ অমসুং শ্রীমতী কোবিতা জগন্নাথ, নেপালগী প্রধান মন্ত্রী পুশপা কমল দহাল প্রাচন্দ্রা অমসুং ভুতানগী প্রধান মন্ত্রী শেরিং তোবগে য়াওরি।

লুচিংবশিংবু তরাম্না ওক্লদুনা রাস্ত্রপতিনা মখোয়বু অনৌবা সরকার ৱাশক লৌবগী থৌরমগীদমক বার্তন লৌবিখিবা অমসুং দেমোক্রেসীগী সেলেব্রেসন অসিদা শরুক য়াবগীদমক থাগৎপা ফোংদোকখি।

মহাক্না হায়খি মদুদি মসিগী মরুওইরবা থৌরম অসিদা মখোয়না শরুক য়াবা অসি ভারতকী ‘নাইবরহুদ ফার্সত’ পোলিসীগী সেন্ত্রেলিতী অমসুং ইন্দিয়ন ওসিন রিজনগীদমক এখোয়গী সাগর ভিজনগী খুদম অমনি। অমনা অমগী চাউখৎ থৌরাং অমসুং য়াইফবদা স্তেকহোল্দরশিং ওইনা, ঐখোয়না ঐখোয়গী নন্কবা মরুপশিং অমসুং য়ুম্লোন্নবশিংদা থাজবা অসি থম্লি মদুদি মখোয়না ঐখোয়গী রিজন অমসুং মসিদগী হেনবা মফমশিংদা শান্তি অমসুং চাউখৎপা থৌগৎনবগীদমক ঐখোয়গা লোয়ননা থবক তৌগনি।   

রাস্ত্রপতিনা প্রধান মন্ত্রী শ্রী নরেন্দ্র মোদীবু লৈবাক মীয়ামগী সেবাদা অৱাংবা থৌদাং লৌবদা মহাক্কী মায় পাক্নবসু ৱিশ তৌখি।

***