ಕಿರುಚಿತ್ರಗಳು, ಸಾಕ್ಷ್ಯಚಿತ್ರಗಳು ಮತ್ತು ಅನಿಮೇಷನ್ ಚಲನಚಿತ್ರಗಳಿಗಾಗಿನ ಮುಂಬೈ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಎಂ ಐ ಎಫ್‌ ಎಫ್‌) ದ 18 ನೇ ಆವೃತ್ತಿಯು ನಾಳೆ ಭವ್ಯ ಉದ್ಘಾಟನೆಗೆ ಸಜ್ಜಾಗುತ್ತಿದೆ, ಇದು ಪ್ರೇಕ್ಷಕರು ಮತ್ತು ಉದ್ಯಮದ ವೃತ್ತಿಪರರನ್ನು ಸಮಾನವಾಗಿ ಸೆರೆಹಿಡಿಯುವ ಸಿನಿಮೀಯ ಸಂಭ್ರಮದ ಪ್ರಾರಂಭವಾಗಿದೆ.

ಭಾಗವಹಿಸುವವರಿಗಾಗಿ ಕಾಯುತ್ತಿರುವ ಶ್ರೀಮಂತ ಅನುಭವದ ಒಂದು ನೋಟ ಮತ್ತು ಚಲನಚಿತ್ರೋತ್ಸವದ ಸರಣಿಯನ್ನು ಪೂರ್ವಭಾವಿ ಪತ್ರಿಕಾಗೋಷ್ಠಿಯಲ್ಲಿ ಅನಾವರಣಗೊಳಿಸಿದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿ ಶ್ರೀ ಸಂಜಯ್ ಜಾಜು, ಇಂತಹ ಉತ್ಸವಗಳನ್ನು ಆಯೋಜಿಸುವ ಸಂಪೂರ್ಣ ಉದ್ದೇಶವು ಸಿನಿಮಾ ಪ್ರಚಾರ ಮಾತ್ರವಲ್ಲ, ಬದಲಿಗೆ ಪ್ರಸಕ್ತ ಮತ್ತು ಸಾಮಾಜಿಕ-ಆರ್ಥಿಕ ಸಮಸ್ಯೆಗಳನ್ನು ಪ್ರತಿಬಿಂಬಿಸಲು ಮತ್ತು ಪರಿಹಾರಗಳ ಕಡೆಗೆ ನೀತಿ ನಿರೂಪಕರಿಗೆ ಮಾರ್ಗದರ್ಶನ ನೀಡುವುದೂ ಆಗಿದೆ ಎಂದು ಹೇಳಿದರು.

ಸಾಕ್ಷ್ಯಚಿತ್ರ ಮತ್ತು ಕಿರುಚಿತ್ರಗಳಿಗೆ ಬೆಳೆಯುತ್ತಿರುವ ಮಾರುಕಟ್ಟೆಯ ಬಗ್ಗೆ ಸುಳಿವು ನೀಡಿದ ಶ್ರೀ ಸಂಜಯ್ ಜಾಜು, ಸಾಕ್ಷ್ಯಚಿತ್ರವು ಜಾಗತಿಕವಾಗಿ 16 ಶತಕೋಟಿ ಅಮೆರಿಕ ಡಾಲರ್ ಮೌಲ್ಯದ ಬೃಹತ್ ಉದ್ಯಮವಾಗಿದೆ. ಇದು ತಿಳಿಸುವ, ಸ್ಫೂರ್ತಿ ನೀಡುವ, ಆತ್ಮಾವಲೋಕನ ಮಾಡುವ ಮತ್ತು ಮನರಂಜನೆಯ ಪ್ರಕಾರದ ಅಗಾಧ ಶಕ್ತಿಯನ್ನು ತೋರಿಸುತ್ತದೆ ಎಂದರು. “ಸಾಕ್ಷ್ಯಚಿತ್ರಗಳ ಹೊರತಾಗಿ ನಾವು ಅನಿಮೇಷನ್ ವಿಭಾಗವನ್ನು ಒಳಗೊಂಡಿರುವ ಅತ್ಯಂತ ಝೇಂಕರಿಸುವ ಮತ್ತು ಕ್ರಿಯಾತ್ಮಕವಾದ ವಿ ಎಫ್‌ ಎಕ್ಸ್ ವಿಭಾಗವನ್ನು ಹೊಂದಿದ್ದೇವೆ. ಇದು ನಮ್ಮ ದೇಶದೊಳಗೆ ಬೃಹತ್ ಆರ್ಥಿಕ ಮತ್ತು ಉದ್ಯೋಗಗಳನ್ನು ಹೊಂದಿರುವ ದೊಡ್ಡ ಉದ್ಯಮವಾಗಿದೆ. ಈ ವಿಭಾಗವು ಈ ವರ್ಷ ಎಂ ಐ ಎಫ್‌ ಎಫ್‌ ನ ಭಾಗವಾಗಿರುವುದು ನಮಗೆ ಸಂತೋಷವಾಗಿದೆ ”ಎಂದು ಅವರು ಹೇಳಿದರು.

ಅನಿಮೇಷನ್ ಮತ್ತು ವಿ ಎಫ್‌ ಎಕ್ಸ್ ಉದ್ಯಮದಲ್ಲಿ ನಮ್ಮ ರಾಷ್ಟ್ರವು ಮಾಡಿದ ಒಳಹರಿವುಗಳನ್ನು ವಿವರಿಸಿದ ಅವರು, ಚೋಟಾ ಭೀಮ್ ಮತ್ತು ಚಾಚಾ ಚೌಧರಿಯಂತಹ ಭಾರತೀಯ ವಿ ಎಫ್‌ ಎಕ್ಸ್ ಪಾತ್ರಗಳು ವಿಶ್ವಪ್ರಸಿದ್ಧವಾಗಿವೆ ಮತ್ತು ಭಾರತೀಯ ಕಥೆಗಳು ಜಾಗತಿಕವಾಗಿ ಪ್ರತಿಧ್ವನಿಸುವ ಶಕ್ತಿಯನ್ನು ಹೊಂದಿರುವುದನ್ನು ಸಾಬೀತುಪಡಿಸಿವೆ ಎಂದರು. "ಅನಿಮೇಷನ್ ಕ್ಷೇತ್ರದಲ್ಲಿ ನಮ್ಮ ದೇಶದೊಳಗೆ ಬೌದ್ಧಿಕ ಗುಣಲಕ್ಷಣಗಳನ್ನು ಸೃಷ್ಟಿಸುವುದು ಒಟ್ಟಾರೆ ಉದ್ದೇಶವಾಗಿದೆ, ನಮ್ಮ ಅನೇಕ ಸಿನಿಮಾ ನಿರ್ಮಾತೃಗಳಿಗೆ ಪ್ರಪಂಚದ ಕಲ್ಪನೆಯನ್ನು ಸೆರೆಹಿಡಿಯುವ ಅಂತಹ ಆಲೋಚನೆಗಳನ್ನು ತರಲು ಇದೊಂದು ಅವಕಾಶವಾಗಿದೆ" ಎಂದು ಅವರು ಒತ್ತಿ ಹೇಳಿದರು.

ಚಿತ್ರದಲ್ಲಿ: ಶ್ರೀ ಸಂಜಯ್ ಜಾಜು, ಕಾರ್ಯದರ್ಶಿ, ವಾರ್ತಾ ಮತ್ತು ಪ್ರಸಾರ ಸಚಿವಾಲಯ ಮುಂಬೈನಲ್ಲಿ ಎಂ ಐ ಎಫ್‌ ಎಫ್‌ ಪೂರ್ವಭಾವಿ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದರು.

ಮುಂದಿನ ಒಂದು ವಾರ, ಎಂ ಐ ಎಫ್‌ ಎಫ್‌ 59 ದೇಶಗಳ 61 ಭಾಷೆಗಳ 314 ಚಲನಚಿತ್ರಗಳು, 8 ವಿಶ್ವ ಪ್ರೀಮಿಯರ್‌ ಗಳು, 5 ಅಂತರರಾಷ್ಟ್ರೀಯ ಪ್ರೀಮಿಯರ್‌ ಗಳು, 18 ಏಷ್ಯಾ ಪ್ರೀಮಿಯರ್‌ ಗಳು ಮತ್ತು 21 ಭಾರತದ ಪ್ರೀಮಿಯರ್‌ ಗಳನ್ನು ಹೊಂದಿರುತ್ತದೆ ಎಂದು ಶ್ರೀ ಸಂಜಯ್ ಜಾಜು ಘೋಷಿಸಿದರು. "ಅರವತ್ತು ದೇಶಗಳು ತಮ್ಮ ಚಲನಚಿತ್ರಗಳು ಮತ್ತು ಇತರ ವಿಷಯಗಳ ಮೂಲಕ ಭಾಗವಹಿಸುತ್ತಿವೆ.” ಎಂದು ಅವರು ಹೇಳಿದರು.

ಉದ್ಘಾಟನಾ ಸಮಾರಂಭದಲ್ಲಿ ಶ್ರೀಲಂಕಾ ಸರ್ಕಾರವು ತಮ್ಮ ಸಾಂಸ್ಕೃತಿಕ ಪರಂಪರೆಯ ಬಗೆಗಿನ ಪ್ರದರ್ಶನವನ್ನು ನೀಡುತ್ತಿದ್ದರೆ, ಅರ್ಜೆಂಟೀನಾ ಸರ್ಕಾರವು ಸಮಾರೋಪ ಸಮಾರಂಭದಲ್ಲಿ ತಮ್ಮ ದೇಶದ ಪ್ರತಿಭೆಯನ್ನು ಪ್ರದರ್ಶಿಸುತ್ತದೆ.

ಎಂ ಐ ಎಫ್‌ ಎಫ್‌ ಕೇವಲ ಭಾರತಕ್ಕೆ ಸಂಬಂಧಿಸಿದ್ದಲ್ಲ. ಇದು ಪ್ರಪಂಚವನ್ನು ಕುರಿತದ್ದಾಗಿದೆ. ಇದು ಪ್ರಪಂಚದಾದ್ಯಂತದ ಚಲನಚಿತ್ರ ನಿರ್ಮಾತೃಗಳಿಗೆ ಅವಕಾಶಗಳನ್ನು ಒದಗಿಸುತ್ತದೆ”ಎಂದು ಅವರು ವಿವರಿಸಿದರು.

ಎಂ ಐ ಎಫ್‌ ಎಫ್‌ ನಲ್ಲಿ ಕೆಲವು ನವೀನ ಉಪಕ್ರಮಗಳನ್ನು ಘೋಷಿಸಿದ ಕಾರ್ಯದರ್ಶಿಯವರು, ಈ ವರ್ಷದ ಉತ್ಸವವು ಮೊಟ್ಟಮೊದಲ ಡಾಕ್ ಫಿಲ್ಮ್ ಬಜಾರ್ ಅನ್ನು ಪರಿಚಯಿಸುತ್ತಿದೆ, ಇದು ಸ್ವತಂತ್ರ ಚಲನಚಿತ್ರ ನಿರ್ಮಾಪಕರು ತಮ್ಮ ಯೋಜನೆಗಳಿಗೆ ಖರೀದಿದಾರರು, ಪ್ರಾಯೋಜಕರು ಮತ್ತು ಸಹಯೋಗಿಗಳನ್ನು ಹುಡುಕಲು ಮೀಸಲಾದ ಮಾರುಕಟ್ಟೆ ಸ್ಥಳವಾಗಿದೆ ಎಂದರು.

ಮೊದಲ ಬಾರಿಗೆ, ಎಂ ಐ ಎಫ್‌ ಎಫ್‌ ಡೇನಿಯಲಾ ವೋಲ್ಕರ್ ನಿರ್ದೇಶನದ "ದಿ ಕಮಾಂಡೆಂಟ್ಸ್ ಶ್ಯಾಡೋ" ಎಂಬ ಮಿಡ್‌ ಫೆಸ್ಟ್ ಚಲನಚಿತ್ರವನ್ನು ಆಯ್ಕೆ ಮಾಡಿದೆ, ಇದು ಉತ್ಸವಕ್ಕೆ ಹೊಸ ಆಯಾಮವನ್ನು ಸೇರಿಸಿದೆ ಎಂದು ಅವರು ಹೇಳಿದರು.

ಒಳಗೊಳ್ಳುವಿಕೆ ಮತ್ತು ಪ್ರವೇಶಿಸುವಿಕೆಗೆ ಮತ್ತಷ್ಟು ಉತ್ತೇಜನವನ್ನು ನೀಡುವ ನಿಟ್ಟಿನಲ್ಲಿ, ಎಂ ಐ ಎಫ್‌ ಎಫ್‌ 2024 ತನ್ನ ಪ್ರದರ್ಶನ ಸ್ಥಳಗಳನ್ನು ಎಲ್ಲರಿಗೂ ಸಂಪೂರ್ಣವಾಗಿ ಪ್ರವೇಶಿಸುವಂತೆ ಮಾಡುತ್ತಿದೆ ಮತ್ತು ಸ್ವಯಂ ಸೇವಾಸಂಸ್ಥೆ  ʼಸ್ವಯಂʼ ಸಹಭಾಗಿತ್ವದಲ್ಲಿ ವಿಕಲಚೇತನ ವ್ಯಕ್ತಿಗಳಿಗಾಗಿ ವಿಶೇಷ ಚಲನಚಿತ್ರಗಳನ್ನು ಪ್ರದರ್ಶಿಸುತ್ತಿದೆ ಎಂದು ಹೇಳಿದರು.

ಎಂ ಐ ಎಫ್‌ ಎಫ್‌ ಪ್ರದರ್ಶನಗಳು ಮತ್ತು ರೆಡ್ ಕಾರ್ಪೆಟ್ ಈವೆಂಟ್‌ ಗಳು ಐದು ನಗರಗಳಲ್ಲಿ - ಮುಂಬೈ, ಕೋಲ್ಕತ್ತಾ, ಚೆನ್ನೈ, ಪುಣೆ ಮತ್ತು ದೆಹಲಿ - ಏಕಕಾಲದಲ್ಲಿ ನಡೆಯುತ್ತಿರುವುದು ಮತ್ತೊಂದು ಪ್ರಥಮವಾಗಿದೆ. ಅಲ್ಲಿ ಪ್ರೇಕ್ಷಕರು ಸಮಾನಾಂತರ ಪ್ರದರ್ಶನಗಳನ್ನು ಆನಂದಿಸಬಹುದು, ವಿಶ್ವದರ್ಜೆಯ ಸಿನಿಮಾದ ಮಾಂತ್ರಿಕತೆಯನ್ನು ಭಾರತದಾದ್ಯಂತದ ಚಲನಚಿತ್ರ ಉತ್ಸಾಹಿಗಳಿಗೆ ನೀಡುತ್ತದೆ.

ಭವಿಷ್ಯದ ಚಲನಚಿತ್ರ ನಿರ್ಮಾಪಕರನ್ನು ಪ್ರೋತ್ಸಾಹಿಸಲು ಸಚಿವಾಲಯದ ಕ್ರಮಗಳನ್ನು ವಿವರಿಸಿದ ಕಾರ್ಯದರ್ಶಿ, ಈ ವರ್ಷ, ಎಫ್‌ ಟಿ ಐ ಐ, ಎಸ್‌ ಆರ್‌ ಎಫ್‌ ಟಿ ಐ ಮತ್ತು ಐಐಎಂಸಿ ಯಂತಹ ಪ್ರಮುಖ ಚಲನಚಿತ್ರ ಸಂಸ್ಥೆಗಳಿಂದ ವಿದ್ಯಾರ್ಥಿಗಳನ್ನು ಆಹ್ವಾನಿಸುವ ಮೂಲಕ ಉತ್ಸವವು ಮಹತ್ವದ ಹೆಜ್ಜೆಯನ್ನು ಇಡುತ್ತಿದೆ ಎಂದು ಹೇಳಿದರು. ಇದು ಅವರಿಗೆ ಉತ್ಸವದಲ್ಲಿ ತೊಡಗಿಸಿಕೊಳ್ಳಲು ಮತ್ತು ಉದ್ಯಮದ ನಾಯಕರು ಮತ್ತು ನೆಟ್‌ವರ್ಕ್‌ ನಿಂದ ಕಲಿಯಲು ಅವಕಾಶವನ್ನು ಒದಗಿಸುತ್ತದೆ ಎಂದು ಹೇಳಿದರು. “ಉತ್ಸವವು ಉದಯೋನ್ಮುಖ ಚಲನಚಿತ್ರ ನಿರ್ಮಾತೃಗಳು ಪರಸ್ಪರವಾಗಿ ಮತ್ತು ಈಗಾಗಲೇ ಗುರುತಿಸಿಕೊಂಡಿರುವವರು ಹಾಗೂ ಮಾಸ್ಟರ್‌ ಗಳು, ತಜ್ಞರು ಮತ್ತು ಪ್ರಸಿದ್ಧರಿಂದ ಕಲಿಯಲು ಅನುವು ಮಾಡಿಕೊಡುತ್ತದೆ. ಎಂ ಐ ಎಫ್‌ ಎಫ್‌ ಅನೇಕ ಶ್ರೇಷ್ಠ ಚಲನಚಿತ್ರ ತಯಾರಕರನ್ನು ಸೃಷ್ಟಿಸುವ ಪರಂಪರೆಯನ್ನು ಹೊಂದಿದೆ. ಭವಿಷ್ಯಕ್ಕಾಗಿ ಚಾಂಪಿಯನ್‌ ಗಳನ್ನು ಸೃಷ್ಟಿಸುವುದು ಮತ್ತು ಬೃಹತ್‌ ಆಗಿ ಬೆಳೆಯಲು ಅವರಿಗೆ ಅವಕಾಶವನ್ನು ಒದಗಿಸುವುದು ಇದರ ಸಂಪೂರ್ಣ ಆಶಯವಾಗಿದೆ" ಎಂದು ಅವರು ಹೇಳಿದರು.

ಈ ವರ್ಷದ 77 ನೇ ಕಾನ್ ಚಲನಚಿತ್ರೋತ್ಸವದಲ್ಲಿ ಪ್ರಶಸ್ತಿಗಳನ್ನು ಗೆದ್ದಿರುವ ಎಫ್‌‌ ಟಿ ಐ ಐ ವಿದ್ಯಾರ್ಥಿ ಕಿರುಚಿತ್ರ “Sunflowers were the first ones to know” ವನ್ನು ಉದ್ಘಾಟನಾ ಸಮಾರಂಭದಲ್ಲಿ ಪ್ರದರ್ಶಿಸಲಾಗುವುದು ಎಂದು ಶ್ರೀ ಸಂಜಯ್ ಜಾಜು ಹೇಳಿದರು. ನಮ್ಮ ಸಾಂಸ್ಕೃತಿಕ ಶಕ್ತಿಯಲ್ಲಿ ಭಾರತದ ಆರೋಹಣವು ವಾಸ್ತವವಾಗಿದೆ ಮತ್ತು ಮುಂದಿನ ವಾರದಲ್ಲಿ ಎಂ ಐ ಎಫ್‌ ಎಫ್‌ ನ ಭಾಗವಾಗಲಿರುವ ಈ ಆವಿಷ್ಕಾರಿ ಸೃಷ್ಟಿಕರ್ತರಿಂದ ಇದು ಉತ್ತೇಜನ ಪಡೆಯಲಿದೆ ಎಂದು ಅವರು ಹೇಳಿದರು. “ನಮ್ಮದು ಅಪಾರ ಸಂಖ್ಯೆಯ ಭಾಷೆಗಳು ಮತ್ತು ಕ್ರಿಯೇಟರ್‌ ಗಳನ್ನು ಹೊಂದಿರುವ ಬೃಹತ್, ವೈವಿಧ್ಯಮಯ ದೇಶವಾಗಿದೆ. ಸಾಮಾಜಿಕ ಮಾಧ್ಯಮ ಯುಗದಲ್ಲಿ ಸಿನಿಮಾ ಶಾಲೆಗೂ ಹೋಗದ ಕ್ರಿಯೇಟರ್‌ ಗಳು ಬಹಳಷ್ಟಿದ್ದಾರೆ. ಆದರೆ ಅವರು ದೊಡ್ಡ ಪ್ರಭಾವಶಾಲಿ ನೆಟ್‌ವರ್ಕ್ ಅನ್ನು ಹೊಂದಿದ್ದಾರೆ ಮತ್ತು ಅವರು ಕಂಟೆಂಟ್‌ ನಲ್ಲಿ ಭರವಸೆಯನ್ನು ಹೊಂದಿದ್ದಾರೆ. ಅಂಥವರಿಗೆ ಅವಕಾಶ ಸಿಗುತ್ತದೆ. ಸ್ವತಂತ್ರ ಚಲನಚಿತ್ರ ತಯಾರಕರನ್ನು ಉತ್ತೇಜಿಸಲು ಸರ್ಕಾರದ ಸಾಕಷ್ಟು ಯೋಜನೆಗಳಿವೆ ”ಎಂದು ಅವರು ವಿವರಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ, ಎನ್‌ ಎಫ್‌ ಡಿ ಸಿ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಪೃಥುಲ್ ಕುಮಾರ್ ಅವರು 18 ನೇ ಎಂ ಐ ಎಫ್‌ ಎಫ್‌ 2024 ರ ವಿವಿಧ ವೈಶಿಷ್ಟ್ಯಗಳನ್ನು ವಿವರಿಸುವ ಪಿಪಿಟಿಯನ್ನು ಪ್ರಸ್ತುತಪಡಿಸಿದರು.

ಕರ್ಟನ್ ರೈಸರ್ ಪಿಪಿಟಿಗಾಗಿ https://docs.google.com/presentation/d/1vrm-RPcapfceRxE1G9jhUhMh66Z54FnW/edit?usp=sharing&ouid=104113162989242226564&rtpof=true&sd=true ಕ್ಲಿಕ್‌ ಮಾಡಿ

*****