প্রধানমন্ত্রীগী লোইশঙ
জি-৭ মীফমগী নাকলদা প্রধান মন্ত্রীনা য়ুক্রেনগী রাস্ত্রপতি উনখ্রে
Posted On:
14 JUN 2024 5:12PM by PIB Imphal
ইতালিগী অপুলিয়াদা পাংথোক্লিবা জি-৭ মীফমগী নাকলদা ঙসি প্রধান মন্ত্রী শ্রী নরেন্দ্র মোদীনা য়ুক্রেনগী রাস্ত্রপতি ভোলোদিমিয়র জেলেন্সকিগা লোয়ননা লৈবাক অনিগী মীফম অমা পাংথোকখ্রে। মহাক্না অহুমলকশুবা তার্মগী ওফিস পায়রকপদা য়াইফ-পাউজেল পীরকপগীদমক প্রধান মন্ত্রীনা রাস্ত্রপতি জেলেন্সকি থাগৎপা ফোঙদোকখি।
লুচিংবা অনিনা মহৈ য়ানবা মীফম অমা পাংথোক্তুনা লৈবাক অনিগী মরক্তা লৈনরিবা মরীশিং মপাঙ্গল কনখৎহন্নবা লম্বীশিং খন্নখি। য়ুক্রেনগী হৌজিক ওইরিবা ফিবম অমসুং সুইজরলেন্দনা য়ুম্বূ ওইদুনা শান্তি পুরক্নবা মীফম পাংথোক্কদৌরিবা অসিগী মতাংদা মখোয়না খন্নখি।
ৱারি শানবা অমসুং কুতনিতিগী খুৎথাংদা মুক্নরিবা অসি শান্তি ওইনা ৱারোইশিন পুরক্নবা ভারতনা মখা তানা পুক্নিং থৌগৎলিবা অদু প্রধান মন্ত্রীনা ফোঙদোকখি অমসুং শান্তি ওইনা ৱারোইশিন অমা পুরক্নবা মতেং পাংনবা লৈবাক অসিগী পাংথোকপা ঙম্বা থবকশিংগী মনুংদা লৈবশিং ভারতনা মখা তানা পাংথোক্কনি হায়না অমুক হন্না ফোঙদোকখি।
মখা তানা পাউ ফাওনবা হায়না লুচিংবশিংনা য়ানখি।
****
(Release ID: 2025358)
Visitor Counter : 53
Read this release in:
Odia
,
Assamese
,
English
,
Urdu
,
Marathi
,
Hindi
,
Hindi_MP
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam