नवी दिल्ली, 12 जून 2024

मत्स्यपालन पशुसंवर्धन आणि दुग्धव्यवसाय मंत्रालयाचा काल कार्यभार स्वीकारल्यानंतर केंद्रीय मत्स्यपालन, पशुसंवर्धन आणि दुग्धव्यवसाय मंत्री राजीव रंजन सिंह यांच्या अध्यक्षतेखाली आज 12 जून 2024 रोजी नवी दिल्लीतील कृषी भवनात एक आढावा बैठक झाली. मत्स्यपालन, पशुसंवर्धन आणि दुग्धव्यवसाय राज्यमंत्री (प्रा.) एस. पी. सिंह बघेल आणि जॉर्ज कुरियन देखील या बैठकीला उपस्थित होते.

सचिव (पशुसंवर्धन आणि दुग्धव्यवसाय) अलका उपाध्याय यांनी देशातील पशुधन क्षेत्राचा आढावा देऊन पशुसंवर्धन आणि दुग्धव्यवसाय विभागाच्या सर्व उपक्रमांबद्दल अवगत केले. विभागाच्या विभागीय प्रमुखांनी या बैठकीत विभागाच्या नेतृत्वाखाली सुरू असलेल्या योजना आणि कार्यक्रमांची माहिती दिली. यावेळी अधिकाऱ्यांनी मंत्र्यांना सध्या सुरु असलेल्या उपक्रमांच्या प्रगती विषयी माहिती दिली.

N.Chitale/V.Joshi/P.Malandkar