جناب پنکج چودھری نے آج نئی دہلی میں وزارت خزانہ میں اپنی مسلسل دوسری میعاد میں وزیر مملکت برائے خزانہ کا عہدہ سنبھال لیا۔

جناب چودھری كی بھارتیہ جنتا پارٹی )بی جے پی( کے پارلیمانی ركن (ایم پی( کے طور پر یہ ساتویں میعاد ہے اور وہ 18ویں لوک سبھا میں اتر پردیش کے مہاراج گنج سے منتخب ہوئے ہیں۔

ذمہ داری سنبھالنے کے بعد جناب چودھری نے فنانس سکریٹری ڈاکٹر ٹی وی سوماناتھن اور وزارت خزانہ کے دیگر سکریٹریوں کے علاوہ حکومت ہند کے اعلیٰ اقتصادی مشیر کے ساتھ مختصر بات چیت کی۔

تین دہائیوں سے عوامی خدمت میں سرگرم جناب چودھری ماضی میں گورکھپور کے ڈپٹی میئر کے عہدے پر بھی فائز رہ چکے ہیں۔ جناب چودھری گورکھپور یونیورسٹی سے گریجویٹ ہیں۔

پچھلے کئی برسوں تك جناب چودھری کئی پارلیمانی کمیٹیوں کے رکن رہے۔ ان میں پبلک انڈرٹیکنگز کمیٹی؛ ممبران پارلیمنٹ كی لوکل ایریا ڈیولپمنٹ اسکیم  سے متعلق کمیٹی؛ سائنس اور ٹیکنالوجی، ماحولیات اور جنگلات پر قائمہ کمیٹی؛ دیہی ترقی، پنچایتی راج اور پینے کے پانی اور صفائی ستھرائی کی وزارت کی مشاورتی کمیٹی؛ کیمیکلز اور فرٹیلائزر کی قائمہ کمیٹی اور ریلوے کی قائمہ کمیٹی قابل ذکر ہیں۔

***

ش ح۔ ع س۔ ک ا