অহুমলকশুবা ওইনা ভারতকী প্রধান মন্ত্রী ওইনা ৱাশক লৌখিবদা মখোয়না থাগৎপগী পাউজেলশিং পীরকপদা প্রধান মন্ত্রী শ্রী নরেন্দ্র মোদীনা মালেমগী লুচিংবশিং থাগৎপা ফোঙদোকখ্রে। শ্রী মোদীনা সোসিএল মেদিয়া প্লেতফোর্ম এক্সতা মালেমগী লুচিংবশিংনা পীরকপা পাউজেলগী পাউখুম পীখি।

মাইক্রোসোফকী ফাউন্দর বিল গেতসকী পোস্ত অমগী পাউখুম পীরদুনা, প্রধান মন্ত্রীনা হায়খি;

“বিল গেতস অদোমগী পাউজেলগীদমক থম্মোয় শেংনা থাগৎচরি। লৈবাক ঙাকপা অমসুং অনা-লায়য়েংগী লমদা তেক্নোলোজিগী থৌদাং অমসুং অইং-অশাগী খল হোংলকপা অমসুং তুংকোইনা চৎনবা য়াবা চাউখৎ-থৌরাংগী মতাংদা থা খরগী মমাঙদা ঐখোয়না ৱারি শানখিবা অদু নিংশিংলি। মীওইবা খুন্নাইগী কান্নবা পুরক্নবা অনৌবা থবক পায়খৎপা পুক্নিং থৌগৎনবা ঐখোয় পুন্না থবক তৌমিন্নবা অসি ঐখোয়না মরুওইনা লৌরি”।

অফগানিস্থানগী হান্নগী রাস্ত্রপতি হমিদ কারজাইগী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী থাগৎপা ফোঙদোকপগী ৱাহৈশিংগীদমক ঐগী মরুপ হমিদ কারজাই অদোম থাগৎচরি”।

উগান্দাগী রাস্ত্রপতি য়োৱেরি কে মুসেবেনিগী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী থাগৎপা ফোঙদোকপগী ৱাহৈশিংগীদমক রাস্ত্রপতি য়োৱেরি কে মুসেবেনি থম্মোয় শেংনা থাগৎচরি। ঐখোয়গা উগান্দগা লৈরিবা অচেৎপা মরী ঐখোয়না হেন্না চাউখৎহনগনি। অফ্রিকান য়ুনিয়ন জি-২০ প্রসিদেন্সিগী মেম্বর ওইরকপদা ঐখোয় চাউথোকচবা ফাওই। হিরম খুদিংমক্তা পুৱারি ওইরবা ঐখোয়গী মরী ঐখোয়না মখা তানা চাউখৎহনগনি”।

শ্লোভেনিয়াগী প্রধান মন্ত্রী রোবার্ত গোলোবকী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী য়াইফ-পাউজেলগীদমক প্রধান মন্ত্রী রোবার্ত গোলোব থাগৎপা ফোঙদোকচরি। ঐগী অহুমশুবা তার্মদা ভারত অমসুং শ্লোভেনিয়াগী মরক্তা লৈনরিবা অচেৎপা মরী ঐখোয়না মখা তানা ফগৎহনগনি”।

ফিনলেন্দগী প্রধান মন্ত্রী পেত্তেরি ওর্পোগী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী য়াইফ-পাউজেলগীদমক প্রধান মন্ত্রী পেত্তেরি ওর্পো অদোম থাগৎচরি। ভারত-ফিনলেন্দগী মরী হেন্না ফগৎনবা অমসুং ঐখোয়গী মরুপ-মপাং ওইবা মরী হেন্না ফগৎনবা অদোমগা লোয়ননা থবক তৌমিন্নগনি হায়বগী থাজবা ঐনা থম্লি”।

কনাদাগী প্রধান মন্ত্রী জস্তিন ত্রুদোগী পোস্ত অমগী পাউখুম পীরদুনা, প্রধান মন্ত্রীনা হায়খি;

“থাগৎপগী পাউজেলগীদমক অদোম থাগৎচরি। অমনা অমবু মশক খঙনবা অমসুং লৈবাক অমনা অমগী ৱাফমশিং ইকায়খুম্নবদা য়ুম্ফম ওইদুনা কনাদাগা লোয়ননা থবক তৌমিন্নগনি হায়না ভারতনা থাজবা থম্লি”।

সেন্তস কিতস অমসুং নেভিসকী প্রধান মন্ত্রী দোক্তর তেরেন্স দ্রিউগী পোস্ত অমগী পাউখুম পীরদুনা, প্রধান মন্ত্রীনা হায়খি;

“প্রধান মন্ত্রী তেরেন্স দ্রিউ অদোম থাগৎচরি। সেন্ত কিতস অমসুং নেভিসকা চহিচা কয়া শুরবা মীগা মীগা মরী লৈনরকপগীদমক ঐখোয় চাউথোকচবা ফাওই। গ্লোবেস সাউথকী মরুওইবা কেরিবিয়ান মরুপ অমা ওইনা চাউখৎ-থৌরাংগী মতেং পীন্নবা অদোমগা লোয়ননা থবক তৌমিন্নগনি হায়বগী থাজবা থম্লি”।

য়েমেনগী প্রধান মন্ত্রী অহমদ অৱাদ বিন মুবারক্কী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী য়াইফ-পাউজেলগীদমক প্রধান মন্ত্রী অহমদ অৱাদ বিন মুবারক থাগৎপা ফোঙদোকচরি। য়েমেনগা লৈনবা পুৱারি ওইরবা অমসুং মরুপ-মপাং ওইরবা মরীশিং ঐখোয়না মরুওইনা লৌরি। য়েমেনগী মীয়ামগী শান্তি, সেকুরিতি, তংদু-লৈতাবা অমসুং নুংঙাই-য়াইফবগীদমক ঐখোয়না থৌনিজরি”।

তেসলা মোতোর্সগী সি.ই.ও ইলোন মক্সকী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী পাউজেলগীদমক ইলোন মক্স থাগৎচরি। হৈশিংলবা ভারতকী নহারোলশিং, ঐখোয়গী মীয়াম, থাজবা য়াবা থৌশিলশিং অমসুং তংদু-লৈতাবা গনতন্ত্রগী লৈঙাক অসিনা ঐখোয়গী মরুপশিংগ ললোন-ইতিক পাংথোক্নবা মখা তানা অফবা ফিবম শেমগৎকনি”।

শ্বাতিনিগী প্রধান মন্ত্রী রুসেল মিসো লামিনিগী পোস্ত অমগী পাউখুম পীরদুনা, প্রধান মন্ত্রীনা হায়খি;

“মখোয়গী য়াইফ-পাউজেলগীদমক রুসেল মিসো লামিনি অদোম, নিংথৌকোনগী ইমুং-মনুং অমসুং শ্বাতিনিগী মীয়াম তৌবীমল খঙবা উৎচরি। ঐখোয়গী মরী হেন্না ফগৎনবা ঐখোয় পুন্না থবক তৌমিন্নগনি”।

বেলিজগী প্রধান মন্ত্রী জোন ব্রিসেনোগী পোস্ত অমগী পাউখুম পীরদুনা, প্রধান মন্ত্রীনা হায়খি;

“প্রধান মন্ত্রী জোন ব্রিসেনো অদোম থাগৎচরি। বেলিজগা লৈনরিবা মরী ঐখোয়না মরুওইনা লৌরি অমসুং মরীশিং অসি মপাঙ্গল কনখৎহন্নবা অমসুং গ্লোবেল সাউথ চাউখৎনবা অমসুং নুংঙাইনবা থবক তৌনবা থাজবা থম্লি”।

বেলজিয়মগী প্রধান মন্ত্রী অলেকজেন্দর দি ক্রুগী পোস্ত অমগী পাউখুম পীরদুনা, প্রধান মন্ত্রীনা হায়খি;

“প্রধান মন্ত্রী অলেকজেন্দর দি ক্রু অদোম থাগৎচরি। অফবা ভারত-বেলজিয়ম    মরী অসি অনৌবা তার্ম অসিদা মখা তানা অনৌবা থাকশিংদা পুখৎকনি”।

বোলিবিয়াগী রাস্ত্রপতি লুইজ অর্সেগী পোস্ত অমগী পাউখুম পীরদুনা, প্রধান মন্ত্রীনা হায়খি;

“ভারতকী গনতন্ত্রগী অদোমগী ৱাহৈশিং অমসুং অদোমগী পাউজেলগীদমক রাস্ত্রপতি লুইজ অর্সে থাগৎপা ফোঙদোকচরি। বোলিবিয়া অসি লেতিন অমেরিকাদা ঐখোয়গী মমল য়াম্লবা মরুপনি। ঐখোয় মতেং পাংনবগী অচেৎপা মরীদা ঐখোয়না থাজবা থম্লি”।

আইরলেন্দগী প্রধান মন্ত্রী সাইমন হেরিসকী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোগী থাগৎপগী ৱাহৈশিংগী প্রধান মন্ত্রী সাইমন হেরিস থাগৎপা ফোঙদোকচরি। ভারত-আইরলেন্দগী মরীশিং গনতন্ত্রগী গুনশিংদা য়ুম্ফম ওইরি। লৈবাক অনি মরী লৈনরকপগী ঐখোয়না ৭৫শুবা থৌরম পাংথোকপগা লোননা ঐখোয়গী মরী খুমাঙচাউশিন্নবা অদোমগী থাজবা ঐনা শরুক য়াজরি”।

জাম্বিয়াগী রাস্ত্রপতি হাকাইন্দে হিচিলেমাগী পোস্ত অমগী পাউখুম পীরদুনা, প্রধান মন্ত্রীনা হায়খি;

“থাগৎপগী ৱাহৈশিংগীদমক রাস্ত্রপতি হাকাইন্দে হিচিলেমা থাগৎপা ফোঙদোকচরি। ভারত-জাম্বিয়াগী মরী মখা তানা হেন্না ফগৎলক্কনি”।

ইন্দোনেসিয়াগী রাস্ত্রপতি খল্লবা প্রাবোৱো সুবিয়ান্তোগী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী য়াইফ-পাউজেলগীদমক রাস্ত্রপতি ওইনা খল্লবা প্রাবোৱো সুবিয়ান্তো থাগৎপা ফোঙদোকচরি। ঐখোয়গী কমপ্রেহেন্সিপ পার্তনরশিপ মপাঙ্গল কনখৎহন্নবা অমসুং চহি কয়া শুরবা ঐখোয়গী মরীশিং শেমগৎনবা অদোমগা লোয়ননা চেৎনা থবক তৌমিন্নগনি হায়না ঐনা থাজবা থম্লি”।

সুইজ কনফিদেরেসনগী প্রসিদেন্ত বাইওলা অমহার্দকী পোস্ত অমগী পাউখুম পীরদুনা, প্রধান মন্ত্রীনা হায়খি;

“অদোমগী থাগৎপগী ৱাহৈশিংগীদমক প্রসিদেন্ত বাইওলা অমহার্দ থাগৎপা ফোঙদোকচরি। ভারতকী ‘গনতন্ত্রগী কুহ্মৈ’ অসি তশেংনা মালেমগী পুক্নিং চিংশিল্লে। ভারত-সুইজরলেন্দগী মরী হেন্না ফগৎনবা ঐখোয় পুন্না থবক তৌমিন্নগনি”।

***