ನೀತಿ ಆಯೋಗದ ಅಟಲ್ ಇನ್ನೋವೇಶನ್ ಮಿಷನ್(ಎಐಎಂ), ಭಾರತದಲ್ಲಿ ನಾವೀನ್ಯತೆ ಮತ್ತು ಸುಸ್ಥಿರತೆ ಉತ್ತೇಜಿಸುವ ಗುರಿ ಹೊಂದಿರುವ 2 ಅದ್ಭುತ ಉಪಕ್ರಮಗಳ ಆರಂಭನ್ನು ಹೆಮ್ಮೆಯಿಂದ ಘೋಷಿಸಿದೆ. ಎಐಎಂ-ಐಸಿಡಿಕೆ ವಾಟರ್ ಚಾಲೆಂಜ್ 4.0' ಮತ್ತು ಭಾರತದ ಎಸ್ ಡಿಜಿ(ಸುಸ್ಥಿರ ಅಭಿವೃದ್ಧಿ ಗುರಿ) ಉದ್ಯಮಶೀಲರ ಮೇಲೆ ಬೆಳಕು ಚೆಲ್ಲುವ 5ನೇ ಆವೃತ್ತಿಯ 'ಇನ್ನೋವೇಶನ್ಸ್ ಫಾರ್ ಯು' ಹ್ಯಾಂಡ್‌ಬುಕ್ ಇದಾಗಿದೆ.

ಭಾರತದಲ್ಲಿರುವ ರಾಯಲ್ ಡ್ಯಾನಿಶ್ ರಾಯಭಾರ ಕಚೇರಿಯಲ್ಲಿ ಇನ್ನೋವೇಶನ್ ಸೆಂಟರ್ ಡೆನ್ಮಾರ್ಕ್ (ಐಸಿಡಿಕೆ) ಸಹಭಾಗಿತ್ವದಲ್ಲಿ ಅಟಲ್ ಇನ್ನೋವೇಶನ್ ಮಿಷನ್(ಎಐಎಂ, ಮುಕ್ತ ನಾವೀನ್ಯತೆಯ ನೀರಿನ ಸವಾಲಿನ 4ನೇ ಆವೃತ್ತಿಯನ್ನು ಪ್ರಸ್ತುತಪಡಿಸುತ್ತಿದೆ. ಈ ಉಪಕ್ರಮವು ಇಂಡೋ-ಡ್ಯಾನಿಷ್ ದ್ವಿಪಕ್ಷೀಯ ಹಸಿರು ಕಾರ್ಯತಂತ್ರದ ಪಾಲುದಾರಿಕೆಯ ಮೂಲಾಧಾರವಾಗಿದೆ. ಆವಿಷ್ಕಾರಕ ಪರಿಹಾರಗಳ ಮೂಲಕ ನಿರ್ಣಾಯಕ ಜಲ-ಸಂಬಂಧಿತ ಸವಾಲುಗಳನ್ನು ಎದುರಿಸಲು ಇದು ಪ್ರಯತ್ನಿಸುತ್ತಿದೆ. ಆಯ್ಕೆಯಾದ ತಂಡಗಳು ಜಾಗತಿಕ ಮುಂದಿನ ಪೀಳಿಗೆಯ ಡಿಜಿಟಲ್ ಆಕ್ಷನ್ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಭಾರತೀಯ ತಂಡವನ್ನು ರಚಿಸುತ್ತವೆ. 9 ದೇಶಗಳ (ಭಾರತ, ಡೆನ್ಮಾರ್ಕ್, ಘಾನಾ, ಕೀನ್ಯಾ, ಕೊರಿಯಾ, ತಾಂಜಾನಿಯಾ, ದಕ್ಷಿಣ ಆಫ್ರಿಕಾ, ಘಾನಾ, ಕೊಲಂಬಿಯಾ ಮತ್ತು ಮೆಕ್ಸಿಕೊ) ಪ್ರಮುಖ ವಿಶ್ವವಿದ್ಯಾಲಯಗಳು ಮತ್ತು ನಾವೀನ್ಯತೆ ಕೇಂದ್ರಗಳ ಯುವ ಪ್ರತಿಭೆಗಳು ಈ ಕಾರ್ಯಕ್ರಮದಲ್ಲಿ ತೊಡಗಿಸಿಕೊಳ್ಳುತ್ತವೆ.

ಆಯ್ದ ತಂಡಗಳಿಂದ ಭಾಗವಹಿಸುವವರು ಗುಂಪು ಕೆಲಸ, ಬೂಟ್ ಕ್ಯಾಂಪ್ ಕಲಾಪ, ಪ್ರಮುಖ ಟಿಪ್ಪಣಿಗಳು ಮತ್ತು ವೈಯಕ್ತಿಕಗೊಳಿಸಿದ ಮಾರ್ಗದರ್ಶನ ಒಳಗೊಂಡಿರುವ ಹೈಬ್ರಿಡ್ ನಾವೀನ್ಯತೆ ಪ್ರಯಾಣದಲ್ಲಿ ತೊಡಗಿಸಿಕೊಳ್ಳುವಿಕೆಯನ್ನು ನಿರೀಕ್ಷಿಸಬಹುದು. ಪ್ರೋಗ್ರಾಂ ಸಮರ್ಥನೀಯತೆ, ಡಿಜಿಟಲ್ ಪರಿಹಾರಗಳು, ಸೇರ್ಪಡೆ ಮತ್ತು ಸಾರ್ವತ್ರಿಕ ವಿನ್ಯಾಸ ತತ್ವಗಳ ಪರಿಶೋಧನೆಯನ್ನು ಇದು ಪ್ರೋತ್ಸಾಹಿಸುತ್ತದೆ. ಇಲ್ಲಿ ಸಕ್ರಿಯ ಭಾಗವಹಿಸುವಿಕೆಯನ್ನು ಉತ್ತೇಜಿಸಲಾಗುತ್ತದೆ, ಸಹಕಾರಿ ಬೆಂಬಲ ಮತ್ತು ಗೆಳೆಯರ ನಡುವೆ ಜ್ಞಾನ ಹಂಚಿಕೆಯನ್ನು ಉತ್ತೇಜಿಸುತ್ತದೆ. ಹೆಚ್ಚುವರಿಯಾಗಿ, ಭಾಗವಹಿಸುವವರು ಡೆನ್ಮಾರ್ಕ್ ಸರ್ಕಾರದಿಂದ 2024 ಅಕ್ಟೋಬರ್ 30ರಿಂದ 31ರ ವರೆಗೆ ಕೋಪನ್ ಹ್ಯಾಗನ್ ನಲ್ಲಿ ಆಯೋಜಿಸಲಾದ “ಡಿಜಿಟಲ್ ಟೆಕ್ ಶೃಂಗಸಭೆ”ಯಲ್ಲಿ ನಾವೀನ್ಯತೆಗಳನ್ನು ಪ್ರದರ್ಶಿಸಲು ಅವಕಾಶ ಹೊಂದಿರುತ್ತಾರೆ.

ಈ ಸ್ಪರ್ಧೆ ಅಥವಾ ಸವಾಲು 2 ಮಾರ್ಗಗಳಲ್ಲಿ ನಮೂದು ಅಥವಾ ಅರ್ಜಿಗಳನ್ನು ಆಹ್ವಾನಿಸುತ್ತದೆ: ಒಂದು ವಿದ್ಯಾರ್ಥಿಗಳಿಗೆ ಮತ್ತು ಇನ್ನೊಂದು 35 ವರ್ಷದೊಳಗಿನ ಯುವ ಉದ್ಯಮಶೀಲರಿಗೆ. ಆರಂಭಿಕ ಹಂತದ ಸ್ಟಾರ್ಟಪ್‌ಗಳು, ಸಂಶೋಧಕರು ಮತ್ತು ಯುವ ನವೋದ್ಯಮಿಗಳು ಸಕಾರಾತ್ಮಕ ಪರಿಸರ ಬದಲಾವಣೆಗೆ ಚಾಲನೆ ನೀಡಲು ಬದ್ಧರಾಗಿರುತ್ತಾರೆ. ವಿದ್ಯಾರ್ಥಿ ಪ್ರಯಾಣವು ಸಾಮಾಜಿಕ ಪರಿಣಾಮಕ್ಕಾಗಿ ಡಿಜಿಟಲ್ ಕ್ರಿಯೆಯನ್ನು ಕೇಂದ್ರೀಕರಿಸುತ್ತದೆ, ಡಿಜಿಟಲೀಕರಣದ ಮೇಲೆ ನಿರ್ದಿಷ್ಟ ಗಮನ  ಹೊಂದಿರುವ ಸುಸ್ಥಿರತೆ ಸವಾಲುಗಳ ಮೂಲಕ ಬಾಹ್ಯ ಪಾಲುದಾರರಿಂದ ಮುಂದಕ್ಕೆ ತರಲಾಗುತ್ತದೆ. ಯುವ ಉದ್ಯಮಿಗಳ ಟ್ರ್ಯಾಕ್ ಆರಂಭಿಕ ಹಂತಗಳಲ್ಲಿ ಭಾರತೀಯ ತಂತ್ರಜ್ಞಾನ ಸ್ಟಾರ್ಟಪ್‌ಗಳಿಗೆ ತಮ್ಮ ಆಲೋಚನೆಗಳನ್ನು ವೇಗಗೊಳಿಸಲು ಮತ್ತು ಜಾಗತಿಕ ಪಾಲುದಾರಿಕೆಗಳನ್ನು ರೂಪಿಸಲು ಉತ್ತೇಜಕ ಅವಕಾಶ ಒದಗಿಸುತ್ತದೆ.

ಕಾರ್ಯಕ್ರಮ ಅನಾವರಣ ಸಂದರ್ಭದಲ್ಲಿ ಮಾತನಾಡಿದ ನೀತಿ ಆಯೋಗದ ಅಟಲ್ ಇನ್ನೊವೇಷನ್ ಮಿಷನ್ ನಿರ್ದೇಶಕ ಡಾ. ಚಿಂತನ್ ವೈಷ್ಣವ್, "ಎಐಎಂ - ಐಸಿಡಿಕೆ ವಾಟರ್ ಚಾಲೆಂಜ್ 4.0 ಮತ್ತು 5ನೇ ಆವೃತ್ತಿಯ ಇನ್ನೋವೇಶನ್ಸ್ ಫಾರ್ ಯೂ - ಎಸ್‌ಡಿಜಿ ಭಾರತದ ಉದ್ಯಮಶೀಲರ ಉಪಕ್ರಮ ಅನಾವರಣ ಘೋಷಿಸಲು ನಾವು ರೋಮಾಂಚನಗೊಂಡಿದ್ದೇವೆ. ಈ ಉಪಕ್ರಮಗಳು ನಾವೀನ್ಯತೆ ಮತ್ತು ಸುಸ್ಥಿರತೆಯ ನಮ್ಮ ಪಟ್ಟುಬಿಡದ ಅನ್ವೇಷಣೆಗೆ ಸಾಕ್ಷಿಯಾಗಿವೆ. ಇವು ಭಾರತವನ್ನು ಉಜ್ವಲದತ್ತ, ಹೆಚ್ಚು ಚೇತರಿಸಿಕೊಳ್ಳುವ ಭವಿಷ್ಯದತ್ತ ಮುನ್ನಡೆಸುತ್ತವೆ. ಐಸಿಡಿಕೆ ಮತ್ತು ಭಾರತದಲ್ಲಿರುವ ರಾಯಲ್ ಡ್ಯಾನಿಶ್ ರಾಯಭಾರ ಕಚೇರಿಯಂತಹ ಪಾಲುದಾರರೊಂದಿಗೆ ಸಹಭಾಗಿತ್ವದ ಪ್ರಯತ್ನಗಳ ಮೂಲಕ, ನಾವು ತಕ್ಷಣದ ಸವಾಲುಗಳನ್ನು ಎದುರಿಸಲು ಮತ್ತು ಎರಡೂ ದೇಶಗಳಲ್ಲಿ ಸಕಾರಾತ್ಮಕ ಬದಲಾವಣೆಯನ್ನು ತರಲು ಯುವ ನವೋದ್ಯಮಿಗಳಿಗೆ ಅಧಿಕಾರ ನೀಡುವ ಗುರಿ ಹೊಂದಿದ್ದೇವೆ. ಈ ಅವಕಾಶವನ್ನು ಬಳಸಿಕೊಳ್ಳಲು ನಾವು ಸ್ಟಾರ್ಟಪ್‌ಗಳ ಜತೆಗೆ ಎಲ್ಲಾ ಉತ್ಸಾಹಿ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸುತ್ತೇವೆ" ಎಂದರು.

ಉಪಮುಖ್ಯಸ್ಥ, ನವದೆಹಲಿಯ ಟ್ರೇಡ್ ಕೌನ್ಸಿಲ್ ಮುಖ್ಯಸ್ಥ ಮತ್ತು ದಕ್ಷಿಣ ಏಷ್ಯಾದ ಪ್ರಾದೇಶಿಕ ಸಂಯೋಜಕ, ರಾಯಲ್ ಡ್ಯಾನಿಶ್ ರಾಯಭಾರಿ ಸೊರೆನ್ ನೊರ್ರೆಲುಂಡ್ ಕನ್ನಿಕ್-ಮಾರ್ಕ್ವಾರ್ಡ್‌ಸೆನ್ ಮಾತನಾಡಿ, "ನೀರಿನ ಸವಾಲು ಹಸಿರು ಕಾರ್ಯತಂತ್ರದ ಸಹಭಾಗಿತ್ವದಲ್ಲಿ (ಜಿಎಸ್‌ಪಿ) 5 ಎಸ್‌ಗಳನ್ನು ಒಳಗೊಂಡಿದೆ ಎಂಬುದನ್ನು ನೋಡಲು ನನಗೆ ಸಂತೋಷವಾಗಿದೆ. ಭಾರತ ಮತ್ತು ಡೆನ್ಮಾರ್ಕ್ ನಡುವೆ ಇರುವ ಕೌಶಲ್ಯಗಳು, ಪ್ರಮಾಣ, ವ್ಯಾಪ್ತಿ, ಸುಸ್ಥಿರತೆ ಮತ್ತು ವೇಗ ಈ 5 ‘ಎಸ್’ಗಳಾಗಿವೆ. ಈ ಸವಾಲು ಭಾರತ ಮತ್ತು ಡೆನ್ಮಾರ್ಕ್ ಮಾತ್ರವಲ್ಲದೆ, ಇಡೀ ಪ್ರಪಂಚದ ಮೇಲೆ ಪರಿಣಾಮ ಬೀರುವ ಜಾಗತಿಕ ಸವಾಲುಗಳನ್ನು ಪರಿಹರಿಸಲು ಡ್ಯಾನಿಶ್ ಮತ್ತು ಭಾರತೀಯ ಉದ್ಯಮಿಗಳ ಕೌಶಲ್ಯಗಳನ್ನು ಸಂಯೋಜಿಸುವ ಗುರಿ ಹೊಂದಿದೆ. ಈ ಪಾಲುದಾರಿಕೆಯು ತನ್ನ 4ನೇ ವರ್ಷದಲ್ಲಿ ಚಾಲನೆಯಲ್ಲಿದೆ ಎಂದು ಹೇಳಲು ನಾವು ಹೆಮ್ಮೆಪಡುತ್ತೇವೆ. ಇದು ನಮ್ಮ ಸಹಭಾಗಿತ್ವದ ಯಶಸ್ಸನ್ನು ಮಾತ್ರವಲ್ಲದೆ, ವಿಶ್ವದ ಕೆಲವು ನಿರ್ಣಾಯಕ ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಮತ್ತು ಹೆಚ್ಚು ಸಮರ್ಥನೀಯ ಜಗತ್ತನ್ನು ರಚಿಸುವಲ್ಲಿ ಯುವ ನಾವೀನ್ಯಕಾರರ ಸಮರ್ಪಣೆಯನ್ನು ಸೂಚಿಸುತ್ತದೆ. ಇಂದು ವೆಬ್‌ಸೈಟ್ ಅನಾವರಣಗೊಳಿಸಲು ನಾವು ಉತ್ಸುಕರಾಗಿದ್ದೇವೆ. ವಿಶ್ವದ ಕೆಲವು ದೊಡ್ಡ ಸಮಸ್ಯೆಗಳನ್ನು ಪರಿಹರಿಸಲು ಈ ಅವಕಾಶ ಪಡೆಯಲು ನಮ್ಮ ಯುವ ನಾವೀನ್ಯಕಾರರನ್ನು ಹೆಚ್ಚು ಪ್ರೋತ್ಸಾಹಿಸುತ್ತೇವೆ. ಈ ಸವಾಲಿನ ಯಶಸ್ವಿ 4ನೇ ಆವೃತ್ತಿಗಾಗಿ ಮತ್ತು ನಮ್ಮ ಎಲ್ಲಾ ಪಾಲುದಾರರೊಂದಿಗೆ ಈ ಪಾಲುದಾರಿಕೆ ಮುಂದುವರಿಸಲು ನಾವು ಬಯಸುತ್ತೇವೆ ಎಂದರು.

2024 ಜೂನ್ 10 ರಿಂದ ಅರ್ಜಿಗಳ ಆಹ್ವಾನ ಪ್ರಾರಂಭವಾಗುತ್ತದೆ. ಅರ್ಜಿ ಸಲ್ಲಿಕೆಗೆ 2024 ಜೂನ್ 20 ಅಂತಿಮ ದಿನಾಂಕ ನಿಗದಿಪಡಿಸಲಾಗಿದೆ. ಆಸಕ್ತ ಅರ್ಜಿದಾರರು ಇಲ್ಲಿ ಅಪ್ಲಿಕೇಶನ್ ಲಿಂಕ್ ಪ್ರವೇಶಿಸಬಹುದು https://aim.gov.in/ICDK-water-innovation-challenge-4.php

ಐಸಿಡಿಕೆ ಜತೆಗೆ, ಎಐಎಂ 5ನೇ ಆವೃತ್ತಿಯ ‘ಇನ್ನೋವೇಶನ್ಸ್ ಫಾರ್ ಯೂ’ ಪರಿಚಯಿಸಿದೆ. ಇದು ಕಾಫಿ ಟೇಬಲ್ ಪುಸ್ತಕ ಸರಣಿಯು ಭಾರತದ ಎಸ್ ಡಿ ಜಿ  ಉದ್ಯಮಿಗಳ ಪ್ರಯತ್ನಗಳನ್ನು ಗುರುತಿಸುತ್ತದೆ. ಈ ಆವೃತ್ತಿಯು ಭಾರತದ ವಿವಿಧ ಮೂಲೆಗಳಿಂದ 60 ಉದ್ಯಮಿಗಳನ್ನು ಒಳಗೊಂಡಿದೆ, ಪ್ರತಿಯೊಬ್ಬರೂ ಸಮರ್ಥನೀಯ ಆವಿಷ್ಕಾರಗಳ ಮೂಲಕ ಸಾಮಾಜಿಕ ಸುಧಾರಣೆಗೆ ಕೊಡುಗೆ ನೀಡುತ್ತಾರೆ.

ಈ ಸ್ಟಾರ್ಟಪ್‌ಗಳು ಮರುಬಳಕೆ ಮಾಡಬಹುದಾದ ಮತ್ತು ನವೀಕರಿಸಬಹುದಾದ ವಸ್ತುಗಳು, ಹಸಿರು ಇಂಧನ, ಎಲ್ಲರನ್ನೂ ಒಳಗೊಂಡ ಶಿಕ್ಷಣ ಮತ್ತು ಪ್ರಾತಿನಿಧ್ಯ ವಂಚಿತ ಸಮುದಾಯಗಳು ಮತ್ತು ಸ್ಥಳೀಯ ಕುಶಲಕರ್ಮಿಗಳ ವಕಾಲತ್ತುಗಳ ಮೇಲೆ ಗಮನ ಕೇಂದ್ರೀಕರಿಸುತ್ತವೆ. ಕಾಫಿ ಟೇಬಲ್ ಪುಸ್ತಕವನ್ನು ಇಲ್ಲಿ ಪ್ರವೇಶಿಸಬಹುದು https://aim.gov.in/pdf/sdg-coffee-table-book.pdf

*****