اٹل انوویشن مشن، نیتی آیوگ(اے آئی ایم) نے فخر کے ساتھ ہندوستان میں جدت اور پائیداری کو فروغ دینے کے مقصد سے دو اہم اقدامات اے آئی ایم- آئی سی ڈی کےواٹر چیلنج 4.0' اور 'انوویشنز فار یو' ہینڈ بک کا پانچواں ایڈیشن، شروع کرنے کا اعلان کیا۔ہندوستان کے  ایس ڈی جی  انٹرپرینیورس کی رونمائی کی۔

ہندوستان میں رائل ڈینش ایمبیسی میں انوویشن سینٹر ڈنمارک(آئی سی ڈی کے) کے تعاون سے،اے آئی ایم اوپن انوویشن واٹر چیلنج کا چوتھا ایڈیشن پیش کیا۔ یہ پہل، ہند-ڈنمارک دوطرفہ گرین اسٹریٹجک پارٹنرشپ کا سنگ بنیاد ہے، اختراعی حل کے ذریعے پانی سے متعلق اہم چیلنجوں سے نمٹنے کی کوشش ہے۔ منتخب ٹیمیں ہندوستانی گروپ بنائیں گی جو گلوبل نیکسٹ جنریشن ڈیجیٹل ایکشن پروگرام میں حصہ لیں گی اور 9 ممالک (ہندوستان، ڈنمارک، گھانا، کینیا، کوریا، تنزانیہ، جنوبی افریقہ، گھانا، کولمبیا اور میکسیکو) کی معروف یونیورسٹیوں اور اختراعی مراکز کے نوجوان ہنرمندوں کے ساتھ مشغول ہوں گے۔

منتخب ٹیموں کے شرکاء گروپ ورک، بوٹ کیمپ سیشنز، کلیدی نوٹس، اور ذاتی رہنمائی پر مشتمل ہائبرڈ اختراعی سفر میں مصروف رہیں گے۔ یہ پروگرام پائیداری، ڈیجیٹل حل، شمولیت، اور عالمگیر ڈیزائن کے اصولوں کی تلاش کی حوصلہ افزائی کرتا ہے، فعال شرکت کو فروغ دیتا ہے، ساتھیوں کے درمیان باہمی تعاون اور علم کے اشتراک کی حوصلہ افزائی کرتا ہے۔ مزید برآں، شرکاء کو کوپن ہیگن میں 30 سے ​​31 اکتوبر 2024 تک ڈنمارک کی حکومت کی طرف سے مالی اعانت سے منعقد ہونے والی ڈیجیٹل ٹیک سمٹ میں اختراعات دکھانے کا موقع ملے گا۔

چیلنج دو راستوں کے تحت اندراجات کو مدعو کرتا ہے: ایک طالب علم کے لیے اور دوسرا 35 سال سے کم عمر کے نوجوان کاروباریوں کے لیے۔ ابتدائی مرحلے کے آغاز، محققین، اور نوجوان اختراع کار جو مثبت ماحولیاتی تبدیلی کو آگے بڑھانے کے لیے پرعزم ہیں، درخواست دینے کے لیے حوصلہ افزائی کی جاتی ہے۔ طلباء کا سفر ‘ڈیجیٹل ایکشن فار سوشل امپیکٹ’ پر توجہ مرکوز کرتا ہے، جس کے ذریعے  بیرونی شراکت داروں نے پائیداری کے چیلنجز کے ڈیجیٹلائزیشن پر خصوصی توجہ دی ہے۔ نوجوان کاروباریوں کے لیے ابتدائی مراحل میں ہندوستانی ٹیکنالوجی اسٹارٹ اپس کے لیے اپنے خیالات کو تیز کرنے اور عالمی شراکت داری قائم کرنے کا ایک دلچسپ موقع پیش کرتا ہے۔

تقریب کے آغاز کے موقع پر خطاب کرتے ہوئے، مشن ڈائریکٹر اے آئی ایم ، نیتی آیوگ ڈاکٹر چنتن وشنو نے کہا کہ "ہم اے آئی ایم- آئی سی ڈی کےواٹر چیلنج4.0 اور‘انوویشنز فار یو’کے پانچویں ایڈیشن-ایس ڈی جی انٹرپرینیورس آف انڈیا کے آغاز کا اعلان کرتے ہوئے بہت پرجوش ہیں۔ یہ اقدامات جدت اور پائیداری کے لیے ہماری انتھک کوششوں اورجستجو کی عکاسی کرتے ہیں، جو ہندوستان کو ایک روشن، زیادہ لچکدار مستقبل کی طرف لے جاتے ہیں۔ آئی سی ڈی کے اور ہندوستان میں رائل ڈینش ایمبیسی جیسے شراکت داروں کے ساتھ تعاون پر مبنی کوششوں کے ذریعے، ہمارا مقصد اہم چیلنجوں سے نمٹنے اور دونوں ممالک میں مثبت تبدیلی لانے کے لیے نوجوان اختراع کاروں کو بااختیار بنانا ہے۔ ہم اسٹارٹ اپ کے ساتھ ساتھ تمام پرجوش طلباء کی حوصلہ افزائی کرتے ہیں کہ وہ اس موقع سے فائدہ اٹھائیں"۔

منسٹر کونسلر، نئی دہلی میں ٹریڈ کونسل کے سربراہ اور جنوبی ایشیا کے علاقائی رابطہ کار، رائل ڈینش ایمبیسی سورین نوریلنڈ کنیک-مارکوارڈسن نے اپنی تقریر میں کہا، "مجھے یہ دیکھ کر خوشی ہوئی کہ ہندوستان اور ڈنمارک کے درمیان واٹر چیلنج گرین اسٹریٹجک پارٹنرشپ (جی ایس پی) میں5-ایس یعنی اسکلس، اسکیل، اسکوپ، سسٹین ایبلیٹی اینڈ اسپیڈ (ہنر، پیمانہ، دائرہ کار، پائیداری، اور رفتار) کے دائرے میں لیے ہوئے ہے۔ اس چیلنج کا مقصد عالمی چیلنجوں کو حل کرنے کے لیے ڈنمارک اور ہندوستانی کاروباریوں کی مہارتوں کو یکجا کرنا ہے جو نہ صرف ہندوستان اور ڈنمارک بلکہ پوری دنیا کو متاثر کرتے ہیں۔ ہمیں یہ کہتے ہوئے فخر ہے کہ یہ شراکت داری اپنے چوتھے سال میں چل رہی ہے، جو نہ صرف ہمارے تعاون کی کامیابی کی طرف اشارہ کرتی ہے بلکہ دنیا کے چند اہم ترین مسائل کو حل کرنے اور ایک زیادہ پائیدار دنیا کی تشکیل کے لیے نوجوان اختراع کاروں کی لگن کو بھی ظاہر کرتی ہے۔ ہم آج ویب سائٹ شروع کرنے کے لیے پرجوش ہیں اور نوجوان اختراع کاروں کی بھرپور حوصلہ افزائی کر رہے ہیں کہ وہ دنیا کے سب سے بڑے مسائل کو حل کرنے کے لیے اس موقع سے فائدہ اٹھائیں۔ ہم اس چیلنج کے کامیاب چوتھے ایڈیشن کی امید کرتے ہیں اور اپنے تمام شراکت داروں کے ساتھ اس شراکت داری کو جاری رکھیں گے۔

درخواستیں10 جون، 2024 سےمدعوہیں ، جس کی آخری تاریخ 20 جون، 2024 ہے۔ دلچسپی رکھنے والے درخواست دہندگان یہاں درخواست کے لنک تک رسائی حاصل کرنے کےلیے یہاںکلک کرسکتے ہیں: https://aim.gov.in/ICDK-water-innovation-challenge-4.php

آئی سی ڈی کے علاوہ، اے آئی ایم نے ’انوویشنز فار یو‘ کا پانچواں ایڈیشن بھی متعارف کرایا، جو کہ ایک کافی ٹیبل بک سیریز ہے جو ہندوستان کے ایس ڈی جی  کاروباریوں کی کوششوں کو نمایاں کرتی ہے۔ اس ایڈیشن میں ہندوستان کے مختلف گوشوں سے 60 کاروباری افراد شامل ہیں، جن میں سے ہر ایک پائیدار اختراعات کے ذریعے سماجی بہتری میں اپنا تعاون دے رہا ہے۔

یہ اسٹارٹ اپ قابل تجدید اور ریسائیکل کے قابل مواد، سبز توانائی، جامع تعلیم، اور کم نمائندگی والی کمیونٹیز اور مقامی کاریگروں کی وکالت پر توجہ مرکوز کرتے ہیں۔ کتاب تک یہاں رسائی حاصل کرنے کے لیے یہاں کلک کریں: https://aim.gov.in/pdf/sdg-coffee-table-book.pdf

***************

(ش ح۔ش ت۔ ج ا)

U:7269