Ka Ophis jong u Myntri Rangbah duh ka ri
Kitbok kitrwiang u Myntri Rangbah Duh jong ka Bhutan ia u Myntri Rangbah Duh Modi
Iaroh u Myntri Rangbah Duh Tshering Tobgay ia ka jingialam lynti jong u Myntri Rangbah Duh Modi
Ban jur u Myntri Rangbah Duh Modi ia ka jingkut jingmut ka India na ka bynta ka jingiatrei lang kaba khlain bha bad ka Bhutan
Posted On:
06 JUN 2024 2:19PM by PIB Shillong
U Myntri Rangbah Duh jong ka Bhutan, Dasho Tshering Tobgay u la phone ia u Myntri Rangbah Duh, Narendra Modi mynta ka sngi bad u la kitbok kitrwiang ia u halor ka jingjop jong ka National Democratic Alliance ha ka elekshon sha ka Lok Sabha kaba 18. U Myntri Rangbah Duh Tobgay u la iaroh ia ka jingialam lynti jong u Myntri Rangbah Duh Modi ha kine ki shiphew snem ba la dep bad u la kitbok kitrwiang ia ka samoi kaba lai.
U Myntri Rangbah Duh u la ai jingsngewnguh ia u Myntri Rangbah Duh Tobgay bad u la ong ba ka India ka niewkor bha ia ka jingiatreilang kaba khlain bad ka Bhutan. U Myntri Rangbah Duh u la kren shaphang ka jingkut jingmut ka Sorkar India ban pynkhlain shuh shuh ia ka jingdei paralok bad ka jingiatreilang hapdeng ka Bhutan bad ka India.
Ka jingiadei hapdeng ka India bad Bhutan ka dei kaba dap da ka jingshaniah, ka jingpyrkhat na ka bynta ka jingbha, bad ka jingiasngewthuh jingmut ha baroh ki bynta bad la pynkhlain shuh shuh ia kane lyngba ka jingiadei hapdeng ki briew jong kine ar tylli ki ri bad ka jingiatreilang kaba khlain bha ha ka ioh ka kot bad ka roi ka par.
***
(Release ID: 2023326)
Visitor Counter : 17
Read this release in:
English
,
Urdu
,
Hindi
,
Hindi_MP
,
Marathi
,
Bengali
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam