তুবরকুলোসিস মুৎথৎনবা পুন্না থবক তৌমিন্নবা ঙসি নিউ দিল্লিদা মাইন্স মিনিস্ত্রিনা হেল্থ অমসুং ফেমিলি ৱেলফিয়ারগী সেন্ত্রেল তি.বি দিবিজনগা এম.ও.য়ু অমা খুৎয়েক পীনখ্রে।

এম.ও.য়ু অদু ভারত সরকারগী মাইন্স মিনিস্ত্রিগী জোইন্ত সেক্রেতরি শ্রীমতি ফারিদা এম.নাইক অমসুং হেল্থ অমসুং ফেমিলি ৱেলফিয়ারগী ইকোনোমিক এদভাইজর দোক্তর কে ত্রিপাথিনা খুৎয়েক পীনখি অমসুং থৌরম অদুদা মিনিস্ত্রি অনিমক্কী ওফিসিএলশিং শরুক য়াখি। থৌরম অদু ভর্চুএল ওইনা মাইন্স মিনিস্ত্রিগী ফিল্দ  ফোর্মেসনশিং, সি.পি.এস.ইশিং অমসুং এত্তেচ/সর্বোদিনেত ওফিসশিং শরুক য়াখি। ভারতনা ২০২৫ ফাওবদা তি.বি মুৎথৎনবা পান্দম ফংনবা এম.ও.য়ু অসিনা মিনিস্ত্রিশিংগী মরক্তা মতেং পাংনগনি অমসুং পুন্না থবক তৌমিন্নগনি।

পুন্না থবক তৌমিন্নবা অসিদা মাইন্স মিনিস্ত্রিগী সি.পি.এস.ইশিং, এত্তেচ ওফিসশিং, সবোর্দিনেত ওফিসশিং অমসুং ওতোনোমস বোদিশিংশি শীজিন্নদুনা নেসনেল তি.বি ইলিমিনেসন প্রোগ্রামগী মখাদা ৱেবিনারশিং অমসুং অতোপ্পা মীয়াম ৱাখল তাহন্নবা থৌরমশিং পাংথোক্কনি। মসিগী থবক অসিনা মীয়াম মরক্তা তি.বি মুথৎনবগীদমক অখন্নবা খোঙজংশিং পাংথোক্নবা পি.এস.য়ুশিংগী হোস্পিতালশিং অমসুং হেল্থ সেন্তরশিংদা হকশেলগী থবক তৌরিবশিংগী কেপাসিতি বিল্দিদা মতেং পাংগনি।

****