প্রধান মন্ত্রী, শ্রী নরেন্দ্র মোদীনা ভারত্তা পাঙথোককিবা 18শুবা লোক সভা মীখলশিংদা মাইপাকখিবদা মালেমগী লুচিংবশিংনা নুংঙাইবা ফোঙদোকপগী য়াইফ-পাউজেল পীরকপদা মখোয়দা থাগৎপা ফোঙদোকখ্রে। শ্রী মোদীনা সোসিএল মীদিয়া প্লেৎফোর্ম ‘X’তা মালেমগী লুচিংবশিংগী পাউজেলশিংগী পাউখুম পীখি।

রিপব্লিক ওফ মোরিসসকী প্রধান মন্ত্রী, শ্রী প্রভিন্দ কুমার জগন্নাথকী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইফ পাউজেলগীদমক প্রধান মন্ত্রী প্রভিন্দ কুমার জগন্নাথপু থাগৎচরি। ঐখোয়গী নেচরহুদ ফার্স্ত পোলিসী, ভিজিন সাগর অমসুং গ্লোবেল সাউথকী ঐখোয়গী ফিরেপতা মোরিসসনা মরু ওইবা থৌদাং অমা লৌরি। ঐহাক্না ঐখোয়গী অখন্নবা পার্তনরশিপ হেন্না চেৎশিনহন্নবা পুন্না থবক তৌনবা আশা তৌরি।”

ভুতানগী প্রধান মন্ত্রী, শ্রী সেরিং তোবগেগী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইফ পাউজেলগীদমক ঐগী মরুপ প্রধান মন্ত্রী সেরিং তোবগেবু থাগৎচরি। ভারত-ভুতানগী মরী অসি হেন্না মপাঙ্গল কনখৎকনি।”

নেপাল প্রধান মন্ত্রী, কোমরেদ প্রাচান্দাগী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইফ পাউজেলগীদমক প্রধান মন্ত্রী কোমরেদ প্রাচান্দাবু থাগৎচরি। ভারত-নেপাগী মরুপ ওইবগী মরী হেন্না মপাঙ্গল কনখৎহন্নবা মখা তানা তেংবাং পীননবা আশা থম্মি।”

শ্রী লঙ্কাগী রাস্ত্রপতি, শ্রী রানিল ৱিক্রমশিনঘেগী পোস্তকী পাউখুম পীরদুনা প্রধান মন্ত্রীনা হায়;

“শ্রী রানিল ৱিক্রমশিনঘেবু থাগৎচরি। ভারত-শ্রী লঙ্কা ইকনোমিক পার্তনরশিপতা মখা তানা  তেংবাং পীননবা ঐহাক্না আশা থম্মি।”

শ্রী লঙ্কাগী একজিক্যুতিব প্রসিদেন্ত, শ্রী মহিন্দা রাজাপক্ষাগী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইফ পাউজেলগীদমক ঐগী মরুপ মহিন্দা রাজাপক্ষাবু থাগৎচরি। ভারত-শ্রী লঙ্কা পার্তনরশিপনা অনৌবা লমশিংদা চংশিনবা অসিদা অদোমদগী মখা তানা মতেং পাংগনি হায়না থাজবা থম্মি।”

শ্রী লঙ্কাগী ফিল্দ মার্শল, শ্রী সরত ফোনসেকাগী পোস্তকী পাউখুম পীরদুনা প্রধান মন্ত্রীনা হায়;

“শ্রী সরত ফোনসেকাবু থাগৎচরি। শ্রী লঙ্কাগা লৈনরিবা ঐখোয়গী মরীশিং অসি অখন্নবনি। ঐখোয়না শ্রী লঙ্কাগী মীয়ামগা লোয়ননা মখা তানা থবক তৌদুনা মরী অসি হেন্না চেৎশিনহনগনি অমসুং মপাঙ্গল কনখৎহনগনি।”

শ্রী লঙ্কাগী ওপোজিসনগী লুচিংবা, শ্রী সজিৎ প্রেমাদাসাগী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইজ পাউজেলগীদমক সজিত প্রেমাদাসাবু থাগৎচরি! শ্রী লঙ্কাগা লৈনরিবা ঐখোয়গী মরী অসি অখন্নবা অমসুং তোপ-তোপ্পা অমনি। ঐখোয়গী নেচরহুদ ফার্স্ত পোলিসীগা লোয়ননা ঐখোয়গী তৎন-থানবা য়াদ্রবা মরী হেন্না মপাঙ্গল কনখৎহনগনি!”

ইতালীগী প্রধান মন্ত্রী, মিস জিওর্জিয়া মেলোনিগী পোস্তকী পাউখুম পীরদুনা প্রধান মন্ত্রীনা হায়;

“পি.এম. জিওর্জিয়া মেলোনিবু অদোমগী য়াইফ পাউজেলগীদমক থাগৎচরি। মান্নবা ভেল্যু অমদি ইন্তরেস্তশিংদা য়ুম্ফম ওইরগা ঐখোয়না ভারত-ইতালীগী স্ত্রেতেজিক পার্তনরশিপ হেন্না চেৎশিনহনগনি। মালেমগী য়াইফনবা ঐখোয়না পুন্না থবক তৌমিন্নগনি।”

মালদ্বীবসকী রাস্ত্রপতি, দা. মোহমদ ম্যুজ্জুগী পোস্তকী পাউখুম পীরদুনা প্রধান মন্ত্রীনা হায়;

“থাগৎচরি রাস্ত্রপতি, দা. মোহমদ ম্যুজ্জু। মালদ্বীবস অসি ঐখোয়গী মরু ওইবা মপাং অমনি অমসুং ইন্দিবন ওসিন রিজনদা য়ুম্লোন্নরিবা ওইরি। ঐহাক্না ঐখোয়গী বাইলেতরেল মরীশিং হেন্না মপাঙ্গল কনখৎহন্নবগীদমক হেন্না তেংবাং পীনগনি।”

মালদ্বীবসকী উপ-রাস্ত্রপতি, শ্রী হ্যুসেন মোহমদ লাথীফগী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইফ পাউজেলগীদমক উপ রাস্ত্রপতি সেম্ববু থাগৎচরি। ঐখোয়না বাইলেতরেল পার্তনরশিপ হেন্না চেৎশিনহন্নবা মখা তানা পুন্না থবক তৌমিন্নগনি”

মালদ্বীবসকী হান্নগী রাস্ত্রপতি, শ্রী মোহমদ নাশীদকী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইফ পাউজেলগীদমক থাগৎচরি মোহমদ নাশীদ। অদোম্না ভারত – মালদ্বীবসকী মরী ফগৎহন্নবা লেংদনা তেংবাং পীখিবা অদুবু ঐখোয়না মরু ওইনা লৌই।”

মালদ্বীবসকী পোলিতিসিয়ন অমসুং য়ুনাইতেদ নেসন্স জেনরেল এসেমব্লীগী হান্নগী প্রসিদেন্ত, শ্রী অবদুল্লা শাহিদকী পোস্তকী পাউখুম পীরদুনা প্রধান মন্ত্রীনা হায়;

“অদোমগী য়াইফ পাউজেলগীদমক অবদুল্লা শাহিদপু থাগৎচরি। মালদ্বীবসকা লোয়ননা লৈনরিবা ঐখোয়গী মরী অসি অনৌবা পনখৈশিং য়ৌহন্নবা অদোমগী অপাম্বা অদুগা ঐখোয়গা মান্নৈ।”

জমাইকাগী প্রধান মন্ত্রী, শ্রী অন্দ্রিয়ু হোনেসকী পোস্তকী পাউখুম পীরদুনা প্রধান মন্ত্রীনা হায়;

“প্রধান মন্ত্রী অন্দ্রিয়ু হোলনেসপু থাগৎচরি। ভারত-জমাইকা মরীশিং অসি চহিচা কয়া শুরবা পিপল-তু-পিপলগী মরীশিংনি। ঐহাক্না ঐখোয়গী মীয়ামগী য়াইফনবগীদমক পুন্না থবক তৌমিন্ননবা আশা থম্মি।”

বারবাদোসকী প্রধান মন্ত্রী, মিস মিয়া অমোর মোত্তলীগী পোস্তকী পাউখুম পীরদুনা প্রধান মন্ত্রীনা হায়;

“প্রধান মন্ত্রী, মিস মিয়া অমোর মোত্তলীবু থাগৎচরি। ঐখোয়গী মীয়ামগী য়াইফনবা ভারত অমসুং বারবাদোসকী মরক্তা মপাঙ্গল কনবা পার্তনরশিপ অমগীদমক অদোমগা পুন্না থবক তৌনবা আশা থম্মি।”

*****